April 7, 2025
KalTak 24 News
Gujarat

સુરતમાં રાત્રે ગુમ થયેલીનો તાપીમાંથી મૃતદેહ મળ્યો,દુષ્કર્મની આશંકાએ પરિવાર અર્થી લઇને પોલીસ સ્ટેશન પહોંચ્યો;પરિજનોની ન્યાયની માગ

body of missing girl found in tapi river family reaches police station with dead body on suspicion of rape family demands justice surat news

Surat News: સુરતના કાપોદ્રા વિસ્તારમાંથી ગત 8 નવેમ્બરે 20 વર્ષીય ગુમ થયેલી યુવતીનો મૃતદેહ તાપી નદીમાંથી મળી આવ્યો છે. યુવતી સાથે દુષ્કર્મ આચરવામાં આવ્યું હોવાની આશંકા સાથે પરિવારજનો દ્વારા ન્યાયની માગ કરવામાં આવી છે. આજે ભારે રોષ સાથે પરિવાર અને સમાજના આગેવાનો સહિતના લોકો યુવતીની અર્થીને લઇને કાપોદ્રા પોલીસ સ્ટેશન પહોંચ્યા હતા અને ન્યાયની માગ કરી હતી. પોલીસ દ્વારા તટસ્થ તપાસની ખાતરી આપવામાં આવતા મામલો થાળે પડ્યો હતો.

બનાવની પ્રાપ્ત વિગત અનુસાર કાપોદ્રા વિસ્તારમાં દિન દયાળ સોસાયટીમાં રહેતા અરવિંદ આલોદરાની 20 વર્ષીય યુવતી અનિતા 8 નવેમ્બર, શુક્રવારની રાતે ગુમ થઇ હતી. પરિવાર દ્વારા અનિતાની શોધખોળ આદરવામાં આવી હતી પરંતુ મળી ન હતી. શનિવારે 9 નવેમ્બરે સવારે સિદ્ધકુટીર નજીક તાપી નદીમાંથી યુવતીનો મૃતદેહ મળી આવ્યો હતો. યુવતીના મૃતદેહ અંગે જાણ થતાં કાપોદ્રા પોલીસ સ્થળ પર પહોંચી હતી અને મૃતદેહને પીએમ અર્થે ખસેડવાની કાર્યવાહી કરી હતી.

કોઇ અઘટીત ઘટના બની હોવાની આશંકાના પગલે પેનલ પીએમ પોલીસ દ્વારા કરાવાયું હતું.જોકે ડૂબી જવાના કારણે મોત થયું હોવાનું તબીબોએ પ્રાથમિક તારણ આપ્યું હતું. બનાવ અંગે પોલીસે વધુ તપાસ હાથ ધરી છે. બીજી તરફ યુવતી સાથે દુષ્કર્મ અથવા શારીરિક અડપલા થયા હોવાની શંકા સાથે પરિવારજનો દ્વારા ન્યાયની માગ કરવામાં આવી છે. મૃતક યુવતીનો પરિવાર અને સમાજના લોકો યુવતીની અર્થી લઇને પોલીસ સ્ટેશન પહોંચ્યા હતા.

દીકરી સાથે કોઈ અઘટીત ઘટના બની હોવાની શંકાઃ હિંમતભાઈ

આ અંગે વાલ્મિકી સમાજના આગેવાન હિંમતભાઈએ જણાવ્યું હતું કે, યુવતી સમાજની દીકરી છે. દીકરી જોડે કોઈ અઘટીત ઘટના બની હોવાની શંકા છે, જેથી ઊંડાણપૂર્વકની તપાસ થવી જરૂરી છે. પોલીસ પાસે સમાજ અને પરિવાર માંગ કરી રહ્યું છે કે, યુવતીનું મોત ક્યાં કારણોસર અને કેવી રીતે થયું તેની તપાસ કરવામાં આવે. આ માત્ર અમારા પરિવારની દીકરી નથી, પરંતુ સમગ્ર સમાજની દીકરી છે. દીકરીને અન્યાય મળવો જોઈએ.

કાપોદ્રા પોલીસ મથકે મોટી સંખ્યામાં સમાજના લોકો એકઠા થયા હતા અને ન્યાયની માગ કરી હતી. પોલીસ દ્વારા સમાજના લોકો અને પરિવારજનોને સમજાવવામાં આવ્યા હતા અને તટસ્થ તપાસની ખાતરી આપવામાં આવી હતી. પોલીસ તરફથી યોગ્ય અને તટસ્થ તપાસની ખાતરી આપવામાં આવ્યા બાદ સમગ્ર મામલો થાળે પડ્યો હતો. પોલીસની સમજાવટ બાદ પરિવારજનો યુવતીનો મૃતદેહ લઇને અંતિમવિધિ માટે રવાના થયો હતો.જોકે, યુવતીના મોત પાછળનું સાચું કારણ શું છે તે પોલીસની ઊંડાણપૂર્વકની તપાસ બાદ બહાર આવી શકે તેમ છે.

 

Advertisement
Advertisement

 

 

 

Related posts

સુરત/ જીવન એક કળા છે તેને મન ભરીને જીવવા કુશળતા જરૂરી છે,વિચારોના વાવેતરમાં ૬૭મો વિચાર થયો રજૂ..

Sanskar Sojitra

સુરતમાં ધારાસભ્ય જયેશ રાદડિયાએ વિરોધીઓ સામે હુંકાર!; ‘આ એજ સમાજ છે જે રાજકીય રીતે ટોચ પર બેસાડવાની સાથે કેટલાકને નીચે પણ બેસાડી શકે’

KalTak24 News Team

પંચમહાલના દિગ્ગજ નેતા અને માજી સાંસદ પ્રભાતસિંહ ચૌહાણનું નિધન, 83 વર્ષની વયે અંતિમ શ્વાસ લીધા

KalTak24 News Team
રાશા દેશી લૂકમાં તેની માતા રવિના ટંડનની નકલ જેવી દેખાતી હતી, સલવાર સૂટ પહેરીને ટ્વિસ્ટેડ રીતે પોઝ આપ્યો હતો. Manasi Parekh : નેશનલ એવોર્ડ મેળવતી વખતે સ્ટેજ પર રડી પડી અભિનેત્રી, રાષ્ટ્રપતિએ તેને સાંત્વના આપી, કહ્યું- વિશ્વાસ નથી આવતો… (Copy) Manasi Parekh : નેશનલ એવોર્ડ મેળવતી વખતે સ્ટેજ પર રડી પડી અભિનેત્રી, રાષ્ટ્રપતિએ તેને સાંત્વના આપી, કહ્યું- વિશ્વાસ નથી આવતો… Paneer Korma Recipe: પનીર કોરમાની યુનિક રેસીપી ડિનરમાં ઘરે ટ્રાય કરો ખાલી પેટ કલોંજીનું પાણી પીવાના 5 ફાયદા દાંત જંતુઓ દ્વારા ચેપ લાગશે નહીં