Heavy Rain In Mumbai: હવે ચોમાસાની શરૂઆત થઈ ગઈ છે. મહારાષ્ટ્રની રાજધાની મુંબઈમાં દરરોજ ભારે વરસાદ પડી રહ્યો છે. સ્થિતિ એવી છે કે સર્વત્ર જળબંબાકાર જોવા મળી રહ્યો છે. રસ્તાઓથી લઈને રેલ્વે ટ્રેક સુધી બધે જ પાણી છે. જેના કારણે રસ્તા પરના વાહનો માંડ માંડ તેમના ગંતવ્ય સ્થાને પહોંચી શકતા હોય છે. રેલવેએ ઘણી ટ્રેનોના રૂટ પણ ડાયવર્ટ કર્યા છે. કારણ છે કે પાણી અને કાદવથી ભરેલા ટ્રેકને કારણે એરપોર્ટ પર લેન્ડિંગ કરવામાં પણ મુશ્કેલી પડી રહી છે. હવામાન વિભાગના જણાવ્યા અનુસાર સોમવારે એટલે કે આજે પણ વરસાદનો આ ટ્રેન્ડ ચાલુ રહેશે. બદ્રામાં ગાજવીજ અને વીજળીના ચમકારા સાથે ભારે વરસાદ થશે.
રવિવારે તોફાન અને વરસાદને કારણે પાટા પર ઝાડ પડી જતાં કસારા અને ટિટવાલા સ્ટેશનો વચ્ચે લોકલ ટ્રેન સેવાઓ સ્થગિત કરવામાં આવી હતી. આ ઉપરાંત અટગાંવ અને થાંસિત સ્ટેશનો વચ્ચેના ટ્રેક પર પાણી તેમજ કાદવ જમા થયો છે. અહીં પણ એક ઝાડ પાટા પર પડ્યું હતું. જેના કારણે વશિંદ સ્ટેશન બ્લોક થઈ ગયું હતું. અહીંથી પસાર થતી ટ્રેનોને ડાયવર્ટ કરવી પડી હતી. એવી અપેક્ષા છે કે સોમવારથી આ રૂટ પર ટ્રેન સેવાઓ ફરી શરૂ થશે.
#WATCH | Maharashtra: Water accumulated at railway track, following heavy rainfall in Mumbai.
(Visuals from Dadar Area) pic.twitter.com/lXH4qeHh5p
— ANI (@ANI) July 8, 2024
રેલવે સ્ટેશન ઉપરાંત રસ્તાઓની હાલત પણ ખરાબ છે. અનેક ફૂટ ઉંચા સુધી પાણી ભરાઈ ગયા છે. દરરોજ વાહનોની અવર જવર કરતા માર્ગો પર પાણી ભરાવાના કારણે હવે વાહનો ધીમી ગતિએ દોડતા જોવા મળી રહ્યા છે. લાંબા ટ્રાફિક જામ જેવી સમસ્યા પણ જોવા મળી રહી છે. વિદ્યાર્થીઓને અસુવિધા ટાળવા માટે, મુંબઈ (BMC વિસ્તાર)ની તમામ BMC, સરકારી અને ખાનગી શાળાઓ અને કોલેજોમાં પ્રથમ સત્ર માટે રજા જાહેર કરવામાં આવી છે.
હવામાન વિભાગે કહ્યું કે આગામી ત્રણથી ચાર દિવસ સુધી વરસાદ યથાવત રહેશે. મધ્ય મહારાષ્ટ્ર અને મરાઠવાડામાં 8મીથી 10મી જુલાઈ દરમિયાન મુશળધાર વરસાદની શક્યતા છે. મુંબઈ અને તેની આસપાસના વિસ્તારોમાં પૂર જેવી સ્થિતિ છે. તેમની કેટલીક તસવીરો પણ સામે આવી છે. તસ્વીરોમાં પાણી ભરાવાને કારણે મોટા વાહનો પણ પાણીમાં ગરકાવ થતા નજરે પડે છે.
#WATCH | Maharashtra: Severe waterlogging in different parts of Mumbai, following incessant heavy rainfall. pic.twitter.com/O6VUuYOknr
— ANI (@ANI) July 8, 2024
યલો એલર્ટ જારી
પુણે, નાશિક અને સતારા, કોલ્હાપુર જિલ્લામાં પણ ભારે વરસાદની ચેતવણી જારી કરવામાં આવી છે. છત્રપતિ સંભાજીનગર, જાલના, લાતુર, ધારાશિવ અને નાંદેડ જિલ્લામાં અલગ-અલગ સ્થળોએ વાવાઝોડાની ચેતવણી જારી કરવામાં આવી છે. જલગાંવ, ધુલે અને સોલાપુર જિલ્લામાં આંધી અને વાવાઝોડાની ચેતવણી આપવામાં આવી છે. જ્યારે રાયગઢ, થાણે, રત્નાગીરી અને સિંધુદુર્ગ જિલ્લામાં અલગ-અલગ સ્થળોએ ભારે વરસાદની ચેતવણી જારી કરવામાં આવી છે. મુંબઈની સાથે થાણે, પાલઘર, રાયગઢ અને રત્નાગીરી જિલ્લામાં યલો એલર્ટ જારી કરવામાં આવ્યું છે.
#WATCH महाराष्ट्र: मुंबई में लगातार बारिश के कारण कई स्थानों पर जलभराव की गंभीर समस्या उत्पन्न हो गई है। लोगों को परेशानी का सामना करना पड़ रहा है।
वीडियो दादर इलाके से है। pic.twitter.com/Zd3M14YlIP
— ANI_HindiNews (@AHindinews) July 8, 2024
મુંબઈના અનેક વિસ્તારોમાં NDRFની વિવિધ ટીમો તૈનાત
મુંબઈમાં વરસાદથી કોઈ ગંભીર દુર્ઘટના ન સર્જાય તે માટે મહાનગરપાલિકા અગાઉથી એલર્ટ મોડમાં જોવા મળી રહી છે. NDRFની વિવિધ ટીમોને થાણે, વસઈ(પાલઘર), મહાડ(રાયગઢ), ચિપલૂન(રત્નાગિરી), કોલ્હાપુર, સાંગલી,સતારા ઘાટકોપર, કુર્લા અને સિંઘુદુર્ગમાં તૈનાત કરી દેવામાં આવી છે. અંધેરીમાં ત્રણ અને નાગપુરમાં એક ટીમ હાજર છે.
ભારે વરસાદને કારણે ટ્રેનો પ્રભાવિત
BMC અનુસાર ગત રાત્રિના મુંબઈ શહેરમાં અલગ અલગ વિસ્તારોમાં 300 મિમીથી વધારે વરસાદ નોંધાયો. મધ્ય રેલ્વેએ જણાવ્યું છે કે ભારે વરસાદને કારણે કેટલીક ટ્રેનો પણ રદ્દ કરી દેવામાં આવી છે. વિલ પાર્લે બાજુ પશ્ચિમી એક્સપ્રેસ હાઈવે પર વરસાદને કારણે ટ્રાફિક જામના સામાચાર પણ સામે આવ્યા છે.આ દરમિયાન પશ્ચિમી રેલવેએ એક નિવેદનમાં જણાવ્યું છે કે ભારે વરસાદને કારણે માટુંગા રોડ અને દાદર વચ્ચે પાણી રેલ્વે ટ્રેકની ઉપર ભરાઈ ગયું હોવાથી લોકલ ટ્રેનો પણ પ્રભાવિત થઈ છે.
Due to WATER LOGGING at Various Station in Mumbai División on 08.07.24.
FOLLOWING TRAINS ARE CANCELLED :-
1) 12110 (MMR-CSMT) JCO 08.07.2024
2) 11010 (PUNE-CSMT) JCO 08.07.2024
3) 12124 (PUNE CSMT DECCAN QUEEN) JCO 08.07.2024
4) 11007 (CSMT – PUNE DECCAN) JCO 08.07.2024
5)…— Central Railway (@Central_Railway) July 8, 2024
ભારે વરસાદને કારણે વિમાનમાં મુસાફરી કરનારા યાત્રીઓ માટે પણ એડવાઈઝરી જાહેર કરવામાં આવી છે. વિસ્તારા અને ઈન્ડિગોએ મુસાફરોને વરસાદના કારણે ટ્રાફિક હોવાથી મુસાફરોને વહેલા એરપોર્ટ પહોંચી જવા જણાવ્યું છે.
#TravelUpdate: Heavy traffic congestion and slow vehicle movement are expected enroute to Mumbai Airport today due to weather conditions. Customers are advised to allow more time for their journey to the airport. Thank you.
— Vistara (@airvistara) July 8, 2024
આજે પડી શકે છે ભારે વરસાદ
ભારતીય હવામાન વિભાગના અહેવાલ અનુસાર મુંબઈ, પુણે સહિત મહારાષ્ટ્રના અનેક વિસ્તારોમાં આજે ભારે વરસાદની આગાહી કરવામાં આવી છે, જ્યારે 9 અને 10 જુલાઈએ મધ્યમ વરસાદની આગાહી કરવામાં આવી છે. તસ્વીરોમાં પાણી ભરાવાને કારણે મોટા વાહનો પણ પાણીમાં ગરકાવ થતા નજરે પડે છે.
Nowcast for Mumbai valid for next 3 hours (till 1300 hrs IST today)
Moderate spells of rainfall in city and suburbs.Forecast for next 24 hours (Till 0830 hrs IST of 09th July): Heavy rainfall at isolated places. @ndmaindia @moesgoi @DDNewslive @airnewsalerts pic.twitter.com/mAqZfOTDnY
— India Meteorological Department (@Indiametdept) July 8, 2024
રાહત કાર્ય માટેની તૈયારીઓ
રાજ્યના વિવિધ ભાગોમાં વરસાદની આ સ્થિતિને ધ્યાનમાં રાખીને નાગરિકોને સાવચેત રહેવા અને જરૂરી સાવચેતી રાખવાની સલાહ આપવામાં આવી છે. અસરગ્રસ્ત વિસ્તારોમાં રાહત અને બચાવ કામગીરી માટે વહીવટીતંત્ર દ્વારા તૈયારીઓ કરવામાં આવી રહી છે, જેથી કોઈ અપ્રિય ઘટનાને ટાળી શકાય. વરસાદનો આ સમયગાળો રાજ્યની ખેતી અને જળસ્ત્રોતો માટે ફાયદાકારક સાબિત થઈ શકે છે, પરંતુ ભારે વરસાદને કારણે પાણી ભરાઈ જવાની સમસ્યાનો સામનો કરવો પડશે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
