- ભિલોડાના MLA પી.સી.બરંડાના ઘરે લૂંટ
- પત્નીને ઘરમાં જ બંધક બનાવી કરાઈ લૂંટ
- સોના-ચાંદી અને રોકડની લૂંટ ઇસમો ફરાર
Bhiloda MLA PC Baranda House Robbery : ગુજરાતમાં વધી રહેલા તસ્કરો(Thieves)ના ત્રાસથી હવે ધારાસભ્ય(MLA)નું ઘર પણ સુરક્ષિત રહ્યું નથી.રાજ્યના પૂર્વ SP અને ભિલોડા(Bhiloda) ના ધારાસભ્ય પી.સી બરંડાના (PC Baranda)ના ઘરે તેમની પત્નીને બંધક બનાવી ઇસમોએ લૂંટ ચલાવી હોવાની ઘટનાને લઈ રાજ્યભરમાં ખળભળાટ મચી ગયો છે. અજાણ્યા ઇસમોએ ધારાસભ્યના ગામડે આવેલ ઘરમાં ઘૂસી તેમની પત્નીને ઘરમાં જ બંધક બનાવી અને લૂંટ કરી હતી. આ તરફ હવે ઘટનાની જાણ થતાં MLA અને SP સહિતનો પોલીસ કાફલો ઘટના સ્થળે દોડી ગયો છે.
ભિલોડાના MLAના ઘરે ચોરી
પ્રાપ્ત વિગતો મુજબ અરવલ્લી (Aravalli) જિલ્લાના ભાજપના ધારાસભ્ય અને પૂર્વ IPS અધિકારી અને હાલમાં ધારાસભ્ય પી.સી બરંડાના મેઘરજના વાકાટીંબા ગામમાં આવેલા ઘરે લૂંટની ઘટના બની છે. ધારાસભ્ય ચોમાસું સત્રમાં ભાગ લેવા માટે ગાંધીનગરમાં હતા, એવામાં ઘરે એકલા તેમના પત્નીને બે લૂંટારીઓએ બંધક બનાવી લીધા હતા અને ચોરી કરી હતી. જો કે, ભાજપના ધારાસભ્યની પત્નીને ઘટનામાં કોઈ ઇજા થઇ નથી. એમના બંગલામાંથી સોનુ, ચાંદી જેવા દાગીના અને રોકડ રકમની ની ચોરી કરી હોવાની માહિતી સામે આવી છે.
ગાંધીનગરમાં (Gandhinagar) વિધાનસભાનું સત્ર ચાલતું હોવાથી હાલમાં MLA પી.સી બરંડા ગાંધીનગર હતા. ત્યારે ધારાસભ્યની ઘેરહાજરીમાં MLAના વાકાટીંબા ગામમાં સ્થિત મકાનમાં તસ્કરોએ લૂંટને અંજામ આપી નાસી છૂટ્યા હતા. આ ઘટનાની જાણ થતા MLA ગાંધીનગરથી વતન પહોંચ્યા હતા આ સાથે SP સહિત પોલીસનો કાફલો ધારાસભ્યના ઘરે પહોંચ્યો છે અને આ મામલે તપાસ શરૂ કરી છે.
મીડિયાને ધારાસભ્યની પત્નિ ચંદ્રિકાબેન બરંડાએ જણાવ્યુ હતુ, કે તેઓ રાત્રી દરમિયાન હું સુતી હતી એ દરમિયાન અવાજ થતા જાગીને પડદો ખોલીને ઘરમાં જોયુ પણ કંઈ લાગ્યુ નહીં. આ ઘટના લગભગ પોણા ત્રણ વાગ્યાના આસપાસ બની હતી. તેઓને મોંઢામાં ડૂચો મારી દઈને હાથ અને પગ બાંધી દીધા હતા. આમ તેમને બાંધી દઈને લૂંટ આચરી હતી.
આગળ કહ્યુ હતુ કે, ઘરમાં રાખેલ જ્વેલરી, સોનાના સેટ, વિંટી અને રોકડ રકમની ચોરી બે શખ્શોએ કરી હતી. ઘટનાને પગલે હવે પોલીસે તપાસનો ધમધમાટ શરુ કર્યો છે. પોલીસ દ્વારા વિસ્તારમાં અલગ અલગ ટીમો બનાવીને તપાસ શરુ કરવામાં આવી છે.
ઘટનામાં બંધક બનાવી દઈ લુંટ આચરી એ ધારાસભ્યના પત્નિ પૂર્વ અધિકારી છે. તેઓ જીએએસ અધિકારી રહી ચૂક્યા છે. નાયબ ક્લેકટર તરીકે તેઓ રાજ્યમાં ફરજ બજાવતા હતા અને હાલમાં નિવૃત જીવન ગુજારી રહ્યા છે. તેમના પતિ પીસી બરંડા પૂર્વ આઈપીએસ અધિકારી હતા અને તેઓએ રાજીનામુ મુકીને વર્ષ 2017માં ભિલોડાથી ચૂંટણી લડી હતી. ત્યારબાદ તેઓને ફરીથી ભાજપે 2022માં ટિકિટ આપી હતી. જેમાં તેઓ વિજયી થયા હતા. આમ પૂર્વ આઈપીએસ અધિકારી અને વર્તમાન ધારાસભ્યના ઘરે ચોરી થવાની ઘટનાએ સનસનાટી મચાવી છે.
ડોગ સ્ક્વોડ અને એફએસએલની મદદ લેવાશે
ભિલોડાના ધારાસભ્ય પી.સી.બરંડાના ઘરે લૂંટની ઘટનાની જાણ થતાં પોલીસની ટીમ પણ ઘટના સ્થળે દોડી આવી હતી. આતરફ અરવલ્લીના SP સહિતનો પોલીસ કાફલો તપાસમાં જોતરાયો છે. જોકે હવે આ લૂંટની ઘટનામાં ડોગ સ્ક્વોડ અને એફએસએલની મદદ લેવાશે.
પોલીસે બં શંકાસ્પદોને ઝડપ્યા
SP શૈફાલી બરવાલે મીડિયાને જણાવ્યુ હતું કે, રાત્રે ભિલોડાના ધારાસભ્ય પી.સી બરંડાના ઘરે લૂંટની ઘટના બની હતી. આ જાણકારી મળતા જ શામળાજીના PSI, LCB સહિતની ટીમ પહોંચી ગઈ છે. એક-બે શંકાસ્પદ ઝડપાયા છે અને તેમની પૂછપરછ કરવામાં આવી રહી છે. મુખ્ય રૂપે દાગીના અને રોકડની ચોરી થઈ છે. પોલીસ દ્વારા લૂંટ આચરનારા આરોપીઓને ઝડપી લેવા માટે થઈને અલગ અલગ ટીમો રવાના કરવામાં આવી છે.કેટલાની મત્તા ચોરાઈ છે તે હજુ તપાસ બાદ જાણવા મળશે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
