April 16, 2024
KalTak 24 News
ગુજરાત

ગજબનો ચોર છે ભાઈ!: શોરૂમ બહાર પડેલા ટ્રેક્ટરની ચોરી કરતાં ચોર પર તોતિંગ ટાયર ફરી વળ્યું છતાં ઊભો થઈ ટ્રેક્ટર લઈને ભાગી ગયો,જુઓ VIDEO

Group 23

અરવલ્લી (મોડાસા): ઉત્તર ગુજરાતના અરવલ્લી જિલ્લાના મોડાસામાંથી ચોરીનો એક ચોંકાવનારો વીડિયો સામે આવ્યો છે.જેમાં એક ચોર શૉ રૂમની બહાર પાર્ક કરેલા ટ્રેક્ટરની ચોરી કરવાનો પ્રયાસ કરી રહ્યો છે. આ દરમિયાન અચાનક ટ્રેક્ટર સ્ટાર્ટ થઈ જાય છે અને તે ચોરની ઉપરથી પસાર થઈ જાય છે. આમ છતાં ચોર ઉઠે છે અને ટ્રેક્ટર પર બેસીને ફરાર થઈ જાય છે. આ સમગ્ર ઘટના નજીકના CCTVમાં કેદ થઈ ગઈ હતી, જેનો વીડિયો સોશિયલ મીડિયામાં વાયરલ થઈ રહ્યો છે.

સમગ્ર ઘટના સીસીટીવીમાં કેદ થઈ હતી

પ્રાપ્ત વિગતો પ્રમાણે મોડાસાના હજિરા વિસ્તારમાં એક ટ્રેક્ટરના શોરૂમમાં ચોર ચોરી કરવા માટે ઘૂસ્યો હતો. ચોર ટ્રેક્ટરની ચોરી કરવા માટે ટ્રેક્ટર ચાલુ કરવા ગયો અને અચાનક ટ્રેક્ટર ચાલુ થઈ જતાં ચોરનો પગ ટાયર નીચે આવી ગયો હતો. ત્યાર બાદ તેના શરીર પર ટ્રેક્ટરનું તોતિંગ ટાયર ફરી વળ્યું હતું. તે છતાંય આ ચોર ટ્રેક્ટર લઈને ફરાર થઈ ગયો હતો. આ સમગ્ર ઘટના સીસીટીવીમાં કેદ થઈ હતી.

 

બિનવારસી હાલતમાં ટ્રેક્ટર સહીસલામત મળી આવ્યું

હજીરા વિસ્તારમાં આવેલા આદર્શ ટ્રેક્ટરના શોરૂમના માલિક પ્રહલાદ પટેલે ચોરીની ફરિયાદ નોંધાવતા કહ્યું હતું કે, તેમના શોરૂમમાં પાર્ક કરેલું ટ્રેક્ટર ગુમ થયુ હતું. આ બાબતની જાણ તેમને પાંચ દિવસ બાદ થઈ હતી. 31 તારીખના રોજ રાતના આશરે 10 વાગ્યે તેમના શોરૂમમાં પાર્ક કરેલું રૂપિયા 2 લાખ 40 હજારનું ટ્રેક્ટર ગુમ થયું હતું. જેની જાણ ફરિયાદીને તારીખ 4/9/2023ના રોજ થઈ હતી, જેથી તેમણે નેત્રમ શાખાનો સંપર્ક કર્યો હતો. નેત્રમ શાખાના કર્મચારીઓએ વિશ્વાસ પ્રોજેક્ટ અંતર્ગત લગાવેલા CCTV કેમેરાના માધયમથી શોધખોળ હાથ ધરતાં કોઈ શંકાસ્પદ ઈસમ ફરિયાદીનું ટ્રેક્ટર લઈ જતો કેમેરામાં કેદ થયો હતો. એ ઈસમ ટ્રેક્ટર લઈ હજીરાથી શામળાજી તરફ ગયો હતો અને ફરિયાદ નોંધાયાના ગણતરીના કલાકોમાં ઇસરોલ ગામ પાસેથી બિનવારસી હાલતમાં ટ્રેક્ટર સહીસલામત મળી આવ્યું હતું.

 

 

 

Related posts

રાજ્યમાં બિપોરજોય વાવાઝોડાના તોળાઈ રહેલા સંભવિત સંકટને લઈ મુખ્યમંત્રીશ્રી ભૂપેન્દ્ર પટેલએ સ્થિતિની કરી સમીક્ષા

KalTak24 News Team

સુરતના કાપોદ્રામાં ધોરણ 12ના વિદ્યાર્થીએ બ્રિજ પરથી કર્યો આપઘાત.

KalTak24 News Team

ભાજપ,કોંગ્રેસ અને આપનાં દિગ્‍ગજ નેતાઓ ગુજરાતમાં સભાઓ અને રોડ-શો કરશે-જાણો કાર્યક્રમ

KalTak24 News Team
શિયાળામાં ગોળની ચા પીવાથી ઘણા ફાયદા થાય છે. ઈન્ટરનેટ વગર પણ મોકલી શકાય છે UPIથી પૈસા,જાણો સમગ્ર માહિતી પાયલની આ લેટેસ્ટ ડીઝાઈન કરવા ચોથ પર તમારા પગની સુંદરતા વધારશે, એકવાર જરૂર ટ્રાય,જુઓ અહી ડિઝાઇન.. મોબાઈલનું કવર ગંદુ થઈ ગયું છે?, આવો જાણીએ તેને સાફ કરવા માટેની સરળ રીત રોજ સવારે ખાલી પેટ આ 6 પાંદડા ચાવો, જાણો ઘણા ફાયદા અંજીર ખાવાના 5 જબરદસ્ત ફાયદા,જાણો ઘણા ફાયદા