- અભિનેતા અને રાજકારણી વિજયકાંતે લીધા છેલ્લા શ્વાસ
- કોવિડ પોઝિટિવ બાદ હોસ્પિટલમાં હતા દાખલ
- વિજયકાંતે 154 ફિલ્મોમાં અભિનય કર્યો
Actor Vijayakanth Passes Away: અભિનેતા-રાજકારણી અને DMDK પ્રમુખ કેપ્ટન વિજયકાંતનું નિધન થયું છે. પાર્ટીના જણાવ્યા અનુસાર, તેમનો કોરોના રિપોર્ટ પોઝિટિવ આવ્યો હતો અને શ્વાસ લેવામાં તકલીફ થતાં તેઓને વેન્ટિલેટર સપોર્ટ પર રાખવામાં આવ્યા હતા. મંગળવારે, ડીએમડીકેએ કહ્યું હતું કે, તેમને રેગ્યુલર મેડિકલ ચેકઅપ માટે હોસ્પિટલમાં દાખલ કરવામાં આવ્યા છે. પાર્ટીએ કહ્યું હતું કે, વિજયકાંત “તંદુરસ્ત” છે અને ચેકઅપ બાદ ઘરે પરત ફરશે. જોકે, બાદમાં પાર્ટીએ કહ્યું હતું કે તેમનો કોવિડ-19 ટેસ્ટ પોઝિટિવ આવ્યો છે અને તેમને શ્વાસ લેવામાં તકલીફ થઈ રહી હોવાથી વેન્ટિલેટર સપોર્ટ પર રાખવામાં આવ્યા છે.
#WATCH तमिलनाडु: अभिनेता और डीएमडीके प्रमुख कैप्टन विजयकांत का आज सुबह चेन्नई के एक अस्पताल में निधन हो गया।तमिलनाडु के स्वास्थ्य मंत्री मा सुब्रमण्यम कैप्टन विजयकांत के आवास पहुंचे। https://t.co/hEU1ZkZzrJ pic.twitter.com/STxm6HOGfD
— ANI_HindiNews (@AHindinews) December 28, 2023
હોસ્પિટલે જાહેર કર્યું મેડિકલ બુલેટિન
જે MIOT હોસ્પિટલમાં વિજયકાંત દાખલ હતા, તે હોસ્પિટલે મેડિકલ બુલેટિન જાહેર કરીને કહ્યું કે, ‘ન્યુમોનિયાને કારણે દાખલ થયા બાદ કેપ્ટન વિજયકાંત વેન્ટિલેટર સપોર્ટ પર હતા. 28 ડિસેમ્બર 2023ના રોજ સવારે તેમનું અવસાન થયું છે.’
154 ફિલ્મોમાં કરી ચૂક્યા છે કામ
ડીએમડીકેના પ્રમુખને 20 નવેમ્બરે પણ હોસ્પિટલમાં દાખલ કરવામાં આવ્યા હતા અને આ મહિને તેઓ હોસ્પિટલમાંથી ઘરે પરત ફર્યા હતા. વિજયકાંતની હોસ્પિટલમાં શ્વાસની બીમારીની સારવાર ચાલી રહી હતી. વિજયકાંતની ફિલ્મી સફર શાનદાર રહી છે અને તેમણે ઘણી હિટ ફિલ્મો આપી છે અને તેઓ 154 ફિલ્મોમાં કામ કરી ચૂક્યા છે. ફિલ્મો પછી તેઓ રાજકારણમાં જોડાયા. તેમણે DMDKની સ્થાપના કરી અને વિરુધાચલમ અને ઋષિવંદ્યમ મતવિસ્તારનું પ્રતિનિધિત્વ કરતા બે વખત વિધાનસભાના સભ્ય તરીકે કામ કર્યું.
Actor-politician and DMDK founder Vijayakanth passes away in Chennai following illness: Hospital sources
— Press Trust of India (@PTI_News) December 28, 2023
વિપક્ષના નેતા પણ રહ્યા
તેમનું રાજકીય કરિયર ત્યારે ચરમસીમા પર હતું, જ્યારે તેઓ 2011થી 2016 સુધી તમિલનાડુ વિધાનસભામાં વિપક્ષના નેતા બન્યા હતા. તાજેતરના વર્ષોમાં, વિજયકાંતની તબિયત ચિંતાનો વિષય રહી છે, જેના કારણે તેઓને સક્રિય રાજકીય ભાગીદારીમાંથી પાછળ હટી જવું પડ્યું હતું.
વિજયકાંતના અંગત જીવન વિશે વાત કરીએ તો તેમનો જન્મ 25 ઓગસ્ટ 1952ના રોજ થયો હતો. તેઓ મદુરાઈના હતા. તેમના પિતાનું નામ કેએન અલગરસ્વામી હતું. તેમના પૂર્વજોને આંધ્ર પ્રદેશ સાથે નાતો હતો. 31 જાન્યુઆરી 1990ના રોજ વિજયકાંતના લગ્ન પ્રેમલતા સાથે થયા હતા. તેમના બે પુત્રો વિજય પ્રભાકર અને શાનમુગા પાંડિયન છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
