જામનગર/પ્રી-વેડિંગ ફંકશનના શ્રીગણેશ અન્ન સેવાની સાથે થયા;મુકેશ અંબાણી સહિત પરિવારના સભ્યોએ પીરસ્યું ભોજન, રાત્રે ડાયરાની રમઝટ

અનંત અંબાણી અને રાધિકા મર્ચન્ટની પ્રિ-વેડિંગ સેરેમની જામનગર ખાતે યોજાશે. 1થી 3 માર્ચ દરમિયાન આ સેરેમનીનું આયોજન કરવામાં આવ્યું છે. ત્યારે આજથી પ્રી-વેડિંગ સેરેમનીની શરુઆત થઈ ગઈ છે.

અન્ન સેવા દરમિયાન અનંત અંબાણી ઘણાં જ ખુશ જોવા મળ્યા. તેઓ ભોજન પીરસતી વખતે લોકો સાથે વાત કરતા પણ જોવા મળ્યા. મરુન રંગના કુર્તામાં અનંત અંબાણી ઘણો જ સોહામણો લાગતો હતો. સોશિયલ મીડિયામાં તેનોઆ અંદાજ ઘણો જ વાયરલ થઈ રહ્યો છે.

#WATCH | Jamnagar, Gujarat: Anant Ambani and Radhika Merchant’s pre-wedding functions started with Anna Seva at the Jogwad village near Reliance Township in Jamnagar. Mukesh Ambani, Anant Ambani and other members of the Ambani family served traditional Gujarati food to villagers.… pic.twitter.com/PeaTe5Y1Sy

— ANI (@ANI) February 28, 2024

અંબાણી પરિવારની થનારી પુત્રવધૂ રાધિકા મર્ચન્ટ બિઝનેસમેન વીરેન મર્ચન્ટની પુત્રી છે. અન્ન સેવા કાર્યક્રમ દરમિયાન તે પણ ઘણી જ સુંદર લાગી રહી હતી. રાધિકા હસતા હસતા લોકોને જમવાનો આગ્રહ કરતી હતી અને વાતો કરતા પણ જોવા મળી.

અનંત અંબાણી અને રાધિકા મર્ચન્ટ પ્રી-વેડિંગનો સમારંભ જામનગરના રિલાયન્સ ટાઉનશિપની પાસે શરુ થયો છે. મીડિયા રિપોટ્સ મુજબ આ કાર્યક્રમમાં રાધિકાની નાની અને તેના માતા-પિતા વીરેન અને શૈલા મર્ચન્ટ પણ સામેલ થયા. અન્ન સેવા કાર્યક્રમ આગામી કેટલાંક દિવસ સુધી યોજાશે અને લગભગ 51 હજાર સ્થાનિક નિવાસીઓને ભોજન પીરસવામાં આવશે.