Indian Cricket Team: ભારતીય ક્રિકેટ ટીમ T20 વર્લ્ડ કપ(Indian Cricket Team) જીતીને આજે વહેલી સવારે ભારત પરત ફરી છે. વતન પરત ફરતી વખતે, ટીમ ઈન્ડિયાના ખેલાડીઓ સૌથી પહેલા વડાપ્રધાન નરેન્દ્ર મોદીને મળવા માટે નવી દિલ્હીમાં તેમના નિવાસસ્થાને પહોંચ્યા હતા. પીએમ મોદીએ ભારતીય ટીમને નાસ્તા માટે આમંત્રણ આપ્યું હતું. ભારતીય ટીમ ગુરુવારે વહેલી સવારે ઈન્દિરા ગાંધી ઈન્ટરનેશનલ એરપોર્ટ પહોંચી હતી.
પીએમ મોદીએ ખેલાડીઓ સાથે કરી વાત
રોહિત શર્મા, વિરાટ કોહલી, જસપ્રીત બુમરાહ સહિત ટીમ ઈન્ડિયાના ખેલાડીઓ જ્યારે વડાપ્રધાન નરેન્દ્ર મોદીને મળવા માટે પીએમ હાઉસ પહોંચ્યા તો તેઓ અલગ અંદાજમાં જોવા મળ્યા. પીએમ હાઉસમાં ખેલાડીઓ સાથેની મીટિંગનો એક વીડિયો સામે આવ્યો છે, જેમાં પીએમ મોદી તેમના અનુભવ વિશે જાણી રહ્યા છે. વડાપ્રધાને ખેલાડીઓને પૂછ્યું કે અંતિમ મેચ અને છેલ્લી ઓવરમાં તેમનો અનુભવ કેવો રહ્યો.
बारबाडोस की धरती पर तिरंगा झंडा लहराने वाली T20 विश्व कप विजेता हमारी भारतीय टीम का स्वदेश लौटने पर हार्दिक स्वागत।
पूरा देश आपके सत्कार के लिए उत्सुक है।#TeamIndia pic.twitter.com/vV4Ko0H5vu
— Dr Mansukh Mandaviya (@mansukhmandviya) July 4, 2024
વડાપ્રધાને સાથે ખેલાડીઓ શેર કર્યા અનુભવો
વડાપ્રધાને ખેલાડીઓ સાથે પણ વાત કરી છે. આ પહેલા વડાપ્રધાન નરેન્દ્ર મોદીએ પણ ભારતીય ટીમના કેપ્ટન રોહિત શર્મા અને કોચ રાહુલ દ્રવિડ સાથે તસવીરો ક્લિક કરાવી હતી. આ દરમિયાન ટીમ ઈન્ડિયાના ખેલાડીઓ પણ વર્લ્ડ ચેમ્પિયન બનવાના પોતાના અનુભવો શેર કરતા જોવા મળ્યા હતા.
T20 વર્લ્ડ કપની ટ્રોફીને કેબિનેટ પર રાખવામાં આવી છે. આ પછી આખી ટીમે ટી-20 વર્લ્ડકપ ટ્રોફીને લઇને વડાપ્રધાન મોદી સાથે તસવીરો ક્લિક કરાવી હતી. રોહિત અને દ્રવિડે વડાપ્રધાનને વર્લ્ડકપની ટ્રોફી સોંપી હતી. જય શાહ અને BCCI પ્રમુખ રોજર બિન્ની પાછળ જોવા મળે છે. આ પછી ભારતીય ખેલાડીઓને મીટિંગ હોલમાં બેસાડવામાં આવે છે. વડાપ્રધાન પોતે વચ્ચે બેસીને ખેલાડીઓ સાથે વાત કરતા જોવા મળે છે. આ દરમિયાન ખેલાડીઓ અને વડાપ્રધાન મોદી હસતા જોવા મળે છે.
#WATCH | Indian Cricket team meets Prime Minister Narendra Modi at 7, Lok Kalyan Marg.
Team India arrived at Delhi airport today morning after winning the T20 World Cup in Barbados on 29th June. pic.twitter.com/840otjWkic
— ANI (@ANI) July 4, 2024
વીડિયોની શરૂઆત રોહિત શર્માની ટ્રોફી સાથે એન્ટ્રીથી થાય છે. આ પછી બાકીના ખેલાડીઓ અને સપોર્ટ સ્ટાફ પણ અંદર પહોંચી જાય છે. જેમાં રાહુલ દ્રવિડ, વિરાટ કોહલી, ઋષભ પંત જેવા ખેલાડીઓનો સમાવેશ થાય છે.
એક કિલોમીટરની વિજય પરેડનું આયોજન
પીએમ નરેન્દ્ર મોદીને મળ્યા બાદ ભારતીય ક્રિકેટ ખેલાડીઓ મુંબઈ જવા રવાના થશે, જ્યાં BCCIએ નરીમાન પોઈન્ટથી વાનખેડે સુધી એક કિલોમીટરની વિજય પરેડનું આયોજન કર્યું છે. આ વિજય પરેડમાં ખેલાડીઓ ટી20 વર્લ્ડ કપ 2024 ટ્રોફી લઈને ખુલ્લી બસમાં સવારી કરશે. આ વિજય પરેડમાં મોટી સંખ્યામાં ભારતીય ટીમના ફેન્સ પણ ભાગ લેશે. આ વિજય પરેડ એનસીપીએથી વાનખેડે સ્ટેડિયમ સુધી વિજય પરેડ કાઢવામાં આવશે.આ પછી વાનખેડે સ્ટેડિયમમાં બીસીસીઆઈ ટીમ ઈન્ડિયાનું સન્માન પણ કરવામાં આવશે.
મુંબઈમાં કડક સુરક્ષા વ્યવસ્થા
મુંબઈમાં ભારતીય ક્રિકેટ ટીમના રોડ શો માટે વ્યાપક સુરક્ષા વ્યવસ્થા કરવામાં આવી છે. સાંજે 5 થી 7 દરમિયાન નરીમાન પોઈન્ટથી વાનખેડે સ્ટેડિયમ સુધી વિજય સરઘસ કાઢવામાં આવશે. આ કાર્યક્રમ માટે મોટી સંખ્યામાં લોકો એકત્ર થવાની ધારણા છે, તેથી પોલીસ કોઈ અનિચ્છનીય બનાવ ન બને તે માટે ખૂબ કાળજી લઈ રહી છે. નરીમાન પોઈન્ટ અને વાનખેડે સ્ટેડિયમ વચ્ચે મરીન ડ્રાઈવ પર પૂરતી સુરક્ષા વ્યવસ્થા કરવામાં આવી રહી છે.
બીસીસીઆઈએ ટીમ માટે ખાસ ચાર્ટર્ડ એર ઈન્ડિયા ફ્લાઈટની વ્યવસ્થા કરી હતી. નેવાર્ક, ન્યુ જર્સીની બોઇંગ 777 ફ્લાઇટ બુધવારે વહેલી સવારે બ્રિજટાઉનમાં ગ્રાન્ટલી એડમ્સ ઇન્ટરનેશનલ એરપોર્ટ પર આવી હતી. આ પછી સ્પેશિયલ પ્લેન સ્થાનિક સમય અનુસાર સવારે 4.50 વાગ્યે બ્રિજટાઉનથી રવાના થયું.નવી દિલ્હીમાં ઉતર્યા પછી, T20 વર્લ્ડ કપ વિજેતા ટીમ ITC મૌર્ય હોટેલ પહોંચી જ્યાં તેમનું ઉષ્માભર્યું સ્વાગત કરવામાં આવ્યું.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
