રણવીરસિંહનું નવું મૂવી’જયેશભાઈ જોરદાર’નું ટ્રેલર રિલીઝ

• રણવીર સિંહનો હેન્ડસમ લુક વાયરલ થઈ રહ્યો છે
• ફિલ્મમાં રમૂજ સાથે સામાજિક સંદેશ
• રણવીરની માતાના રોલમાં રત્ના પાઠક

રણવીર સિંહની ફિલ્મ ‘જયેશભાઈ જોરદાર’નું ટ્રેલર મંગળવારે રિલીઝ કરવામાં આવ્યું હતું. ટ્રેલર રિલીઝ થતા પહેલા જ સોશિયલ મીડિયા પર ચર્ચા હતી, લોકો આ ટ્રેલરની રિલીઝની આતુરતાથી રાહ જોઈ રહ્યા હતા. રણવીર સિંહ દર વખતે કંઈક નવું લઈને આવે છે અને હંમેશા પોતાની શાનદાર એક્ટિંગથી લોકોને ચોંકાવી દે છે. જયેશભાઈ જોરદારનું ટ્રેલર ખૂબ જ રસપ્રદ છે.આ ફિલ્મમાં શાલિની પાંડે રણવીર સિંહની પત્નીની ભૂમિકામાં છે. આ ફિલ્મમાં બોમન ઈરાની પણ રણવીર સિંહના પિતાની ભૂમિકામાં છે, જ્યારે રત્ના પાઠક રણવીરની માતાની ભૂમિકામાં છે.

આ ફિલ્મ ગુજરાતના એક ગામ પર આધારિત છે જ્યાં સરપંચ બોમન ઈરાનીને એક પૌત્ર જોઈએ છે અને રણવીર બીજી વખત દીકરીનો પિતા બનવા જઈ રહ્યો છે. જ્યારે તેને ખબર પડી કે બીજી દીકરીનો જન્મ થવાનો છે ત્યારે રણવીર તેની પત્ની અને મોટી દીકરી સાથે ભાગી જાય છે. જયેશભાઈ જોરદાર 13 મે 2022 ના રોજ રિલીઝ થશે. રણવીર સિંહ સ્ટારર ફિલ્મ રિલીઝ થતાની સાથે જ સોશિયલ મીડિયા પર ચર્ચામાં આવી હતી. આ ફિલ્મમાં રણવીર સિંહની થોડી અલગ સ્ટાઈલ લોકોને ગમી.

નીચે આપેલી લિંક્સ પર ક્લિક કરીને Kaltak24 ન્યૂઝ સાથે જોડાઓ.