IND vs AUS: બોર્ડર ગાવસ્કર ટ્રોફીની ચોથી બોક્સિંગ ડે ટેસ્ટ મેલબોર્નમાં રમાઈ રહી છે. આ બોક્સિંગ ડે ટેસ્ટ મેચના પહેલા જ દિવસે બંને દેશોના ખેલાડીઓ વચ્ચે ગરમાગરમીનો માહોલ જોવા મળ્યો હતો. મેલબોર્ન ટેસ્ટના પ્રથમ દિવસે ભારતીય કેપ્ટન રોહિત શર્માએ મેદાન પર જ ઑસ્ટ્રેલિયાના બેટ્સમેન માર્નસ લાબુશેનને ખખડાવ્યો હતો. ઑસ્ટ્રેલિયન બેટ્સમેન માર્નસ લાબુશેન રન લેતી વખતે પીચ પર દોડવા લાગ્યો, જેના કારણે ટીમ ઈન્ડિયાના કેપ્ટન રોહિત શર્માએ પિત્તો ગુમાવી દીધો હતો. આ પહેલા વિરાટ કોહલીએ ઓસ્ટ્રેલિયન ઓપનર બેટ્સમેન સાથે ખભો અથડાવી દીધો હતો. આ ગેરવર્તૂણક બદલ કોહલીને તેની મેચ ફીના 20 ટકા પેનલ્ટી ફટકારવામાં આવી છે.
ઑસ્ટ્રેલિયન બેટરને ખખડાવ્યો
સોશિયલ મીડિયા પર એક વીડિયો વાયરલ થઈ રહ્યો છે જેમાં રોહિત શર્મા માર્નસ લાબુશેનને ખખડાવી રહ્યો છે. ભારત અને ઑસ્ટ્રેલિયા વચ્ચેની પાંચ મેચની ટેસ્ટ સીરિઝ હાલમાં 1-1ની બરાબરી પર છે. ICC વર્લ્ડ ટેસ્ટ ચેમ્પિયનશિપની ફાઈનલમાં પહોંચવા માટે આ નિર્ણાયક ટેસ્ટ મેચમાં ઘણું બધું દાવ પર લાગેલું છે. આવી સ્થિતિમાં ક્રિકેટના મેદાન પર ખેલાડીઓની ભાવનાઓ છતી થઈ રહી છે. આ ઘટના ત્યારે બની જ્યારે રોહિત શર્માએ માર્નસ લાબુશેન અને સેમ કોન્સ્ટસના પીચના ડેન્જર એરિયામાં વારંવાર દોડવા પર પોતાની નારાજગી વ્યક્ત કરી.
Virat Kohli and Sam Konstas exchanged a heated moment on the MCG. #AUSvIND pic.twitter.com/QL13nZ9IGI
— cricket.com.au (@cricketcomau) December 26, 2024
ICC આચાર સંહિતાની કલમ 2.12નું ઉલ્લંઘન કર્યું
ICCએ આ મામલે વિરાટ કોહલી વિરુદ્ધ કડક કાર્યવાહી કરી છે અને મેચ ફીના 20 ટકાનો દંડ લગાવ્યો છે. વિરાટ કોહલી આચાર સંહિતાની કલમ 2.12નું ઉલ્લંઘન કરવા બદલ દોષી ઠેરવવામાં આવ્યો છે. આ સાથે તેના ખાતામાં 1 ડીમેરિટ પોઈન્ટ પણ જોડાઈ ગયો છે. પ્રથમ દિવસની રમત સમાપ્ત થયા બાદ વિરાટ કોહલીએ પણ પોતાનો ગુનો કબૂલ કર્યો હતો. આ કારણે સત્તાવાર સુનાવણીની જરૂર નહોતી. આચાર સંહિતાની કલમ 2.12 મેચ દરમિયાન વિરોધી ખેલાડીઓ સાથે બિનજરૂરી શારીરિક સંપર્કથી સંબંધિત છે.
મેદાન પર જ લગાવી ક્લાસ
રોહિત શર્માએ પોતાનો ગુસ્સો એટલા માટે વ્યક્ત કર્યો કારણ કે જો માર્નસ લાબુશેન વારંવાર ડેન્જર એરિયામાં દોડે તો પીચ ખરાબ થઈ જાત. આવી સ્થિતિમાં જ્યારે ટીમ ઈન્ડિયાના બેટ્સમેન પાછળથી બેટિંગ કરવા માટે આવે ત્યારે તેમને ખરાબ પિચના કારણે મુશ્કેલીનો સામનો કરવો પડી શકે છે. રોહિત શર્માની માર્નસ લાબુશેન સાથેની આ અથડામણે ચાહકો અને કોમેન્ટેટર્સનું ધ્યાન ખેંચ્યું હતું. પૂર્વ ભારતીય ઓલરાઉન્ડર અને કોમેન્ટેટર ઈરફાન પઠાણે પરિસ્થિતિને સમજાવતા કહ્યું, ‘રોહિત શર્મા કહી રહ્યો છે કે જ્યારે તમે રન લેવા માટે દોડી રહ્યા છો, ત્યારે તમે પીચમાં દોડી રહ્યા છો.’
🗣 #RohitSharma gets disappointed, warns #Labuschagne for running on the pitch during the #BoxingDayTest 🧐#AUSvINDOnStar 👉 4th Test, Day 1 LIVE NOW! | #ToughestRivalry #BorderGavaskarTrophy pic.twitter.com/iNGMjtGXXQ
— Star Sports (@StarSportsIndia) December 26, 2024
સુનીલ ગાવસ્કરે આપ્યું નિવેદન
ભારતના દિગ્ગજ બેટ્સમેન સુનીલ ગાવસ્કરે પણ ઈરફાન પઠાણની વાતનું પુનરાવર્તન કરતા કહ્યું કે, ‘સેમ કોન્સ્ટસ પણ. તમે સેમ કોન્સ્ટસને જોયો તે તો સીધો જ પીચ પર દોડતો હતો અને કોઈએ તેને કંઈ કહ્યું પણ નહીં. સુનીલ ગાવસ્કરે અમ્પાયરોને ફટકારતા કહ્યું કે, ‘અને અમ્પાયરો માત્ર ત્યાં જોઈ રહ્યા છે. રોહિત શર્મા અને માર્નસ લાબુશેન વચ્ચે વાતચીત ચાલી રહી છે તો અમ્પાયરો માત્ર જોઈ રહ્યા છે. સ્લિપ કોર્ડનમાં ફિલ્ડિંગ કરી રહેલો વિરાટ કોહલી પણ આ મુદ્દે પોતાની નારાજગી વ્યક્ત કરતો દેખાયો હતો. ત્યારબાદ માર્નસ લાબુશેન રોહિત શર્મા સાથે સહમત જણાયો અને તેની તેની વાત માનીને માથું હલાવ્યું.
કોન્સ્ટાસે 65 બોલમાં 60 રનની ઇનિંગ રમી હતી.
19 વર્ષીય કોન્સ્ટાસે પોતાના ટેસ્ટ ડેબ્યૂમાં માત્ર 52 બોલમાં પોતાની અડધી સદી પૂરી કરી હતી. કોહલી સાથે જ્યારે તેની ટક્કર થઈ ત્યારે તે 38 બોલમાં 27 રન બનાવીને રમી રહ્યો હતો. જસપ્રિત બુમરાહની બોલ પર કેટલાક અદભૂત સ્કૂપ્સ અને રેમ્પ શોટ્સ રમતા કોન્સ્ટાસે 65 બોલમાં છ ચોગ્ગા અને બે છગ્ગાની મદદથી 60 રન બનાવ્યા હતા. લંચ બ્રેક પહેલા તે રવિન્દ્ર જાડેજાનો શિકાર બન્યો હતો.
ઓસ્ટ્રેલિયાએ મેચમાં જોરદાર શરૂઆત કરી છે
બોક્સિંગ ડે ટેસ્ટ મેચના પહેલા દિવસે ઓસ્ટ્રેલિયાએ ભારત સામે મજબૂત શરૂઆત કરી છે. ઓસ્ટ્રેલિયાએ પહેલા દિવસે 6 વિકેટ ગુમાવીને 311 રન બનાવ્યા હતા. આ દરમિયાન ઓસ્ટ્રેલિયાના પ્રથમ ચાર બેટ્સમેનોએ અડધી સદીની ઇનિંગ્સ રમી હતી. ખાસ કરીને સેમ કોન્સ્ટાસ, જેણે તેની શરૂઆત કરી, તે સંપૂર્ણ રીતે પ્રભુત્વ ધરાવે છે. કોન્સ્ટાસે 65 બોલમાં 60 રન બનાવ્યા હતા.
🚨 VIRAT KOHLI HAS BEEN FINED 20% OF HIS MATCH FEES…!!! 🚨 pic.twitter.com/UhQX85YWJf
— Mufaddal Vohra (@mufaddal_vohra) December 26, 2024
Advertisement
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
