- અમદાવાદમાં IPSની પત્નીનો આપઘાત
- થલતેજ ખાતે નિવાસ સ્થાને કર્યો આપઘાત
- અગમ્ય કારણોસર ગળેફાંસો ખાઈ કર્યો આપઘાત
- પોલીસ ઘટના સ્થળે પહોંચી વધુ તપાસ શરૂ કરી
IPS RT Susra’s Wife Suicide : અમદાવાદમાં એક IPS અધિકારીની પત્નીએ આપઘાત કર્યો હોવાના અહેવાલ છે. થલતેજમાં તેમના નિવાસસ્થાને જ ગળાફાંસો ખાઈ જીવન ટૂંકાવ્યું છે. બનાવની જાણ થતાં બોડકદેવ પોલીસ ઉપરાંત ઉચ્ચ અધિકારીઓનો કાફલો ઘટના સ્થળે પહોંચ્યો છે અને આગળની કાર્યવાહી હાથ ધરી છે.
બનાવ અંગે પ્રાપ્ત પ્રાથમિક વિગતો અનુસાર, થલતેજના શાંગ્રિલા બંગ્લોઝમાં IPS અધિકારી રાજન સુસરા રહે છે અને તેઓ વલસાડમાં મરીન સિક્યોરિટીમાં એસપી તરીકે ફરજ બજાવી રહ્યાં છે. તેમના 47 વર્ષીય પત્ની શાલુબેને આજે અગમ્યકારણોસર ગળાફાંસો ખાઈ આત્મહત્યા કરી લીધી હતી. આઇપીએસ અધિકારીના પત્નીએ આત્મહત્યા કરતા પોલીસ બેડામાં હડકંપ મચી ગયો હતો.
બનાવની જાણ થતાં બોડકદેવ પોલીસ ઘટના સ્થળે પહોંચી હતી. તેમજ ઉચ્ચ અધિકારીઓ પણ બનાવ સ્થળે પહોંચ્યા હતા. IPS અધિકારીની પત્નીએ શા માટે આત્મહત્યા કરી એ હાલ જાણી શકાયું નથી. પોલીસે મૃતદેહને પીએમ અર્થે ખસેડી આગળની કાર્યવાહી હાથ ધરી છે.
સમગ્ર અહેવાલ અનુસાર, IPS આર.ટી.સુસરાના પત્ની શાલુબેને આપઘાત કર્યો છે. એક મહિના પહેલા જ લગ્નની 31મી વર્ષગાંઠ ઉજવ્યા બાદ હવે તેમણે અચાનક જીવન ટૂંકાવી છે. આ તરફ હજી સુધી આપઘાતનું કોઈ કારણ સામે આવ્યું નથી. ઘટનાને લઈ બોડકદેવ પોલીસ સહિતના ઉચ્ચ અધિકારીઓ સ્થળ પર પહોંચ્યા હતા. શાલુબેનની ઉંમર 47 વર્ષ હતી. બોડકદેવ પોલીસ સ્ટેશનમાં અકસ્માતનો ગુનો નોંધાયો છે.
ગઈકાલે સુરતમાં લગ્ન પ્રસંગે ગયા હતા, ત્યાંથી પરત આવ્યા બાદ આ ઘટના બની છે. આપઘાત કરવાનું કારણ હજુ સ્પષ્ટ નથી થયું. શાલુબેન અને IPS સુસરા સુરત લગ્ન પ્રસંગમાં સાથે હતા. ગઈકાલે સુરતથી સુસરા વહેલા આવી ગયા હતા, જોકે શાલુ બેન રાત્રે આવ્યા હતા.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે..
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
