- આજે રાષ્ટ્રપિતા મહાત્મા ગાંધીની 154મી જન્મજયંતિ
- પૂર્વ વડાપ્રધાન લાલ બહાદુર શાસ્ત્રીની 119મી જન્મજયંતિ
- PM મોદી સહિતના દિગ્ગજ નેતાઓએ શ્રદ્ધાંજલિ
Gandhi Jayanti 2023: આજે મહાત્મા ગાંધીજીની 154મી જન્મજયંતિ પર PM નરેન્દ્ર મોદીએ રાજઘાટ પહોંચી રાષ્ટ્રપિતાને શ્રદ્ધાંજલિ અર્પણ કરી છે. આ મુદ્દે તેમણે કહ્યું કે ગાંધી જયંતિના વિશેષ અવસર પર હું મહાત્મા ગાંધીને નમન કરું છું. તેમની શિક્ષા આપણા માટે પથદર્શનનું કાર્ય કરે છે. મહાત્મા ગાંધીનો પ્રભાવ વૈશ્વિક છે, જે સંપૂર્ણ માનવ જાતિને એકતા અને કરુણાની ભાવનાને આગળ વધારવા માટે પ્રેરિત કરે છે. અમે સદેવ તેમના સપનોને પૂરા કરવાની દિશામાં કામ કરીએ છીએ.
તેમણે વધુમાં કહ્યું કે મહાત્મા ગાંધીના વિચાર પ્રત્યેક યુવાનને તે પરિવર્તનને વાહક બનાવવા માટે સક્ષમ બનાવે જેનું તેમણે સપનું જોયું હતું, જેથી સર્વત્ર એકતા અને સદભાવને પ્રોત્સાહન મળે.
#WATCH | Delhi: PM Narendra Modi pays tribute to Mahatma Gandhi at Rajghat on the occasion of #GandhiJayanti pic.twitter.com/snfVr7x8bx
— ANI (@ANI) October 2, 2023
કોંગ્રેસ રાષ્ટ્રિય અધ્યક્ષ મલ્લિકાર્જૂને બાપૂને શ્રદ્ધાંજલિ અર્પણ કરી
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે ગાંધી જયંતિના અવસર પર સોમવારે સવારે રાજઘાટ પહોંચ્યા હતા. અહીં તેમણે ગાંધીજીને શ્રદ્ધાંજલિ અર્પણ કરી હતી. આ સિવાય લોકસભા સ્પીકર ઓમ બિરલા પણ રાજઘાટ પહોંચ્યા અને ગાંધીજીને શ્રદ્ધાંજલિ આપી.
#WATCH | Delhi: Congress President Mallikarjun Kharge pays floral tributes to Mahatma Gandhi at Rajghat on #GandhiJayanti pic.twitter.com/S7E7dEUc0p
— ANI (@ANI) October 2, 2023
જણાવી દઈએ કે રાષ્ટ્રપિતા મહાત્મા ગાંધીના જન્મદિવસ 2 ઓક્ટોબરે દેશમાં દર વર્ષે ગાંધી જયંતિ ઉજવવામાં આવે છે. તેઓ માત્ર એક પ્રખ્યાત નેતા જ નહીં પરંતુ ભારતના મહાન સ્વાતંત્ર્ય સેનાની પણ હતા. અહિંસાના માર્ગે ચાલીને રાષ્ટ્રપિતાએ આપણને અંગ્રેજોથી આઝાદી અપાવી. ગાંધી જયંતિએ દેશની સૌથી મહત્વપૂર્ણ રજાઓમાંની એક છે. આજે સમગ્ર દેશમાં રજા છે. લોકો ગાંધી જયંતિ પર એકબીજાને શુભેચ્છાઓ આપીને પણ આ દિવસની ઉજવણી કરે છે.
PM મોદીએ બાપુને શ્રદ્ધાંજલિ આપી હતી
આજે રાષ્ટ્રપિતા મહાત્મા ગાંધી અને પૂર્વ વડાપ્રધાન લાલ બહાદુર શાસ્ત્રીની જન્મજયંતિ છે. આ અવસર પર અનેક દિગ્ગજો તેમને યાદ કરી રહ્યા છે. લાલ બહાદુર શાસ્ત્રીજીને તેમની જયંતિ પર યાદ કરો. તેમની સાદગી, રાષ્ટ્ર પ્રત્યેનું સમર્પણ અને ‘જય જવાન, જય કિસાન’નું પ્રતિકાત્મક આહ્વાન આજે પણ યુવા પેઢીઓને પ્રેરણા આપે છે. ભારતની પ્રગતિ માટે તેમની અતૂટ પ્રતિબદ્ધતા અને પડકારજનક સમયમાં તેમનું નેતૃત્વ અનુકરણીય છે. આપણે હંમેશા મજબૂત ભારત માટે તેમના વિઝનને સાકાર કરવા માટે કામ કરીએ.
Remembering Lal Bahadur Shastri Ji on his Jayanti. His simplicity, dedication to the nation, and iconic call for ‘Jai Jawan, Jai Kisan’ resonate even today, inspiring generations. His unwavering commitment to India’s progress and his leadership during challenging times remain…
— Narendra Modi (@narendramodi) October 2, 2023
‘જય જવાન, જય કિસાન’નો નારા આજે પણ ગૂંજી રહ્યો છેઃ પીએમ મોદી
પીએમ મોદીએ પૂર્વ વડાપ્રધાન લાલ બહાદુર શાસ્ત્રીને પણ શ્રદ્ધાંજલિ આપી હતી. તેમણે લખ્યું, ‘લાલ બહાદુર શાસ્ત્રીને તેમની જન્મજયંતિ પર યાદ કરું છું. દેશ પ્રત્યેની તેમની સાદગી અને સમર્પણ અને ‘જય જવાન, જય કિસાન’ ના નારા આજે પણ દેશની પેઢીઓને પ્રેરણા આપે છે. ભારતની પ્રગતિ પ્રત્યેની તેમની અતૂટ પ્રતિબદ્ધતા અને પડકારજનક સમયમાં તેમનું નેતૃત્વ અનુકરણીય છે. અમે હંમેશા મજબૂત ભારતના તેમના વિઝનને સાકાર કરવા માટે કામ કરીશું.
Remembering Lal Bahadur Shastri Ji on his Jayanti. His simplicity, dedication to the nation, and iconic call for ‘Jai Jawan, Jai Kisan’ resonate even today, inspiring generations. His unwavering commitment to India’s progress and his leadership during challenging times remain…
— Narendra Modi (@narendramodi) October 2, 2023
ગાંધી જયંતિ નિમિત્તે આપણે રાષ્ટ્રપિતા દ્વારા બતાવેલ અહિંસા અને માનવતાના માર્ગ પર ચાલવું જોઈએ. તેમણે લોકોને જે અહિંસાનો પાઠ ભણાવ્યો તે આજે પણ લોકોના હૃદયમાં જીવંત છે. આ જ કારણ છે કે લોકો આપણા દેશના સ્થાપક મહાત્મા ગાંધીને તેમના પ્રયત્નો અને તેમના ઉપદેશોને કારણે પૂજે છે. રાષ્ટ્રપિતા મહાત્મા ગાંધીની 154મી જન્મજયંતિ સોમવારે ઉજવવામાં આવી રહી છે. ભારતમાં દર વર્ષે 2 ઓક્ટોબરને ગાંધી જયંતિ તરીકે ઉજવવામાં આવે છે. સ્વતંત્રતા દિવસ અને પ્રજાસત્તાક દિવસ પછી 2 ઓક્ટોબર એટલે કે ગાંધી જયંતિને ત્રીજા રાષ્ટ્રીય તહેવાર તરીકે ગણવામાં આવે છે.
ગાંધીજીનો જન્મ ગુજરાતના પોરબંદરમાં 2 ઓક્ટોબર 1869ના રોજ થયો હતો. તેમનું પૂરું નામ મોહનદાસ કરમચંદ ગાંધી હતું. મહાત્મા ગાંધીના સત્ય અને અહિંસાના વિચારો આજે પણ સમગ્ર વિશ્વને પ્રભાવિત કરે છે. ગાંધીજીએ અહિંસાના માર્ગે ચાલીને દેશને અંગ્રેજોની ગુલામીમાંથી મુક્ત કરાવ્યો હતો. મહાત્મા ગાંધી પ્રત્યે લોકોમાં આદર વધારવા અને તેમના વિચારોને યાદ કરવા દર વર્ષે 2 ઓક્ટોબરને આંતરરાષ્ટ્રીય અહિંસા દિવસ તરીકે ઉજવવામાં આવે છે. પછીથી લોકો મહાત્મા ગાંધીને બાપુ કહેવા લાગ્યા.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે..
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
