દૂધ ઉભા રહીને કે પાણી બેસીને કેમ પીવું જોઇએ? જાણો કેવી રીતે પીવું જોઈએ

ઊભા રહીને દૂધ કેમ પીવું જોઈએ?

આયુર્વેદ(Ayurveda) અનુસાર દૂધ(Milk) શરદી, વાત અને પિત્ત દોષને સંતુલિત કરવાનું કામ કરે છે. જે લોકો બેસીને દૂધ(Milk) પીવે છે તેમને પાચનની સમસ્યા થાય છે. આ જ કારણ છે કે આયુર્વેદમાં રાત્રે સૂતા પહેલા અથવા સાંજના જમ્યાના બે કલાક પછી ઉભા રહીને દૂધ(Milk) પીવાની સલાહ આપવામાં આવી છે, જેથી વ્યક્તિને તેનો પૂરો ફાયદો મળી શકે.

ઉભા રહીને દૂધ પીવાના ફાયદા

ઊભા રહીને દૂધ(Milk) પીવાથી ઘૂંટણને નુકસાન થતું નથી, સ્નાયુઓ માટે ફાયદાકારક છે, કેન્સરનું જોખમ ઘટાડે છે, હૃદય રોગ અને હાઈ બ્લડ પ્રેશર સામે રક્ષણ આપે છે અને તમારી આંખો અને ત્વચા માટે પણ ફાયદાકારક છે.

બેસીને પાણી કેમ પીવું જોઈએ?

આયુર્વેદ(Ayurveda) અનુસાર, ઉભા રહીને પાણી પીવાથી ખોરાક અને શ્વાસનળીમાં ઓક્સિજનનો સપ્લાય બંધ થઈ જાય છે. જે માત્ર ફેફસાં જ નહીં પરંતુ હૃદયને પણ અસર કરે છે. આ સિવાય જો ઉભા રહીને પાણી(Water) પીવામાં આવે તો પાણીની વધુ માત્રાને કારણે પેટના નીચેના ભાગની દિવાલો પર દબાણ સર્જાય છે જેનાથી પેટની આસપાસના અવયવોને ઘણું નુકસાન થાય છે. આ ખરાબ આદતને કારણે ઘણા લોકોને આર્થરાઈટિસ અને હર્નિયાનો ભોગ બનવું પડે છે. એક ધાર્યું પાણી(Water) પીવાથી એસિડિટી, ગેસ, ઓડકાર જેવી સમસ્યા પણ થાય છે. પાણી ક્યારેય ઉભા રહીને ન પીવું. હંમેશા બેસીને પાણી પીવો.

બેસીને પાણી પીવાના ફાયદા

અભ્યાસ અનુસાર, બેસીને પાણી(Water) પીવાથી પાણીનું પાચન યોગ્ય રીતે થાય છે અને શરીરના તમામ કોષો સુધી પહોંચે છે. વ્યક્તિના શરીરને જરૂરી હોય તેટલું પાણી શોષીને તે બાકીનું પાણી અને ઝેરી તત્વોને યુરિન દ્વારા શરીરમાંથી બહાર કાઢે છે. બેસીને પાણી પીવાથી હાનિકારક તત્ત્વો લોહીમાં ભળતા નથી, પરંતુ તે લોહીને સાફ કરે છે. એટલા માટે બેસીને પાણી(Water) પીવું સારું માનવામાં આવે છે.