Gujarat AAP: AAPના ધારાસભ્ય ચૈતર વસાવા અંતે પોલીસ સમક્ષ હાજર થશે, કહ્યુ- ‘મેં અનેક વખત ભ્રષ્ટાચાર ઉજાગર કર્યો’

ધારાસભ્યની પ્રતિક્રિયા

આમ આદમી પાર્ટીના ડેડીયાપાડાના ધારાસભ્ય ચૈતર વસાવા પર ખોટી ફરિયાદ કરી તેમને ફસાવામાં આવ્યા છે ત્યારે આ સમગ્ર ઘટના પર ધારાસભ્ય શ્રી ચૈતરભાઈ વસાવાની પ્રતિક્રિયા સામે આવી છે. તેમણે જણાવ્યું કે, આજે અમારા પર ખોટી ફરિયાદ થઈ છે તે બાબતને લઈને અમે પોલીસ સમક્ષ હાજર થવા જઈ રહ્યાં છીએ. આ સમય દરમિયાન તમારી સેવા નથી કરી શક્યો તમારી સેવા નથી કરી શક્યો તે માટે તમારી માફી માંગુ છું. વિધાનસભામાં જનતાએ ભરોસો મુક્યો તે માટે આભાર.

પરિવારને હેરાન કર્યો

આ વિસ્તારની જનતાના વિવિધ પ્રશ્નોને લઈને અમે બોલ્યા છીએ. આટલો નાનો ધારાસભ્ય અમારી સામે આંખથી આંખ પરોવીને વાત કરે છે અને સડકથી સદન સુધી લડતો હોવાથી ભાજપના તેલમાં રેડાયું અને અનેક કાવાદાવા કરી ખોટા કેસ કરી મને અને મારા પરિવારને હેરાન કરવામાં આવે છે. મારો પરિવારને લોભ લાલચ અને દબાણ આપવા આવ્યા છે પણ અમે ડરવાના નથી. જનતાનો પ્રેમ મળ્યો તે માટે આભાર અને જેમણે પણ અત્યાર સુધી મદદ કરી તેમનો ખુબ ખુબ આભાર, આજે હું પોલીસ સમક્ષ સરન્ડર કરવા જઈ રહ્યો છું.