Ambati Rayudu Join YSR Congress : ભારતીય ટીમના પૂર્વ સ્ટાર ક્રિકેટર અંબાતિ રાયડૂએ હવે રાજકારણની પિચ પર ડગ માંડ્યા છે. તેણે YSR કોંગ્રેસ પાર્ટી જોઈન કરી છે. રાયડૂએ મુખ્યમંત્રી જગન રેડ્ડીની હાજરીમાં પાર્ટી જોઈન કરી.37 વર્ષના રાયડૂએ IPL 2023 જીતવાની સાથે જ ક્રિકેટના તમામ ફોર્મેટમાંથી રિટાયરમેન્ટ લઈ લીધું હતું. રાયડૂ IPLમાં ગત વખતે મહેન્દ્રસિંહ ધોનીની કેપ્ટનશિપવાળી ચેન્નાઈ સુપર કિંગ્સ ટીમમાંથી રમ્યો હતો. હવે અંબાતિ રાયડૂ રાજનીતિમાં ઉતર્યો છે.
సీఎం క్యాంప్ కార్యాలయంలో ముఖ్యమంత్రి శ్రీ వైఎస్ జగన్ సమక్షంలో వైఎస్సార్ కాంగ్రెస్ పార్టీలో చేరిన ప్రముఖ భారత క్రికెటర్ అంబటి తిరుపతి రాయుడు.
ఈ కార్యక్రమంలో పాల్గొన్న డిప్యూటీ సీఎం నారాయణ స్వామి, ఎంపీ పెద్దిరెడ్డి మిథున్ రెడ్డి.#CMYSJagan#AndhraPradesh @RayuduAmbati pic.twitter.com/QJJk07geHL
— YSR Congress Party (@YSRCParty) December 28, 2023
જૂનમાં જગન રેડ્ડીને મળ્યા હતા રાયડૂ
રાયડૂએ આ વર્ષે જૂનમાં આંધ્રપ્રદેશના CM જગન મોહન રેડ્ડી સાથે મુલાકાત કરી હતી, જે YSRCPના પ્રમુખ છે. જગનની ઈચ્છા હતી કે રાયડૂ આગામી ચૂંટણી લડે, પરંતુ હજુ સુધી તે નક્કી નથી થયું કે તેમણે લોકસભા ચૂંટણીમાં કયાંથી ટિકિટ મળશે. રાયડૂ જો લોકસભા ચૂંટણી લડશે તો તે મછલીપટ્ટનમથી ચૂંટણી જંગમાં ઉતરી શકે છે.
શું રાયડુને લોકસભા ચૂંટણીમાં ટિકિટની ટિકિટ મળશે?
આજે તેઓ પાર્ટી પ્રમુખ જગન મોહન રેડ્ડીની હાજરીમાં પાર્ટીમાં જોડાય હતા. આ સમાચાર એવા સમયે સામે આવી રહ્યા છે જ્યારે હાલ તમામ પાર્ટીઓ ચૂંટણી પ્રચારમાં વ્યસ્ત છે. એવામાં પ્રશ્નએ થઈ રહ્યા છે કે શું પાર્ટી તેમને આગામી લોકસભા ચૂંટણીમાં ટિકિટ આપશે? રાજકારણમાં જોડતા પહેલા તેમણે ગુંટુર જિલ્લાના દરેક વિસ્તારની મુલાકાત લીધી અને સમસ્યાઓ સમજવા માટે લોકોને મળ્યા હતા.
હિન્દુસ્તાન ટાઈમ્સના અહેવાલ મુજબ, તેણે બુધવારે (27 ડિસેમ્બર) મીડિયાને કહ્યું, “હું ટૂંક સમયમાં લોકોની સેવા કરવા માટે આંધ્ર પ્રદેશની રાજનીતિમાં પ્રવેશ કરીશ. રાજકારણમાં પ્રવેશતા પહેલા, મેં લોકોનો મત જાણવા અને તેમની સમસ્યાઓ સમજવાનો પ્રયાસ કર્યો.” અમે પરિસ્થિતિને સમજવા અને જિલ્લાના વિવિધ ભાગોની મુલાકાત લેવાનું નક્કી કર્યું છે.”
રાયડૂએ 55 વનડે અને 6 ટી20 મેચ રમી
રાયડૂએ ભારત તરફથી 47.05ની સરેરાશથી 55 વનડેમાં કુલ 1,694 રન બનાવ્યા. તેનો સર્વાધિક સ્કોર 124 નોટઆઉટ રહ્યો છે. તેણે 3 સેન્ચુરી અને 10 હાફસેન્ચુરી પર ફટકારી છે. રાયડૂએ 6 ટી20 મેચ પણ રમી છે. જેમાં તેણે 10.50ની સરેરાશથી માત્ર 42 રન બનાવ્યા. આ ઉપરાંત રાયડૂના નામે 97 ફર્સ્ટ ક્લાસ મેચમાં 6,151 રન નોંધાયા છે.
રાયડૂની IPL કરિયર પણ દમદાર છે. તેણે IPLમાં 203 મેચ રમી જેમાં 4,348 રન કર્યા છે. આ દરમિયાન રાયડૂની સરેરાશ 28.05 અને સ્ટ્રાઈક રેટ 127.54 રહી હતી. રાયડૂ IPLમાં એક સેન્ચુરી પણ ફટકારી ચુક્યો છે. સાથે જ તેણે 22 ફિફ્ટી પણ મારી છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
