Surat Accident News: શિક્ષણ રાજ્યમંત્રી પ્રફુલ પાનશેરિયાની માનવીય સંવેદનાનો કિસ્સો સામે આવ્યો છે.સુરતના સરથાણા રિંગરોડ વિસ્તારમાં અકસ્માતનો ભોગ બનેલી મહિલાને શિક્ષણ રાજ્યમંત્રી પ્રફુલ પાનશેરિયાએ પોતાની કારમાં બેસાડી ડાયમંડ હોસ્પિટલમાં તાત્કાલિક સારવાર અપાવી હતી.મહિલાને કોઈ અજાણ્યા કારચાલકે ટક્કર મારતા હાથ પગ અને માથા પર ઈજા થઈ હતી. પોતાના સરકારી વાહન મારફતે ઈજાગ્રસ્ત મહિલાને સારવાર અર્થે ડાયમંડ હોસ્પિટલમાં જાતે લઈ ગયા હતા.સમયસર સારવાર મળતા મહિલાની તબિયત સુધારા પર છે.
મહિલા લોહીલુહાણ હાલતમાં રસ્તા પર કણસતા હતા. એ દરમિયાન સરથાણા રિંગરોડ પરથી પસાર થઈ રહેલા શિક્ષણ રાજ્યમંત્રી પ્રફુલ પાનશેરિયાએ ટોળું એકત્ર થયેલું જોતા ગાડી થંભાવી હતી અને એક પણ ક્ષણની રાહ જોયા વગર પોતાના સુરક્ષાકર્મીને ઉતારી પોતાના સરકારી વાહન મારફતે ઈજાગ્રસ્ત મહિલાને સારવાર અર્થે ડાયમંડ હોસ્પિટલમાં જાતે લઈ ગયા હતા.
એમ્બ્યુલન્સ આવતા 10 મિનિટનો સમય લાગે એમ હોવાથી મહિલાને ઝડપી સારવાર મળી રહે એ માટે શિક્ષણ રાજ્યમંત્રીએ અગત્યનું કામ પડતું મૂકી મહિલાને પોતાના વાહનમાં હોસ્પિટલ પહોંચાડતા તેમના સંવેદનાસભર અભિગમને લોકોએ બિરદાવ્યો હતો. સમયસર સારવાર મળતા મહિલાની તબિયત સુધારા પર છે. ઈજાગ્રસ્ત મહિલાનું પર્સ અને મોબાઈલ ફોન પરિવારજનોને સુપરત કરવામાં આવ્યા હતા.મહિલાના પરિવારજનોએ મંત્રી અને હોસ્પિટલ સ્ટાફ પ્રત્યે આભારની લાગણી વ્યક્ત કરી.
શિક્ષણ રાજ્ય મંત્રી પ્રફુલ પાનસેરીયા દ્વારા જણાવવામાં આવ્યું હતું કે, તમામ લોકોએ આ પ્રકારની ઘટનાઓમાં તાત્કાલિક અસરથી લોકોની મદદ કરવી જોઈએ અને મેં કોઈ ઉપકારનું કાર્ય કર્યું નથી. મને ભગવાને નિમિત બનાવ્યો છે અને મેં મારી ફરજ નિભાવી છે. મારી ફરજ છે કે હું લોકોની સેવા કરું અને મેં આ મહિલાની સેવા કરીને કોઈ ઉપકાર કર્યો નથી. મેં મારી ફરજ નિભાવી છે જે ગાડીમાં હું મહિલા ને હોસ્પિટલ લઈ ગયો છે એ ગાડી પણ મને સરકારે આપી છે. હાલ દિવાળીનો તહેવાર છે અને કોઈના ઘરમાં ખુશીઓના તહેવારમાં દુઃખ અને વિપત્તિ આવે તેવું ક્યારેય ન થવું જોઈએ અને હવે જ્યારે મહિલા સારવાર લઈને પોતાના પરિવારને પરત મળશે ત્યારે પરિવારમાં પણ આનંદ અને ખુશીનો માહોલ જોવા મળશે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
