સુરત/ 7માં માળે ફ્લેટમાં બે વર્ષનું એકલું બાળક ફસાયું,ફાયર ટીમે દરવાજો તોડી કર્યું રેસ્ક્યૂ
Surat News: સુરતમાં વાલીઓ માટે લાલબત્તી સમાન કિસ્સો સામે આવ્યો છે. સુરતના જહાંગીરાબાદ વિસ્તારમાં ઘરમાં રમી રહેલા 2 વર્ષના બાળકે ઘરનો દરવાજો અંદરથી બંધ કરી દેતા બાળક રૂમમાં ફસાઈ ગયો હતો બીજી તરફ બનાવની જાણ ફાયર વિભાગને થતા ફાયર વિભાગે દરવાજો તોડીને બાળકને સહી સલામત બહાર કાઢ્યો હતો.
મળતી માહિતી મુજબ, સુરતના જહાંગીરાબાદ સ્થિત વીર સાવરકર હાઇટ્સમાં આવેલા બિલ્ડીંગમાં સાતમા માળે 2 વર્ષનું બાળક ઘરમાં રમી રહ્યું હતું. આ દરમિયાન બાળકે રમતા રમતા બેડરૂમનો દરવાજો અંદરથી બંધ કરી દીધો હતો. જેને લઈને બાળક અંદર ફસાઈ ગયું હતું. બીજી તરફ પરિવાર પણ ચિંતામાં મુકાઈ ગયો હતો. પરિવારે ભારે કોશિશ કરતા સફળતા મળી ન હતી અને બાળક પણ અંદર રડવા લાગ્યું હતું. આ ઘટના બાદ બનાવની જાણ ફાયર વિભાગને કરવામાં આવી હતી. જેથી ફાયર વિભાગની ટીમે ઘટના સ્થળે જઈને ફાયરના સાધનોથી દરવાજાનો લોક તોડી બાળકનું સહી સલામત રેસ્ક્યુ કર્યું હતું.
બાળકને ઘરના રૂમમા એકલો મુકતા પહેલા સો વખત વિચારવા જેવો કિસ્સો સુરતમાંથી સામે આવ્યો છે. જેમાં ફ્લેટમાં બે વર્ષના બાળક સાથે ચોંકાવનારી ઘટના બની હતી.જહાંગીરાબાદમાં વીર સાવરકર હાઈટ્સના ફ્લેટ નંબર 702મા બે વર્ષનું બાળક રૂમમાં રમતું હતું. આ વેળાએ રમતા- રમતા બાળકે દરવાજો અંદરથી બંધ કરી દીધો હતો પછી કોઈ કાળે દરવાજો ન ખુલતા પરિજનોના શ્વાસ અધર થઈ ગયા હતા.
રમતા- રમતા બાળકે દરવાજો અંદરથી બંધ કરી નાખ્યો હતો
પરિવાર ચિંતામાં મુકાયા બાદ ક્ષણિક અફરાતફરીનો માહોલ સર્જાયા બાદ ફાયર સ્ટાફને જાણ કરાઈ હતી. ફાયર વિભાગની ટીમ પોતાના ઓઝારો વડે દરવાજો તોડી બાળકને હેમખેમ બહાર કાઢયો હતો. જેને લઈ પરિજનોએ રાહતનો શ્વાસ લીધો હતો અને ફાયર સ્ટાફનો આભાર વ્યક્ત કર્યો હતો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે..
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
