સાળંગપુર/બોટાદ: “શ્રદ્ધા કા દૂસરા નામ શ્રી સાળંગપુરધામ” ખાતે આજે ગુજરાત સરકાર તેમજ કેન્દ્રીય મંત્રીશ્રીઓએ શ્રી કષ્ટભંજન દેવના ચરણે શીશ ઝુકાવી ગુજરાતની જનતાની સુખાકારીની પ્રાર્થના માટે આશીર્વાદ લેવા પધાર્યા હતા.
દાદાની કરી પૂજા
વધુમાં,ગુજરાતના રાજ્યના લોકલાડીલા મુખ્યમંત્રી શ્રી ભુપેન્દ્રભાઈ પટેલ તેમજ સાંસદશ્રી અને કેન્દ્રીય મંત્રી પિયુષભાઈ ગોયલ,કેન્દ્રીય મંત્રી સી.આર.પટેલ, ગૃહમંત્રી હર્ષભાઈ સંઘવી,કુંવરજી બાવળિયા,ભાનુબેન બાબરીયા,બચુભાઈ ખાબડ વગેરે ગુજરાત સરકારના મંત્રીશ્રીઓ અને ધારાસભ્યો તેમજ નવા ચૂંટાયેલા સાંસદ સભ્યશ્રીઓ પૂજા કરી દાદાના શિખર પર ધજા ચડાવી ધન્યતા અનુભવી હતી.
મંદિરમાં કર્યુ વૃક્ષારોપણ
મુખ્યપ્રધાન ભૂપેન્દ્ર પટેલે હનુમાનજી મંદિરના પ્રાંગણમાં વૃક્ષારોપણ કરી પ્રકૃતિની રક્ષા કરવા વૃક્ષો વાવવાનો સંદેશ ગુજરાતની પ્રજાને આપ્યું હતું.
હનુમાનજી મંદિરના મુખ્ય કોઠારી શ્રી વિવેક સાગરદાસજી સ્વામી તથા શા.હરિજીવનદાસજી સ્વામી-ગઢપુર,શા.શુકદેવપ્રસાદદાસજી સ્વામી-નાર,પૂ.ઘનશ્યામ સ્વામી-કુંડળ,કો.શ્યામવલ્લભ સ્વામી- વડતાલ,પૂ.બાલમુકુંદ સ્વામી-સરધાર વગેરે સંતો દ્વારા સ્વાગત સન્માન કરવામાં આવ્યું હતું.
પરષોત્તમ રુપાલાએ ગઈકાલે દાદાના કર્યા દર્શન
રાજકોટ બેઠક પરથી ચૂંટાયેલા ભાજપના સાંસદ પરષોત્તમ રુપાલાએ ગઈકાલે બોટાદના સાળંગપુર મંદિરે આવ્યા હતા.મંદિરના ગેટથી ઢોલ-નગારા સાથે તેમનું સ્વાગત કરવામાં આવ્યું હતુ. છેલ્લા ત્રણેક વર્ષથી પરષોત્તમ રુપાલા અને તેમના પરિવાર દ્વારા હનુમાન દાદાને ધજા ચડાવવામાં આવે છે. ગઈકાલે પણ પરષોત્તમ રુપાલાએ હનુમાનદાદાના મંદિરે ધજા ચડાવીને દર્શન કર્યાં હતા.
© Copyright All right reserved By KalTak24 News
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
