April 15, 2024
KalTak 24 News
ગુજરાત

શતાબ્દી મહોત્સવ: પ્રમુખ સ્વામીનગરમાં મહિલા દિનની ઉજવણી-નારી ઉત્કર્ષ મંડપમાં જોવા મળી મહિલા ઉત્કર્ષની ઝલક

Pramukh Swami Maharaj Shatabdi Mahotsav-Women Day

Pramukh Swami Maharaj Shatabdi Mahotsav: અમદાવાદ(Ahmedabad)માં પ્રમુખસ્વામી મહારાજનો ભવ્યાતિ ભવ્ય શતાબ્દી મહોત્સવ ઉજવાઈ રહ્યો છે. આ શતાબ્દી મહોત્સવમાં પ્રમુખસ્વામી મહારાજના સેવકોથી લઈ અનેક હરિભક્તો પણ ખડે પગે સેવા કરી રહ્યા છે. દરરોજ મોટી સંખ્યામાં ભાવિક ભક્તો દર્શને આવી રહ્યા છે. આ પ્રમુખસ્વામી નગર(Pramukh Swami Nagar)ને જોઇને સૌ કોઈ લોકો અભિભૂત થઇ રહ્યા છે. તો ગઈકાલે ‘પ્રમુખ સ્વામી મહારાજ’ નગર ખાતે મહિલા દિન(women’s day)ની ઉજવણી કરવામાં આવી હતી.

૧૮ મી સદીમાં જ્યારે સામાજિક, ધાર્મિક, નૈતિક અને રાજકીય ક્ષેત્રે મહિલાઓની સ્થિતિ દયનીય હતી ત્યારે ભગવાન સ્વામિનારાયણે મહિલા ઉત્કર્ષની જ્યોતિ પ્રગટાવી હતી. ભગવાન સ્વામિનારાયણે કરેલાં નારી ઉત્કર્ષનાં કાર્યોમાં તેઓના સર્વતોમુખી ઉત્કર્ષ અને આધ્યાત્મિક વિકાસની ખેવના હતી. 

ભગવાન સ્વામિનારાયણનાં કાર્યને પરમ પૂજ્ય પ્રમુખસ્વામી મહારાજે વિશાળ ફલક પર વિસ્તાર્યું. BAPS સંસ્થાની મહિલા પાંખે દેશ-વિદેશમાં પ્રમુખસ્વામી મહારાજની પ્રેરણાથી આયોજનબદ્ધ વિકાસ સાધ્યો છે. પ્રમુખસ્વામી મહારાજની પ્રેરણાથી થયેલું મહિલા ઉત્કર્ષનું કાર્ય સમગ્ર સમાજ માટે ઉપકારક સાબિત થયું છે. 

કન્યા કેળવણીના પ્રખર પુરસ્કર્તા પ્રમુખસ્વામી મહારાજની પ્રેરણાથી કરમસદ અને રાંદેસણમાં વિશાળ વિદ્યસંકુલોની સાથે સાથે BAPS સંસ્થાના વિવિધ સત્સંગકેન્દ્રો દખાતે યોજાતી કારકિર્દી માર્ગદર્શન શિબિરો, વાંચન પર્વ, અભ્યાસ પર્વ, કેમ્પસ સભાઓ, સ્પોકન ઇંગ્લિશ વર્ગો, ઓડિયો-વિઝ્યુઅલ વર્કશોપ, સ્કોલરશીપ જેવી પ્રવૃત્તિઓ હજારો કિશોરીઓ- યુવતીઓની કારકિર્દી ઘડતરમાં ઉપકારક સાબિત થઈ રહી છે.   પ્રતિસપ્તાહ યોજાતી હજારો મહિલા સત્સંગ સભાઓ મહિલાઓને પારિવારિક, સાંસ્કૃતિક, આધ્યાત્મિક ઉચ્ચતા તરફ આરોહણ કરાવી રહી છે.૧૯૭૫ થી આજપર્યંત મહિલા દિન નિમિત્તે દેશ વિદેશમાં યોજાતા સંમેલનો લાખો મહિલાઓ માટે તેઓના પ્રશ્નો પ્રત્યે વિશેષ જાગૃતિ કેળવનારાં બની રહ્યા છે.   

આ મહિલા દિન નિમિતે આનંદીબેન પટેલ- ઉત્તર પ્રદેશના રાજ્યપાલ, દર્શના જરદોશ- કેન્દ્રીય રાજ્ય મંત્ર, મીનાક્ષી લેખી- કેન્દ્રીય રાજ્ય મંત્રી, રંજનબેન ભટ્ટ- લોકસભાના સંસદ સભ્ય, રાજદૂત ઇરેન અચીંગ ઓલૂ- ભારતમાં કેન્યાના ડેપ્યુટી હાઇ કમિશનર, જસ્ટિસ અભિલાષાબેન કુમારી- લોકપાલ સમિતિના ન્યાયિક સભ્ય, પ્રો. હેન્ના હી-સન કિમ, પ્રોફેસર અને માનવશાસ્ત્ર વિભાગના અધ્યક્ષ – એડેલ્ફી યુનિવર્સિટી, ગીતાબેન જે પટેલ-અમદાવાદ શહેરના ડેપ્યુટી મેયર, દર્શનાબેન વાઘેલા, ડેપ્યુટી મેયર – અમદાવાદ મ્યુનિસિપલ કોર્પોરેશન; સુનૈના તોમર (IAS), એડ. મુખ્ય સચિવ – સામાજિક ન્યાય અને અધિકારીતા વિભાગ, ગુજરાત ડો.પાયલબેન કુકરાણી, ધારાસભ્ય – નરોડા (ગુજરાત) કંચનબેન રાદડીયા, ધારાસભ્ય – ઠક્કરબાપા નગર (ગુજરાત) ડો. જયંતિ એસ. રવિ, સેક્રેટરી – ઓરોવિલ ફાઉન્ડેશન હિતેશ ભટ્ટ, સ્થાપક અને સીટીઓ – ભટ્ટ ફાઉન્ડેશન ઇન્ક ઉપસ્થિત રહ્યા હતા.

ઉત્તર પ્રદેશના રાજ્યપાલ અને ગુજરાતના પૂર્વ મુખ્યમંત્રી શ્રીમતી આનંદીબેન પટેલે મહિલા દિન નિમિતે જુઓ શું કહ્યું?

આનંદીબેન પટેલે કહ્યું હતું કે,આપણાં સૌના માટે પ્રમુખસ્વામી મહારાજ શતાબ્દી મહોત્સવ એ મહાન ઉત્સવ છે. આપણે આપણી દીકરીઓને સમાજમાં આવતા પરિવર્તનો સાથે પરિચિત કરાવવા જોઈએ અને એ જ દર્શાવતી સુંદર નૃત્ય નાટિકા અહી પ્રદર્શિત કરી છે તે માટે હું આ બી.એ.પી.એસ સંસ્થાનો આભાર માનું છું કારણકે આ નાટિકા સમગ્ર ભારતભરમાં જાગૃતિ લાવવા માટે કરવી જોઈએ જેથી આપણે આપણી દીકરીઓને બચાવી શકીશું.

12
Smt. Anandiben Patel (Governor of Uttar Pradesh)

 

૩૩,૦૦૦ સ્વયંસેવક બહેનો આ પ્રમુખસ્વામી મહારાજ નગરમાં સેવા કરી રહ્યા છે અને મહિલાઓની તાકાતને માત્ર પ્રમુખસ્વામી મહારાજ જ સમજી શક્યા છે. પ્રમુખસ્વામી મહારાજે લાખો બાળ બાલિકાઓને સેવા કરાવતા કરાવતા ઉચ્ચ જીવન જીવવાના પાઠ અને મૂલ્યો શીખવ્યા છે.

વધુમાં જણાવતા કહ્યું હતું કે, પ્રમુખસ્વામી મહારાજે નાતજાત ઊંચનીચ ના ભેદભાવ વગર નાનામાં નાના માણસના ઘરે પણ પધરામણી કરી છે. જ્યારે મુખ્યમંત્રીના નાતે પ્રમુખસ્વામી મહારાજના દર્શન કરવા સારંગપુર ગઈ હતી ત્યારે પ્રમુખસ્વામી મહારાજે પોતાનો પહેરેલો હાર કાઢીને મારા સુધી મોકલાવી સ્વાગત કરેલું અને એ હાર મે આજે પણ સાચવીને રાખ્યો છે કારણકે પ્રમુખસ્વામી મહારાજનો પ્રેમ અને લાગણી અકલ્પનીય હતા. ગર્ભાશયના અથવા સ્તન કેન્સરથી જ્યારે ઘરની સ્ત્રીનું અકાળે અવસાન થાય ત્યારે આખું ઘર નોધારું થઈ જાય છે માટે ૯ થી ૧૪ વર્ષની દીકરીઓને ૬ મહિનાના અંતરે ૨ વેક્સિન એચપીની જરૂર આપજો જેથી તેઓ કેન્સરથી બચી શકે. સ્તન કેન્સરથી બચવા માટે યોગ એ ઉત્તમ ઉપાય છે અને તે વૈજ્ઞાનિક રીતે સફળ સાબિત થયું છે અને પ્રમુખસ્વામી મહારાજના માર્ગદર્શન હેઠળ અનેક યોગશિબિરનું આયોજન પણ થયું છે.બાળકો દ્વારા સંચાલન કરવામાં આવતી બાળકો માટેની બાળનગરી જોઈને ભારતનું ભવિષ્ય ઉજ્જવળ છે તેવું મને દ્રઢપણે મનાય છે. “ઘર નું આંગણું ઉત્તમ હોવું જોઈએ” તેનું ઉત્તમ ઉદાહરણ પ્રમુખસ્વામી મહારાજનગરનું આંગણું છે.

ભારત સરકારના કેન્દ્રીય રાજ્ય મંત્રી શ્રીમતી મીનાક્ષી લેખીએ મહિલા દિન નિમિતે જુઓ શું કહ્યું?
મીનાક્ષી લેખીએ કહ્યું કે,આ પ્રમુખસ્વામી મહારાજ નગરનું આયોજન અને પ્રબંધન એ ભવિષ્યના ઉજ્જવળ ભારતનું ઉદાહરણ છે. આજે વિદેશથી આવતા રાજકીય મહેમાનો દિલ્હી અક્ષરધામ મંદિરની મુલાકાત અચૂક લે છે જે ભારતીય સંસ્કૃતિ , સંસ્કારો , સભ્યતા , સ્થાપત્ય કલાનું ઉત્તમ ઉદાહરણ છે અને તેના દર્શન કરીને ખૂબ જ અભિભૂત થઈ જાય છે.પ્રમુખસ્વામી મહારાજે ઊંચનીચ અથવા નાતજાતના ભેદભાવ વગર દરેક લોકોને અપનાવ્યા છે અને સમાજ સેવાનાં કાર્યો કર્યા છે.

14
Smt. Meenakshi Lekhi (Union State Minister – Govt. of India)

 

વધુમાં કહ્યું કે, ભારતીય લોકો મહેનતુ હોય છે અને ભગવાનમાં દ્રઢ શ્રદ્ધા રાખે છે અને તેઓ દુનિયાના કોઈ પણ ખૂણે જાય છે ત્યારે ત્યાં જઈને પણ સંસ્કૃતિ જીવિત રાખે છે અને તેનો શ્રેય બી. એ.પી.એસ સ્વામિનારાયણ સંસ્થાને જાય છે કારણકે વિશ્વભરમાં અનેક મંદિરોના નિર્માણ દ્વારા તે ભારતીય સંસ્કૃતિ અને સભ્યતાનો પરિચય આપે છે જે ભારતીયોનો પરિચય છે.પ્રમુખસ્વામી મહારાજે બતાવેલા આદર્શો અને મૂલ્યોનું પાલન કરીશું તો સાચા અર્થમાં સમાજ સેવા કરી શકીશું.”

ભારત સરકારના કેન્દ્રીય રાજ્ય મંત્રી શ્રીમતી દર્શનાબેન જરદોશે મહિલા દિન નિમિતે જુઓ શું કહ્યું?

દર્શનાબેન જરદોશેએ કહ્યું કે,આ સુંદર નગરીના દર્શન કરીને તમામ દૃશ્યો મારા અંતરમાં ઉતરી ગયા છે.”વસુધૈવ કુટુમ્બકમ” ભાવના આ પ્રમુખસ્વામી મહારાજ નગરમાં દર્શાવવામાં આવી છે જે ઉત્તમ એન્ડ શ્રેષ્ઠ ભારતના નિર્માણમાં અનોખું યોગદાન આપશે.

13
Smt. Darshanaben Jardosh (Union State Minister – Govt. of India)

 

વધુમાં ઉમેરતા કહ્યું કે, પ્રમુખસ્વામી મહારાજ નગરની સુંદરતા અને સ્વચ્છતામાં સ્વયંસેવક બહેનોનું અનોખું યોગદાન જોવા મળે છે માટે સાચા અર્થમાં પ્રમુખસ્વામી મહારાજે મહિલા સશક્તિકરણનું કાર્ય કર્યું છે એવું હું દ્રઢપણે માનું છું. દીકરી એ બે ઘરને સાચવતી હોય છે એ રીતે આ પ્રમુખસ્વામી મહારાજ નગરમાં પણ સ્વયંસેવક બહેનો બધાને સાચવી રહ્યા છે. પ્રમુખસ્વામી મહારાજે બનાવેલા મંદિરોમાંથી ઉચ્ચ જીવન જીવવાની પ્રેરણા મળે છે.

કેન્યા રિપબ્લિકના સેકન્ડ લેડી પાદરી ડૉ. ડોર્કાસ રિગાથીએ મહિલા દિન નિમિતે જુઓ શું કહ્યું?

ડૉ. ડોર્કાસ રિગાથીએ કહ્યું કે,સ્ત્રી એ શક્તિ અને સમર્પણ નું પ્રતિક છે. એક મા પોતાના બાળકોને પ્રાર્થના કરતા શીખવે છે અને સંસ્કારો આપે છે. સ્ત્રીઓ પરિવર્તનની વાહક છે. પ્રમુખસ્વામી મહારાજનું નિર્માનીપણું અદભૂત હતું અને તેઓને સમાજ પ્રત્યે ખૂબ જ કરુણા અને લાગણી હતી.

15
Her Excellency Pastor Dr. Dorcas Rigathi Second Lady – The Republic of Kenya

 

વધુમાં ઉમેરતા કહ્યું કે,સમાજમાં બદલાવ લાવવો હશે તો આપણે બાળકોને નાનપણથી જ સ્ત્રીઓનું સન્માન કરતા શીખવવું પડશે. આ પ્રમુખસ્વામી નગરમાંથી “A family who prays together, stays together” સૂત્ર લઈને જાઉં છું.

એડેલ્ફી યુનિવર્સિટીના પ્રોફેસર અને માનવશાસ્ત્ર વિભાગના અધ્યક્ષ પ્રો. હેન્ના હી-સન કિમે મહિલા દિન નિમિતે જુઓ શું કહ્યું?

પ્રો. હેન્ના હી-સન કિમેએ કહ્યું કે,સને ૧૯૯૨માં ગાંધીનગરમાં હું યોગી શતાબ્દી મહોત્સવ માં હાજર હતી, જે આજે પણ મને યાદ છે અને હું આ સંસ્થાની વિદ્યાર્થી છું. પ્રમુખસ્વામી મહારાજ નગર ખૂબ જ સુંદર અને અદ્ભુત છે અને આ બધા પાછળ પ્રમુખસ્વામી મહારાજની પ્રેરણા રહેલી છે.પુરુષાર્થ + પ્રાર્થના = સફળતા સૂત્ર એ પ્રમુખસ્વામી મહારાજે આપેલું અનોખું સૂત્ર છે જે આપણે સહુએ જીવનમાં ઉતારવું જોઈએ.

20
Prof. Hanna Hea-Sun Kim Professor and Chair of Anthropology Department – Adelphi University

 

લોકપાલ સમિતિના ન્યાયિક સભ્ય શ્રીમતી જસ્ટિસ અભિલાષાબેન કુમારીએ મહિલા દિન નિમિતે જુઓ શું કહ્યું?

શ્રીમતી જસ્ટિસ અભિલાષાબેન કુમારીએ કહ્યું કે,હું આ સંસ્થાની ખૂબ ખૂબ આભારી છું મને આ નગર દર્શનની તક આપવા અને પ્રમુખસ્વામી મહારાજને ભાવાંજલિ આપવા બદલ. પ્રમુખસ્વામી મહારાજ એ કરુણા , સંતત્વ અને સાધુતાની મૂર્તિ હતા અને આવા મહાપુરુષો આ ધરતી પર અવતરીને અનેક લોકોના દિલમાં વસીને તેમનું જીવનપરિવર્તન કરે છે.જે માણસ પ્રમુખસ્વામી મહારાજના દર્શન કરે તે તેમની સાધુતાની ભ્રમણકક્ષામાં ઘૂમતો થઈ જતો તેવી તેમની સાધુતા હતી.પ્રમુખસ્વામી મહારાજે બાળકોમાં સંસ્કારો અને મૂલ્યોનું સિંચન કર્યું છે.

21
Smt. Justice Abhilashaben Kumari Judicial Member – Lokpal Committee

 

ઓરોવીલ ફાઉન્ડેશનના સેક્રેટરી અને ચિંતક, વૈજ્ઞાનિક, IAS ડો. જયંતી રવિએ મહિલા દિન નિમિતે જુઓ શું કહ્યું?

ડો. જયંતી રવિએ કહ્યું કે,મે સારંગપુર માં પ્રમુખસ્વામી મહારાજના દર્શન કર્યા હતા તે આજે પણ મને યાદ છે કારણકે તેઓ દિવ્યતા અને આધ્યાત્મિકતાના ઊર્જા સ્ત્રોત સમાન હતા અને મારા માટે તે અવિસ્મરણીય દર્શન છે. પ્રમુખસ્વામી મહારાજે અણીશુદ્ધ ચોખા જેવા સ્વયંસેવકોનું નિર્માણ કર્યું છે જે નિઃસ્વાર્થ ભાવે આ પ્રમુખસ્વામી મહારાજ નગરમાં સેવા કરી રહ્યા છે.

22
Dr. Jayanti S. Ravi (Secretary – Auroville Foundation)

 

વધુમાં ઉમેરતા કહ્યું કે, મારા માટે રસ્તા પરથી પણ પ્રમુખસ્વામી મહારાજના ૧ મિનિટના દર્શન એ જીવનભરનું સંભારણું છે.મારી લખેલી થીસીસ પણ પ્રમુખસ્વામી મહારાજે પ્રસાદીની કરીને હરિકૃષ્ણ મહારાજના ફૂલ સાથે આશીર્વાદરૂપે મોકલી હતી તે મારા માટે અવિસ્મરણીય છે અને તે ફૂલપુષ્પો આજે પણ મેં સાચવીને રાખ્યા છે.

 

આ પણ વાંચો :-

 

 

તમે અમને ફેસબુક , ઇન્સ્ટાગ્રામ , યુટ્યૂબ પર ફોલો કરીને સમાચાર મેળવી શકો છો

નવા નવા ન્યૂઝ અને માહિતી મેળવવા માટે નીચે આપેલ લિંક પર ક્લિક કરી અમારા કલતક 24 ના બ્રેકિંગ ગ્રુપમાં જોડાઓ

આ મેસેજ તમામ મિત્રો ગ્રુપ માં શેર કરશો અને વોટ્સેપ સ્ટેટસ માં મુકીને મદદરૂપ થશો.

https://chat.whatsapp.com/IKUXXxk7rGHDmDK0W88NqB

દેશ દુનિયાના સમાચારો મેળવવા આજે જ જોડાઓ કલતક 24 ન્યુઝ ગ્રુપ માં, તમારો નંબર અન્ય કોઈને ન દેખાય તે માટે પ્રાઈવસી સેટ કરવામાં આવેલી છે. જેથી નીડરતાથી આપ જોડાઈ શકો છો.

Related posts

સુરતની કેમિકલ કંપનીમાં બ્લાસ્ટ થતા એકનું મોત, પાંચને ઇજા

KalTak24 News Team

રાજ્યમાં હાર્ટ એટેકથી મૃત્યુ થવાનો વધુ એક કિસ્સો,અમદાવાદના હર્ષ સંઘવીનું હાર્ટ એટેકથી મોત,પરિવાર સાથે રાજસ્થાન યાત્રાએ ગયા હતા

KalTak24 News Team

અમરેલી/ એશિયાની સૌથી વધુ જીવનાર સિંહણનું બનાવાયુ સ્મારક,જેણે અઢી દાયકામાં લીલીયા પંથકમાં પોતાનું સામ્રાજ્ય ખડું કર્યું,વાંચો રસપ્રદ અહેવાલ :VIDEO

KalTak24 News Team