Chandrayaan-3 Launch LIVE Updates: ભારતના ત્રીજા ચંદ્ર મિશન ‘ચંદ્રયાન-3’ના પ્રક્ષેપણનું કાઉન્ટડાઉન શરૂ થઈ ગયું છે. ચંદ્રયાન-3 આજે બપોરે 2.35 કલાકે ચંદ્ર તરફ ઉડાન ભરશે. તેને આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટરથી લોન્ચ કરવામાં આવશે. 615 કરોડના ખર્ચે તૈયાર થયેલું આ મિશન લગભગ 50 દિવસની મુસાફરી બાદ ચંદ્રના દક્ષિણ ધ્રુવની નજીક ઉતરશે.
LVM3 M4/Chandrayaan-3 Mission:
Mission Readiness Review is completed.
The board has authorised the launch.
The countdown begins tomorrow.The launch can be viewed LIVE onhttps://t.co/5wOj8aimkHhttps://t.co/zugXQAY0c0https://t.co/u5b07tA9e5
DD National
from 14:00 Hrs. IST…— ISRO (@isro) July 12, 2023
14 જુલાઈને સુવર્ણ અક્ષરોમાં લખાશે – પીએમ મોદી
પીએમ મોદીએ ટ્વિટ કરીને લખ્યું કે જ્યાં સુધી ભારતના અંતરિક્ષ ક્ષેત્રનો સવાલ છે, 14 જુલાઈ 2023ના દિવસને હંમેશા સોનેરી અક્ષરોમાં અંકિત કરાશે. આપણું ત્રીજુ મૂન મિશન ચંદ્રયાન-3 તેની યાત્રા પર નીકળશે. ઉલ્લેખનીય છે કે આ મિશન આપણા દેશની આશાઓ અને સપનાને આગળ વધારશે.
14th July 2023 will always be etched in golden letters as far as India’s space sector is concerned. Chandrayaan-3, our third lunar mission, will embark on its journey. This remarkable mission will carry the hopes and dreams of our nation. pic.twitter.com/EYTcDphaES
— Narendra Modi (@narendramodi) July 14, 2023
16 મિનિટમાં પૃથ્વીની બહાર ઓર્બિટ સુધી પહોંચશે
ક્રાયોજેનિક એન્જિન સ્ટાર્ટ થયા બાદ રોકેટની ઝડપ 36,968 કિ.મી. પ્રતિકલાકની રહેશે. લોન્ચિંગના 16 મિનિટ બાદ તે પૃથ્વીની કક્ષામાં સ્થાપિત થઈ જશે અને ધીમે ધીમે તેનું ઓર્બિટ વધારી ચંદ્રની કક્ષામાં પ્રવેશ કરશે.
લોન્ચ થયા બાદ સ્પીડ 1627 કિ.મી. રહેશે
જ્યારે રોકેટ બૂસ્ટરને બપોરે 2.35 વાગ્યે લોન્ચ કરવામાં આવશે, ત્યારે તેની પ્રારંભિક ગતિ 1627 કિમી પ્રતિ કલાક હશે. લોન્ચની 108 સેકન્ડ બાદ તેનું લિક્વિડ એન્જિન 45 કિમીની ઉંચાઈ પર શરૂ થશે અને રોકેટની સ્પીડ 6437 કિમી પ્રતિ કલાક હશે. આકાશમાં 62 કિમીની ઊંચાઈએ પહોંચતાં બંને બૂસ્ટર રોકેટથી અલગ થઈ જશે અને રોકેટની ઝડપ 7 હજાર કિમી પ્રતિ કલાકની થઈ જશે.
ચંદ્રયાનના લિક્વિડ એન્જિનમાં ઇંધણ ભરવાનું પૂર્ણ થયું
ઈસરોએ જણાવ્યું કે શ્રીહરિકોટાના સતીશ ધવન સ્પેસ સેન્ટરમાં ચંદ્રયાન 3ના પ્રક્ષેપણ માટે કાઉન્ટડાઉન ચાલુ છે. L110 સ્ટેજ (લિક્વિડ એન્જિન)નું રિફ્યુલિંગ પૂર્ણ થયું છે. C25 સ્ટેજ (ક્રાયોજેનિક એન્જિન)નું રિફ્યુઅલિંગ શરૂ થઈ રહ્યું છે.
ચંદ્રયાન-3નો હેતુ શું છે?
ઈસરોના વૈજ્ઞાનિકો વિશ્વને જણાવવા માંગે છે કે ભારત અન્ય ગ્રહ પર સોફ્ટ લેન્ડિંગ કરી શકે છે. તમે ત્યાં તમારું રોવર ચલાવી શકો છો. ચંદ્રની સપાટી, વાતાવરણ અને જમીનની અંદરની ગતિવિધિઓ શોધવા માટે.
ચંદ્રયાન-3માં કેટલા પેલોડ જશે?
ચંદ્રયાન-3 ના લેન્ડર, રોવર અને પ્રોપલ્શન મોડ્યુલમાં કુલ છ પેલોડ જઈ રહ્યા છે. પેલોડ્સ એટલે એવા સાધનો કે જે કોઈપણ પ્રકારની તપાસ કરે છે. લેન્ડર Rambha-LP, ChaSTE અને ILSAથી સજ્જ છે. રોવર APXS અને LIBS સાથે ફીટ છે. પ્રોપલ્શન મોડ્યુલમાં પેલોડ્સ આકાર (SHAPE) ફીટ કરવામાં આવે છે.
ચંદ્રયાન-3 કેટલા દિવસ કામ કરશે?
ઈસરોના વૈજ્ઞાનિકોને આશા છે કે લેન્ડર-રોવર એક દિવસ ચંદ્ર પર કામ કરશે. એટલે પૃથ્વીના 14 દિવસ. જ્યાં સુધી પ્રોપલ્શન મોડ્યુલનો સંબંધ છે, તે ત્રણથી છ મહિના સુધી કામ કરી શકે છે. શક્ય છે કે આ ત્રણ આનાથી વધુ કરી શકે. કારણ કે ઈસરોના મોટાભાગના ઉપગ્રહો અપેક્ષા કરતા વધુ દોડ્યા છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
