BREAKING NEWS: ભૂપેન્દ્ર પટેલ બીજી વખત બનશે ગુજરાતના મુખ્યમંત્રી, ધારાસભ્ય દળના નેતા તરીકે ચૂંટાયા

• ભૂપેન્દ્ર પટેલ ફરીવાર બન્યા ગુજરાતના મુખ્યમત્રી 
• કનુ દેસાઈએ ધારાસભ્ય દળની બેઠકમાં મૂક્યો હતો પ્રસ્તાવ
• તમામ ધારાસભ્યોએ મુખ્યમંત્રીના નામ પર મારી મહોર

ગાંધીનગર :ગુજરાત વિધાનસભા ચૂંટણીમાં ઐતિહાસિક જીત બાદ આજે ભાજપ(BJP)ના ધારાસભ્ય દળની બેઠક મળી હતી. જેમાં વિધાનસભા પક્ષના નેતા તરીકે ભૂપેન્દ્ર પટેલ(Bhupendrabhai Patel)ના નામની પસંદગી કરતો ઠરાવ રજૂ થયો હતો. ધારાસભ્ય દળની બેઠકમાં રાજનાથસિંહ, યેદિયુરપ્પા અને અર્જુન મુંડા ત્રણેય નિરીક્ષકો ઉપસ્થિત રહ્યા હતા. આજે તમામની નજર કોર કમિટીની બેઠક પર હતી કેમકે આ બેઠકમાં CM કોણ બનશે તે અંગે નિર્ણય લેવાનો હતો. 

Bhupendra Patel to continue as Gujarat Chief Minister for second term; elected legislative party leader in meeting of BJP MLAs

— Press Trust of India (@PTI_News) December 10, 2022

કનુ દેસાઈએ મુખ્યમંત્રીના નામનો પ્રસ્તાવ મુક્યો હતો. આ પ્રસ્તાવને પુર્ણેશ મોદી, શંકર ચૌધરી, મનીષા વકીલ અને રમણલાલ વોરા ટેકો જાહેર કર્યો હતો.

મંત્રીમંડળની શપથવિધિ માટે માગશે સમય
શુક્રવારે મુખ્યમંત્રી ભૂપેન્દ્ર પટેલ રાજભવનમાં તેમના કેબિનેટ મંત્રીઓ સાથે રાજ્યપાલને રાજીનામું આપ્યું હતું. બપોરે 2 વાગ્યે રાજ્યપાલ સમક્ષ સરકાર રચવાનો દાવો કરવામાં આવશે.હવે ભૂપેન્દ્ર પટેલ અને પાર્ટીના નેતાઓ રાજ્યપાલ આચાર્ય દેવવ્રત સમક્ષ ગુજરાતમાં સરકાર રચવાનો દાવો કરશે અને મંત્રીમંડળની શપથવિધિ માટે સમય માગશે. આપને જણાવી દઈએ કે, ગુજરાત વિધાનસભાની ચૂંટણીમાં ભાજપના પ્રચંડ જીત બાદ નવી સરકાર બનાવવા માટેની તૈયારીઓ તેજ બની છે.

નવી સરકારમાં મુખ્યમંત્રી ભૂપેન્દ્ર પટેલ બનશે. ધારાસભ્ય દળના નેતા તરીકે ભૂપેન્દ્ર પટેલની પસંદગી થઈ છે. સર્વ સંમતિથી ભૂપેન્દ્ર પટેલ ધારાસભ્ય દળના નેતા ચૂંટાયા છે. કેન્દ્રીય નિરીક્ષકોની હાજરીમાં ભૂપેન્દ્ર પટેલની પસંદગી કરાઈ છે. ત્યારે સોમવારે PM મોદી અને અમિત શાહની હાજરીમાં શપથ લેશે. 

12 ડિસેમ્બરે ગાંધીનગરમાં લેશે શપથ

ગાંધીનગર હેલીપેડ મેદાન ખાતે સોમવારે 12 ડિસેમ્બરે મુખ્યમંત્રી તરીકે ભૂપેન્દ્ર પટેલ શપથ લેશે.તેમની સાથે તેમનું મંત્રી મંડળ પણ શપથ લેશે.