Surat Crime News: સુરતના કતારગામ વિસ્તારમાં એક હચમચાવતી ઘટના સામે આવી છે. રાત્રે સુતેલી પ્રેમિકા પર પેટ્રોલ છાંટીને પ્રેમીએ જીવતી સળગાવી દીધી હતી. ત્યાર બાદ મહિલાને હોસ્પિટલ ખાતે સારવાર અર્થે ખસેડવામાં આવી હતી. જ્યાં તેનું ટૂંકી સારવાર દરમિયાન મોત નિપજ્યું હતું.આ બનાવમાં પોલીસે હાલ આરોપીની અટકાયત કરી આ મામલે કાયદેસરની કાર્યવાહી હાથ ધરી છે.
મળતી માહિતી પ્રમાણે સુરતના કતારગામ વિસ્તારમાં આવેલી લલિતા ચોકડી પાસે ફૂટપાથ પર 50 વર્ષીય રાધા ગટુભાઈ ઝરપડા પરિવાર સાથે રહેતા હતા. રાધાને શંભુ નામના યુવક સાથે પ્રેમ સંબંધ હતો. રાધાનો પતિ વતન રાજસ્થાનમાં રહેતો હતો. રાધા એક દીકરા અને એક દીકરી સાથે રહેતી હતી. શંભુ સાથે છેલ્લા પાંચ વર્ષથી લિવ ઈનમાં હતી.
રાત્રે આવી પેટ્રોલ છાંટી સળગાવીને ભાગી ગયો
રાત્રે રાધા પરિવાર સાથે ફૂટપાથ પર સુઈ ગઈ હતી. દરમિયાન 1.45 વાગ્યે શંભુ પેટ્રોલ લઈને ધસી આવ્યો હતો અને ત્યાર બાદ રાધા પર પેટ્રોલ છાંટીને સળગાવી દીધી હતી. રાધાએ બૂમાબૂમ કરતા પરિવારજનો જાગી ગયા હતા. ત્યાર બાદ પોલીસ અને 108ને જાણ કરવામાં આવી હતી. દરમિયાન શંભુ ભાગી ગયો હતો. આ ઘટનામાં મહિલાનું મોત નીપજ્યું છે. તો બીજી તરફ બનાવની જાણ થતા પોલીસ કાફલો પણ ઘટના સ્થળે પહોંચ્યો હતો. આ બનાવમાં પોલીસે આરોપી શંભુ ની ધરપકડ કરી છે. જ્યારે મૃતક મહિલાની ઓળખ રાધા ગટુભાઈ ઝરપડા તરીકે થઇ છે.
રાધાને 108માં હોસ્પિટલ સારવાર સાર્થે ખસેડવામાં આવી હતી. જ્યાં તાત્કાલિક બંધ વિભાગમાં દાખલ કરીને સારવાર શરૂ કરવામાં આવી હતી. જોકે ગંભીર રીતે દાઝી જવાના કારણે તેનું સવારે સાડા છ વાગ્યે મોત નીપજ્યું હતું. માતાના મોતના પગલે પરિવારમાં શોકનો માહોલ છવાઈ ગયો હતો.
મૃતકની દીકરી મનીષા ઝરપડા એ જણાવ્યું હતું કે, અમે બધા તો સુતા હતા, ત્યારે શંભુએ પેટ્રોલ છાંટીને મારી માતાને સળગાવી દીધી. ત્યાર બાદ તે ભાગી ગયો હતો. અમે પોલીસને બોલાવી હતી. મારી માતાને હોસ્પિટલમાં ખસેડ્યા બાદ મૃત જાહેર કરી હતી.વધુમાં જણાવ્યું હતું કે, મારા પિતા વતનમાં ખેતી કામ કરે છે અને અમે માતા સાથે અહીં રહીને કડિયા કામ કરી ગુજરાત ચલાવીએ છીએ. શંભુ મારી માતા પર શંકા કરતો હતો કે તે કોઈ અન્ય સાથે પણ વાત કરી રહી છે. આ જ વહેમમાં તેણે તેને પેટ્રોલ છાંટીને સળગાવી દીધી.
શંભુ રાધાને પેટ્રોલ છાંટીને સળગાવી દીધા બાદ નજીકમાં આવેલા એક મહાદેવના મંદિરમાં છુપાઈ ગયો હતો. પરિવારના જણાવ્યા બાદ પોલીસે મહાદેવ મંદિરમાંથી શંભુને પકડી પાડ્યો હતો. પોલીસે હાલ તો શંભુને પકડી તેના વિરુદ્ધ હત્યાનો ગુનો દાખલ કરી વધુ તપાસ હાથ ધરી છે.
આઠ વર્ષથી પ્રેમ સંબંધ હતો: એલ.બી. ઝાલા
બનાવ અંગે ACP એચ. બી. ઝાલાએ જણાવ્યું હતું કે, “ગતરોજ રાત્રીના સમયે કતારગામ લલીતા ચોકડી પાસે હત્યાનો બનાવ બન્યો છે. આરોપી શંભુભાઈ ભુરીયા અને મૃતક મહિલા સાથે છેલ્લા 8 વર્ષથી પ્રેમ સબંધ હતો. તેઓ છેલ્લા આઠેક વર્ષથી સાથે જ રહેતા આવેલા હતા. ગતરોજ અને એના આગલા દિવસે મૃતક મહિલા અને આરોપી વચ્ચે અન્ય વ્યક્તિ સાથે આડા સબંધ હોવાની વાતને લઈને ઝઘડો થયો હતો. જેમાં ઉશ્કેરાટમાં આવી આરોપીએ ગતરાતે મહિલા પર જવલનશીલ પ્રવાહી નાખીને સળગાવી હત્યા કરી હતી. આ બનાવમાં આરોપીની હાલ ધરપકડ કરી આ મામલે કાયદેસરની કાર્યવાહી હાથ ધરવામાં આવી છે.”
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
