અમદાવાદ(Ahmedabad): ગુજરાત વિધાનસભા ચૂંટણી(Gujarat Election 2022)ના બીજા તબક્કાના મતદાનને હવે ફક્ત 1 દિવસ બાકી રહ્યો છે. આવતીકાલે 5 ડિસેમ્બરના રોજ બીજા તબક્કાની 93 બેઠકો માટે મતદાન થશે. આવતીકાલે ઉત્તર ગુજરાત અને મધ્ય ગુજરાતની 93 બેઠકો પર મતદારો પોતાના મતાધિકારનો ઉપયોગ કરશે. ત્યારે PM નરેન્દ્ર મોદી(Narendra Modi) આજે રવિવારે સાંજે અમદાવાદ(Ahmedabad) પહોંચશે. PM મોદી લોકશાહીના મહાપર્વમાં ભાગ લેવા માટે આવશે અને તેઓ આવતીકાલે અમદાવાદમાં મતદાન કરશે.
મળતી માહિતી અનુસાર, આવતીકાલે 5 ડિસેમ્બરના રોજ પીએમ મોદી સવારે 8 કલાકે રાણીપમાં મતદાન કરશે. સાથે જ બીજા તબક્કામાં વધુ મતદાન થાય તે માટે તેઓ ગુજરાતના નાગરિકોને અપીલ પણ કરશે.PM મોદી માતા હીરા બા સાથે પણ મુલાકાત કરી શકે તેવી શક્યતા છે. ઉલ્લેખનીય છેે કે, પ્રધાનમંત્રી નરેન્દ્ર મોદીના માતા હીરાબા 100 વર્ષથી વધુ ઉંમરના છે, તેઓ ગુજરાતની દરેક ચૂંટણીમાં પોતાની ફરજ બજાવીને અવશ્ય મતદાન કરવા જાય છે. મહત્વનું છે કે, પરિવારના સદસ્યો દ્વારા તેમને મતદાન કરાવવા લઈ જવાય છે. આ ઉંમરે પર હીરાબા જુવાનોને શરમાવે તેવા જુસ્સાથી લાકડીના ટેકે મતદાન કરવા જાય છે.
મહત્વનું છે કે,આવતીકાલે ગુજરાત વિધાનસભાની ચૂંટણી માટે બીજા તબક્કાનું મતદાન થશે. જેને લઈને તંત્ર દ્વારા છેલ્લી ઘડીની તૈયારીઓ આરંભી દેવામાં આવી છે. આજે ચૂંટણી અધિકારીઓ દ્વારા EVM ડિસ્પેચિંગની કામગીરી કહાથ ધરવામાં આવશે.
તમે અમને ફેસબુક , ઇન્સ્ટાગ્રામ , યુટ્યૂબ પર ફોલો કરીને સમાચાર મેળવી શકો છો
નવા નવા ન્યૂઝ અને માહિતી મેળવવા માટે નીચે આપેલ લિંક પર ક્લિક કરી અમારા કલતક 24 ના બ્રેકિંગ ગ્રુપમાં જોડાઓhttps://chat.whatsapp.com/IwDhbJIsEO26uxtKPvYoAV
વોટ્સએપ 1: Whatsapp
વોટ્સએપ 2: Whatsapp
