સુરત/ લોકોને રોંગ સાઈડમાં વાહન ન ચલાવવા અપીલ માટે સોશિયલ મીડિયા ટીમ આવી મેદાને, વહેલી સવારે હાથમાં પોસ્ટર લઈને રોડ પર ઉભા રહ્યાં...

Surat News: સુરતના વરાછા ચીકુવાડી બ્રિજ નીચેથી રોંગ સાઈડમાં જતાં વાહનચાલકોને અટકાવવા માટે સોશિયલ મીડિયાની ટીમે અનોખું આંદોલન શરૂ કર્યું છે. થોડા દિવસો અગાઉ રોંગ સાઈડને લઈને સર્જાયેલી માથાકૂટમાં એક સોશિયલ મીડિયા એક્ટિવિસ્ટ પર હુમલો થયો હતો. જેમાં પોલીસે આરોપીઓને ઝડપી લઈને કાર્યવાહી શરૂ કરી છે. ત્યારે સોશિયલ મીડિયાની ટીમે હાથમાં બેનર અને પોસ્ટર લઈને ઉભા રહી લોકોને રોંગ સાઈડમાં જતાં અટકાવવા માટે જાગૃતિ લાવવા પ્રયાસ કર્યો છે.

આ પણ વાંચો: સુરત/ પી.પી.સવાણી પરિવાર દ્વારા પિતાવિહોણી 75 દીકરીઓના 24 ડિસેમ્બરે યોજાશે સમૂહલગ્નનું ભવ્ય આયોજન, મુખ્યમંત્રી લેવડાવશે 25000 લોકોને અંગદાનના શપથ

સુરતમાં અનોખી મુહિમ શરૂ કરાઇ છે. લોકોને રોંગ સાઈડમાં વાહન ચલાવતા રોકવા માટે સોશિયલ મીડિયા ટીમ રસ્તા પર ઉતરી છે. થોડા સમય પહેલા પિયુષ ધાનાણી સોશિયલ મીડિયા એક્ટીવિસ્ટને માર મરાયો હતો. ત્યારે હાથમાં પોસ્ટર બેનર રાખી લોકોને રોંગ સાઈડમાં ન આવવા અપીલ કરવામાં આવી હતી.

રોંગ સાઈડમાં આવનાર વાહન ચાલકોને પરત મોકલી અપાયા હતાં. વહેલી સવારે લોકો રોંગ સાઈડમાં ના આવે તેના માટે ટીમ તૈયાર થઈ છે. દરરોજ કાપોદ્રા, વરાછા સહિતના વિસ્તારમાં આ ટીમ કામગીરી કરશે. ત્યારે સવાલ એ ઉભો થાય છે કે, હુમલાઓ થાય ટીમો મેદાનમાં ઉતરે પરંતુ પોલીસ તંત્ર શું કરી રહ્યું છે. શું પોલીસ તંત્રની કામગીરી પણ પ્રજાએ કરવાની રહેશે કે કેમ તેવા સવાલો પણ લોકો ઉઠાવી રહ્યાં છે.

આ પણ વાંચો: મહેંદીના મધુર ગીતો સાથે પી.પી સવાણી ગ્રુપ આયોજિત ‘માવતર’ લગ્નોત્સવમાં 5000 થી વધુ લાડકડીઓના હાથોમાં મહેકી ઉઠી મહેંદી-પાલક પિતાએ પણ દીકરીના હાથોમાં મહેંદી મૂકી