Kanchanjunga Express Train Accident Update: પશ્ચિમ બંગાળના ન્યુ જલપાઈગુડીમાં ટ્રેન દુર્ઘટના (Kanchenjunga Express Accident) સર્જાઈ છે. માલગાડીએ સિયાલદહ જતી કંચનજંગા એક્સપ્રેસને પાછળથી ટક્કર મારી. અથડામણને કારણે કંચનજંગા એક્સપ્રેસની ઘણી બોગીઓ પાટા પરથી ઉતરી ગઈ. આ દુર્ઘટનામાં અંદાજે 30 જેટલા મુસાફરો ઈજાગ્રસ્ત થયા હોવાના સમાચાર છે. મીડિયા રિપોર્ટ્સ અનુસાર, આ દુર્ઘટનામાં અત્યાર સુધીમાં 5 લોકોના મોત થયા હોવાનું કહેવામાં આવી રહ્યું છે. હાલ અધિકારીઓનો કાફલો ઘટના સ્થળે પહોંચી ગયો છે અને બચાવ કામગીરી હાથ ધરવામાં આવી છે.
#WATCH | West Bengal | Wagon of Kanchenjunga Express train suspended in the air after a goods train rammed into it at Ruidhasa near Rangapani station under Siliguri subdivision in Darjeeling district today; rescue operation underway pic.twitter.com/rYnEfC3vic
— ANI (@ANI) June 17, 2024
મુસાફરોમાં સર્જાયો અફરાતફરીનો માહોલ
આ દુર્ઘટના સોમવારે સવારે 9 વાગ્યે સર્જાઈ હોવાનું કહેવામાં આવી રહ્યું છે. માલગાડીએ અગરતલાથી સિયાલદહ જતી કંચનજંગા એક્સપ્રેસને જ્યારે ટક્કર મારી ત્યારે મુસાફરોમાં અફરાતફરીનો માહોલ સર્જાયો હતો. આ ટક્કર એટલી ભયાનક હતી કે ટ્રેન બોગીઓ હવામાં ઘણા ફૂટ ઊંચે સુધી ઉછળી હતી. તો માલગાડીના ડબ્બાઓ પલટી મારી ગયા હતા.
Unfortunate accident in NFR zone. Rescue operations going on at war footing. Railways, NDRF and SDRF are working in close coordination. Injured are being shifted to the hospital. Senior officials have reached site.
— Ashwini Vaishnaw (@AshwiniVaishnaw) June 17, 2024
રેલ્વે મંત્રી અશ્વિની વૈષ્ણવે શું કહ્યું ?
રેલ મંત્રી અશ્વિની વૈષ્ણવે સોશિયલ મીડિયા પ્લેટફોર્મ X પર પ્રતિક્રિયા આપતા લખ્યું કે, ‘NFR ઝોનમાં કમનસીબ અકસ્માત. બચાવ કામગીરી યુદ્ધના ધોરણે ચાલી રહી છે. રેલ્વે, એનડીઆરએફ અને એસડીઆરએફ નજીકના સંકલનમાં કામ કરી રહ્યા છે. ઈજાગ્રસ્તોને હોસ્પિટલમાં ખસેડવામાં આવી રહ્યા છે. વરિષ્ઠ અધિકારીઓ સ્થળ પર પહોંચી ગયા છે.’
મુખ્યમંત્રી મમતા બેનર્જીએ દુઃખ વ્યક્ત કર્યું
નોર્થઈસ્ટ ફ્રંટિયર રેલવેનું કહેવું છે કે તેમને ન્યૂ જલપાઈગુડીના રંગાપાનીમાં ટ્રેન દુર્ઘટનાના સમાચાર મળ્યા છે. દુર્ઘટના બાદ ભારે વરસાદની વચ્ચે રાહત અને બચાવ કામગીરી શરૂ કરી દેવામાં આવી છે. આ દુર્ઘટના પર મુખ્યમંત્રી મમતા બેનર્જીએ દુઃખ વ્યક્ત કર્યું છે.
Shocked to learn, just now, about a tragic train accident, in Phansidewa area of Darjeeling district. While details are awaited, Kanchenjunga Express has reportedly been hit by a goods train. DM, SP, doctors, ambulances and disaster teams have been rushed to the site for rescue,…
— Mamata Banerjee (@MamataOfficial) June 17, 2024
NFRના એક સીનિયર અધિકારીએ ઘટનાને લઈને જાણકારી આપતા કહ્યું કે, પશ્ચિમ બંગાળમાં સિયાલગહ જતી કંચનજંગા એક્સપ્રેસ ન્યૂ જલપાઈગુડી નજીક એક માલગાડી સાથે ટકરાઈ ગઈ. ઉત્તર સીમાંત રેલવે કટિહાર ડિવીઝનના ડિવીઝનલ રેલવે સંચાલકના જણાવ્યા પ્રમાણે, સવારે 9 વાગ્યે આ ઘટનામાં કેટલાક લોકોના ઈજાગ્રસ્ત થયાના સમાચાર સામે આવ્યા છે.
#WATCH | Goods train rams into Kanchenjunga Express train in Darjeeling district in West Bengal, several feared injured
Details awaited. pic.twitter.com/8rPyHxccN0
— ANI (@ANI) June 17, 2024
હેલ્પલાઈન નંબર જાહેર કરાયો
ટ્રેન દુર્ઘટના બાદ અધિકારીઓનો કાફલો ઘટના સ્થળે દોડી આવ્યો છે. તો આ મામલે હેલ્પલાઈન નંબર પણ જાહેર કરાયો છે. સિનિયર ડીસીએમ ચંદ્ર કલિતાએ જણાવ્યું કે દુર્ઘટના બાદ હેલ્પલાઈન નંબર જાહેર કરવામાં આવ્યા છે. તેમણે કહ્યું કે, કટિહાર રેલ્વે સ્ટેશનનો હેલ્પલાઈન નંબર 6287801805 છે, ન્યુ જલપાઈગુડી રેલવે સ્ટેશનનો હેલ્પલાઈન નંબર 7541806358 છે, કિશનગંજ રેલ્વે સ્ટેશનનો હેલ્પલાઈન નંબર 817 003 4228 છે અને કટિહાર રેલ્વે વિભાગનો હેલ્પલાઈન નંબર 977 144 1956 છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
