May 18, 2024
KalTak 24 News
International

અફઘાનિસ્તાનની મહિલાએ તાલિબાન સરકારને આપ્યો જડબાતોડ જવાબ, દક્ષિણ ગુજરાત યુનિવર્સિટીમાંથી જીત્યો ગોલ્ડ મેડલ

Veer Narmad South Gujarat University surat

સુરત (Surat) : દક્ષિણ ગુજરાતની વીર નર્મદ યુનિવર્સિટી(Veer Narmad South Gujarat University)માં અભ્યાસ કરતી અફઘાનિસ્તાન(Afghanistan)ની વિદ્યાર્થીનીએ એમએમાં ગોલ્ડ મેડલ મેળવ્યો છે. ગુજરાતના રાજ્યપાલે રઝિયા મુરાદીનું મેડલ અને પ્રમાણપત્ર આપી સન્માન કર્યું હતું. રઝિયા મુરાદીએ કહ્યું કે મને ખાતરી નહોતી કે હું ગોલ્ડ મેડલ(Gold Medal) મેળવીશ. મારા વર્ગમાં ઘણા આશાસ્પદ વિદ્યાર્થીઓ છે જેઓ આ મેડલને પાત્ર છે.

સુવર્ણ ચંદ્રક જીત્યા બાદ ગુજરાતના સુરતમાં અફઘાનિસ્તાનની વતની રઝિયા મુરાદીએ કહ્યું, “હું અફઘાનિસ્તાનની મહિલાઓનું પ્રતિનિધિત્વ કરું છું, જે શિક્ષણથી વંચિત છે. હું તાલિબાનોને કહેવા માગુ છું કે, જો તક આપવામાં આવે તો મહિલાઓ પણ કોઈપણ ક્ષેત્રમાં સફળતા મેળવી શકે છે.”

razia muradi

ઉલ્લેખનીય છે કે, રઝિયા મુરાદીએ સોમવારે વીર નર્મદ દક્ષિણ ગુજરાત યુનિવર્સિટી (VNSGU) કોન્વોકેશનમાં MA (પબ્લિક એડમિનિસ્ટ્રેશન)માં ગોલ્ડ મેડલ જીત્યો હતો. મુરાદીએ છેલ્લા ત્રણ વર્ષથી અફઘાનિસ્તાનમાં પોતાના પરિવારને મળી શકી નથી. તે ગુજરાત યુનિવર્સિટીમાં અભ્યાસ કરે છે. તેણે MAમાં 8.60 (CGPA) ગ્રેડ સાથે ગોલ્ડ મેડલ જીત્યો છે, જે સૌથી વધુ સ્કોર છે.

તાલિબાનના શાસન બાદ મહિલાઓ પરના પ્રતિબંધો વધ્યા છે

તાલિબાને અફઘાનિસ્તાન પર કબજો મેળવ્યા પછી પરિસ્થિતિ બદલાઈ ગઈ છે. ખાસ કરીને મહિલાઓ પર પ્રતિબંધો વધી ગયા છે. આવા કપરા સંજોગોમાં રઝિયા મુરાદી નામની અફઘાન વિદ્યાર્થિનીએ દક્ષિણ ગુજરાતની વીર નર્મદ યુનિવર્સિટીમાં પોતાનો અભ્યાસ પૂર્ણ કર્યો અને પબ્લિક એડમિનિસ્ટ્રેશનમાં MA(પબ્લિક એડમિનિસ્ટ્રેશન)માં ગોલ્ડ મેડલ મેળવ્યો.

રઝિયાએ કહ્યું કે મારો પરિવાર આ સમારોહમાં સામેલ થઈ શક્યો નથી, પરંતુ તેઓ ખુશ અને ગર્વ અનુભવે છે. જ્યારે હું ભારતની યુનિવર્સિટીમાં ભણવા માટે પસંદ થયો ત્યારે મારા પરિવારને ચિંતા હતી કે હું અહીં એકલો કેવી રીતે અભ્યાસ કરી શકીશ, પરંતુ આજે જ્યારે મને મેડલ મળ્યો છે ત્યારે તેઓને વિશ્વાસ છે કે હું આ કરી શકીશ.

अफगानी छात्रा ने गुजरात यूनिवर्सिटी में जीता गोल्ड मेडल, तालिबान को लेकर कही ये बात

રઝિયા ત્રણ વર્ષથી તેના પરિવારને મળી શકી ન હતી

રઝિયા કહે છે કે જો મહિલાઓને તક મળે તો તેઓ કોઈપણ ક્ષેત્રમાં પોતાની ઓળખ બનાવી શકે છે. રઝિયા વર્ષ 2020માં એમએ કરવા ભારત આવી હતી. આ પછી તાલિબાને અફઘાનિસ્તાન પર કબજો જમાવી લીધો.

રઝિયા કહે છે કે છેલ્લા ત્રણ વર્ષથી તે તેના પરિવારના સભ્યોને મળી શકી નથી. હું મેડલ મેળવીને જેટલી ખુશ છું તેટલું જ દુઃખ એ વાતનું છે કે આવા પ્રસંગે પરિવાર મારી સાથે નથી. રઝિયા કહે છે કે પીએચડી પૂર્ણ કર્યા પછી, જો અફઘાનિસ્તાનની પરિસ્થિતિ બદલાય છે, તો તે તેના દેશમાં પાછા જઈને સેવા કરવા માંગે છે.

ભારતના લોકોનો આભાર માન્યો
રઝિયા મુરાદીએ કહ્યું કે, હું નિયમિત રીતે લેક્ચરમાં જતી હતી. મેં પરીક્ષાના થોડા દિવસો પહેલા રીવીઝન કર્યું હતું. તાલિબાન પર પ્રહાર કરતાં તેણી કહે છે, “તે શરમજનક છે કે, તેઓએ છોકરીઓ અને મહિલાઓને ઔપચારિક શિક્ષણ મેળવવા પર પ્રતિબંધ મૂક્યો છે. મને આ તક આપવા બદલ હું ભારત સરકાર, ICCR, VNSGU અને ભારતના લોકોનો આભાર માનું છું.’

अफगानी छात्रा ने गुजरात यूनिवर्सिटी में जीता गोल्ड मेडल, तालिबान को लेकर कही ये बात

હાલ PhD કરી રહી છે
રઝિયાએ એપ્રિલ 2022માં એમએ પૂર્ણ કર્યું અને હવે તે પબ્લિક એડમિનિસ્ટ્રેશનમાં પીએચડી કરી રહી છે. ભારત આવ્યા પછી, તેણે કોવિડ લોકડાઉનને કારણે ઓનલાઈન મોડ પર પોતાનો અભ્યાસ શરૂ કર્યો. પ્રથમ બે સેમેસ્ટરમાં, તેમના મોટાભાગના વર્ગો અને પરીક્ષાઓ ઓનલાઈન લેવાઈ હતી. ગોલ્ડ મેડલ ઉપરાંત તેણીએ કોન્વોકેશનમાં શારદા અંબેલાલ દેસાઈ એવોર્ડ પણ જીત્યો હતો.

ઉલ્લેખનીય છે કે, તાલિબાને ઇસ્લામિક કાયદાના તેમના કડક અર્થઘટનનો વ્યાપકપણે અમલ કર્યો છે. તાલિબાને દેશમાં મહિલાઓ માટે ઔપચારિક શિક્ષણ પર પ્રતિબંધ મૂક્યો છે.

 

તમે અમને ફેસબુક , ઇન્સ્ટાગ્રામ , યુટ્યૂબ પર ફોલો કરીને સમાચાર મેળવી શકો છો

નવા નવા ન્યૂઝ અને માહિતી મેળવવા માટે નીચે આપેલ લિંક પર ક્લિક કરી અમારા કલતક 24 ના બ્રેકિંગ ગ્રુપમાં જોડાઓ

https://chat.whatsapp.com/IwDhbJIsEO26uxtKPvYoAV

વોટ્સએપ 1: Whatsapp

વોટ્સએપ 2: Whatsapp

Related posts

New Zealandના સૌથી યુવા સાંસદે સંસદમાં આપ્યું એવું જોરદાર ભાષણ કે આખી સંસદ હચમચી ગઈ,તમે પણ જુઓ Viral Video

KalTak24 News Team

BIG NEWS : મેડિસિન ક્ષેત્રે આ બે વૈજ્ઞાનિકોને મળ્યો નોબેલ પુરસ્કાર,શોધથી થઈ દુનિયામાં ક્રાંતિ

KalTak24 News Team

PM મોદી પાપુઆ ન્યૂ ગિની પહોંચ્યા,પાપુઆ ન્યુ ગિનીના વડાપ્રધાને PM મોદીના ચરણ સ્પર્શ કર્યા

KalTak24 News Team