Virat Kohli Gautam Gambhir Interview: ભારતીય ટીમના મુખ્ય કોચ ગૌતમ ગંભીર અને વિરાટ કોહલી પહેલીવાર ફ્રી વાતચીત કરતાં સાથે જોવા મળ્યા હતા. BCCIએ ઈન્ટરવ્યુનું ટ્રેલર જાહેર કર્યું છે. જેમાં ગૌતમ ગંભીર અને વિરાટ કોહલી એક ઈન્ટરવ્યુમાં પત્રકાર બનીને એકબીજાને સવાલ પુછતા નજરે પડ્યા હતા.
ફિલ્ડ પર કેવી રીતે કામ કરે છે ક્રિકેટરનું દિમાગ
BCCI એ એક ખાસ ઈન્ટરવ્યુ વીડિયો જાહેર કર્યો છે. આ દરમિયાન ગૌતમ ગંભીરે અને વિરાટ કોહલીએ જણાવ્યું કે કેવી રીતે બંનેનું મગજ ક્રિકેટ ફિલ્ડ પર કામ કરે છે. વીડિયોમાં બંને એકબીજાને સવાલ પુછતા નજરે પડ્યા હતા.
જ્યારે વિપક્ષી ટીમના ખેલાડીઓ સાથે ઝગડો થાય છે ત્યારે…
આ દરમિયાન કિંગ કોહલી અને ગૌતમ ગંભીરે પુછ્યું કે શું તમે વિપક્ષી ટીમના ખેલાડીઓ સાથે ઝગડો કરો છો ત્યારે તમને એવું ક્યારેય એવું લાગ્યું છે કે તમે તમારા ઝોનથી હટી રહ્યા છો અથવા આનાથી તમને મોટિવેશન મળે છે. આ સાંભળીને ગંભીરે કહ્યું કે મારાથી વધારે ઝગડાઓ તો તમારી સાથે થાય છે. આનો જવાબ તો તમે વધુ સારી રીતે આપી શકો છો. ત્યારબાદ બંને હસવા લાગ્યા હતા.
A Very Special Interview 🙌
Stay tuned for a deep insight on how great cricketing minds operate. #TeamIndia’s Head Coach @GautamGambhir and @imVkohli come together in a never-seen-before freewheeling chat.
You do not want to miss this! Shortly on https://t.co/Z3MPyeKtDz pic.twitter.com/dQ21iOPoLy
— BCCI (@BCCI) September 18, 2024
જ્યારે કિંગ કોહલીએ રનોનો ઢગલો કરી દીધો…
આ દરમિયાન હેડ કોચ ગંભીરે વિરાટ કોહલીના ઓસ્ટ્રેલિયા પ્રવાસને યાદ કર્યો, જ્યાં કિંગ કોહલીએ રનનો વરસાદ કરી દીધો હતો. 2014-15ના ઓસ્ટ્રેલિયા પ્રવાસમાં વિરાટ કોહલીએ 692 રન બનાવ્યા હતા, જેમાં ચાર સદી સામેલ હતી. સાથે જ ગંભીરે નેપિયરમાં ન્યુઝીલેન્ડ સામે રમાયેલી પોતાની ઇનિંગ્સની પણ ચર્ચા કરી. જ્યાં તે સતત બે દિવસ સુધી અડગ રહ્યા, પરિણામે ભારતે તે મેચને ડ્રો કરાવવામાં મહત્ત્વની ભૂમિકા ભજવી હતી.
તે મેચમાં ન્યૂઝીલેન્ડે તેની પ્રથમ ઇનિંગમાં 619 રનનો વિશાળ સ્કોર બનાવ્યો હતો. જવાબમાં ભારતીય ટીમ 305 રન બનાવી શકી હતી, જે બાદ ન્યુઝીલેન્ડે ફોલોઓન આપ્યું. ગંભીરે બીજી ઇનિંગમાં 436 બોલમાં 137 રન બનાવ્યા અને બે દિવસના સમયગાળામાં 643 મિનિટ સુધી ઇનિંગ રમી. બાદમાં વેલિંગ્ટનમાં વધુ એક ડ્રો બાદ ભારતે સીરીઝ 1-0થી જીતી લીધી હતી. કોહલી સાથે વાત કરતા ગંભીરે કહ્યું કે તેમને નથી લાગતું કે તેઓ તેમના જીવનમાં ફરી ક્યારેય આવું કરી શકશે. તેઓ કદાચ ફરી ક્યારેય આવા ઝોનમાં આવી શકશે નહીં.
મેદાન પર થયેલા વિવાદ પર ગંભીર-કોહલીએ શું કહ્યું?
આ દરમિયાન કિંગ કોહલીએ ગૌતમ ગંભીરને પૂછ્યું કે જ્યારે તમે વિપક્ષી ટીમના ખેલાડીઓ સાથે વાત (વિવાદ) કરો છો, ત્યારે શું એવું લાગે છે કે તમે તમારા ઝોનમાંથી બહાર જઈ રહ્યા છો કે તેનાથી તમને વધુ પ્રેરણા મળે છે? આ સાંભળીને ગંભીરે કોહલીને કહ્યું- મારા કરતા વધારે વિવાદ તો તમારે થાય છે. મને લાગે છે કે આનો જવાબ તમે વધુ સારી રીતે આપી શકશો. આટલું કહેતાં જ બંને હસવા લાગ્યા. ત્યારબાદ કોહલીએ હસીને ગંભીરને કહ્યું- હું તો એ શોધી રહ્યો છું કે કોઈ મારી સાથે સહમત થાય છે કે નહીં. હું એમ નથી કહેતો કે આ ખોટું છે, પણ કોઈ તો કહે કે ‘હા’ આવું જ થાય છે.
ઉલ્લેખનીય છે કે આ પહેલા ગૌતમ ગંભીરે અને વિરાટ કોહલી વચ્ચે સારા સંબંધ નથી રહ્યા. કોહલી અને ગંભીર વચ્ચે 2023 અને તે પહેલા 2013માં લડાઈ થઈ હતી. પરંતુ હેડ કોચ બન્યા બાદ બંને વચ્ચે શાનદાર બોન્ડિંગ જોવા મળી રહી છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
