KalTak 24 News
ગુજરાત

રાજકોટ/ ઉપલેટાના ભીમોરામાં 9 માસની બાળકીને એસિડ પીવડાવી માતાએ કર્યો આપઘાત,જનેતાનું મોત,બાળકી જીવન-મરણ વચ્ચે ઝોલાં…

Rajkot News
  • દીકરીને એસિડ પીવડાવ્યા બાદ માતાનો આપઘાત
  • ભીમોરા ગામે માતાએ પણ એસિડ પી કર્યો આપઘાત
  • આપઘાત કર્યો તે અંગે કારણ હજુ અકબંધ

Rajkot News: રાજકોટના ઉપલેટાના ભીમોરા ગામે ઘરે એકલી રહેલી પરિણીતાએ પોતાની 9 માસની માસુમ પુત્રીને એસિડ પીવડાવ્યા બાદ પોતે પણ એસિડ ગટગટાવી લીધું હતું. ગૃહ કંકાશના કારણે પરિણીતાએ આ પગલું ભર્યા બાદ પતિને ફોન કરી જાણ કરતાં પરિવારજનો ઘરે દોડી ગયા હતાં અને માતા પુત્રીને ગંભીર હાલતમાં હોસ્પિટલ ખસેડવામાં આવ્યા હતાં. પરંતુ પરિણીતાનું સારવાર મળે તે પહેલા જ મૃત્યુ નિપજ્યું હતું. જ્યારે માસુમ પુત્રીની હાલત ગંભીર હોવાનું જાણવા મળ્યું છે. આ બનાવ અંગે પોલીસે પરિણીતા સામે હત્યાના પ્રયાસનો ગુનો નોંધી તપાસ હાથ ધરી છે.

આ બનાવ અંગેની જાણવા મળતી વિગત મુજબ, ઉપલેટાના ભીમોરા ગામે રહેતા મનીષાબેન જગાભાઈ મકવાણા નામની પરિણીતાએ ગઈકાલે બપોરે ઘરે એકલી હતી. ત્યારે પોતાની 9 માસની માસુમ પુત્રી ધાર્મિને એસિડ પીવડાવ્યા બાદ પોતે પણ એસિડ ગટગટાવી લીધું હતું. આ બનાવ બાદ પરિણીતાએ વાડીએ કામે ગયેલા પતિ જગાભાઈ મકવાણાને ફોન કરી જાણ કરતાં પરિવારજનો ઘરે દોડી ગયા હતા અને માતા પુત્રીને બેભાન હાલતમાં હોસ્પિટલે લઈ ગયા હતાં. જ્યાં પરિણીતાનું સારવાર મળે તે પહેલા જ મૃત્યુ નિપજ્યું હતું.

1706504726 WhatsApp Image 2024 01 29 at 10 35 06 AM

મારે સંતાનમાં એક જ દીકરી છે

પોલીસને આપેલી ફરિયાદમાં ફરિયાદીએ જણાવ્યું છે કે, તેઓ રાજકોટ જિલ્લાના ઉપલેટા તાલુકાના ભીમોરા ગામ ખાતે રહે છે. રવિવારના રોજ બપોરના ત્રણ વાગ્યાના અરસામાં પત્ની મનીષાનો ફોન આવ્યો હતો અને કહ્યું હતું કે, મે એસિડ પી લીધું છે તમે ઘરે આવો. જેથી તાત્કાલિક અસરથી હું તેમજ મારી માતા અને નાનો ભાઈ ઘરે પહોંચ્યા હતા. ઘરે પહોંચતા પત્ની ગાદલા ઉપર આળોતી હતી અને ઉલટી કરતી હતી તેમજ દીકરી ધાર્મિને પણ ઉલટી થતી હતી. તો સાથે જ મોઢા ઉપર ફીણ પણ આવી ગયા હતા.

વધુમાં જણાવ્યું હતું કે, જોકે, સારવાર દરમિયાન મારી પત્નીનું મોત થયું હતું અને મારી દીકરી ધાર્મીની તબિયત વધારે ગંભીર થતા તેને મારા મોટાભાઈ રામભાઈ ઘેલાભાઇ મકવાણા રાજકોટ સરકારી દવાખાને સારવારમાં લઈ ગયા છે. હાલ મારી દીકરીની સારવાર ચાલુ છે અને મારી પત્ની મનિષા કોઈ કારણે આવેશમાં આવી અમારા ઘરે એકલી હોઇ તે સમય દરમિયાન પોતે જાતે એસિડ પી મારી દીકરી ધાર્મીને પણ મારી નાખવાના ઇરાદે એસિડ પીવડાવી પોતે મરણ ગયેલ તો મારી પત્ની વિરુદ્ધ ફરિયાદ નોંધાવું છું.

ઉપલેટા પોલીસ સ્ટેશનમાં પતિએ પત્ની વિરુદ્ધ ફરિયાદ નોંધાવી.

માસૂમ પુત્રીની હાલત ગંભીર હોય વધુ સારવાર અર્થે રાજકોટની હોસ્પિટલમાં ખસેડવામાં આવી છે. આ બનાવ અંગે પાટણવાવ પોલીસે જગાભાઈ ગાંડાભાઈ મકવાણાની ફરિયાદ પરથી પત્ની મનીષાબેન સામે પુત્રીની હત્યાનો પ્રયાસ કરવા અંગેનો ગુનો નોંધ્યો છે.

પોલીસની પુછપરછમાં મઘરવાડા ગામની મનીષાના બે વર્ષ પહેલા જ લગ્ન થયા હતા અને બનાવ સમયે પતિ, સાસુ અને દીયર વાડીએ કામે ગયા હતાં. ત્યારે આવેશમાં આવી જઈ આ પગલું ભરી લીધું હોવાનું ફરિયાદમાં જણાવ્યું છે. ગૃહકંકાશના કારણે બનેલી આ ઘટનાના કારણે પોલીસે વિશેષ તપાસ હાથ ધરી છે.

છેલ્લા કેટલાક સમયથી માતાપિતા લાગણીહીન બન્યા હોય તેવું લાગી રહ્યું છે. માતાપિતાના ઝગડાઓમાં માસુમોની જિંદગી હણાઈ રહી છે. ક્યાંક બાળકોને તરછોડી દેવાય છે, તો ક્યાંક બાળકોને મોતને ઘાટ ઉતારી દેવાય છે. આવી ઘટનાઓ સભ્ય સમાજ પર અનેક આંગળીઓ ઉઠાવી રહી છે. પરંતું છતા માતાપિતા બાળકોની જિંદગી સાથે રમકડાની જેમ રમે છે. આ સમગ્ર ઘટનામાં 9 મહિનાની બાળકીનો શું વાંક હતો?

 

Group 69

 

 

Related posts

Shatamrut Mahotsav: શ્રી કષ્ટભંજનદેવ હનુમાનજી મંદિર સાળંગપુરધામ થી આમંત્રણ રથનું કરાયું પ્રસ્થાન,આમંત્રણ રથ વાજતે-ગાજતે અલગ શહેરો અને ગામોમાં ફરી આપશે આમંત્રણ

Sanskar Sojitra

KARGIL VIJAY DIWAS/ ‘સુરતથી સરહદ સુધીની સાહસિક સફર’ ખેડનાર સુરતના પ્રથમ ગુજરાતી મહિલા આર્મી ઓફિસર ‘કેપ્ટન મીરા દવે’

KalTak24 News Team

ગુજરાત સરકારનો મહત્ત્વનો નિર્ણય, રાજ્યમાં 2600 વિદ્યા સહાયકોની ભરતી કરાશે

KalTak24 News Team
શિયાળામાં ગોળની ચા પીવાથી ઘણા ફાયદા થાય છે. ઈન્ટરનેટ વગર પણ મોકલી શકાય છે UPIથી પૈસા,જાણો સમગ્ર માહિતી પાયલની આ લેટેસ્ટ ડીઝાઈન કરવા ચોથ પર તમારા પગની સુંદરતા વધારશે, એકવાર જરૂર ટ્રાય,જુઓ અહી ડિઝાઇન.. મોબાઈલનું કવર ગંદુ થઈ ગયું છે?, આવો જાણીએ તેને સાફ કરવા માટેની સરળ રીત રોજ સવારે ખાલી પેટ આ 6 પાંદડા ચાવો, જાણો ઘણા ફાયદા અંજીર ખાવાના 5 જબરદસ્ત ફાયદા,જાણો ઘણા ફાયદા