Kesar Mango Annakut Decoration Sarangpur Hanumanji Mandir: સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી તારીખ 10/5/2024ને શુક્રવાર,વૈશાખ સુદ-3 અખાત્રીજ (અક્ષયતૃતીયા) એવં પરશુરામ જયંતી નિમિત્તે શ્રીકષ્ટભંજનદેવ હનુમાનજી દાદાને વિશેષ શણગાર કરાયો છે. આજે સવારે 05:40 વાગ્યે શણગાર આરતી પૂજારી ધર્મકિશોર સ્વામી (અથાણાવાળા)દ્વારા કરવામાં આવી હતી.
શ્રીહનુમાનજી દાદાને કેરીઓ ધરાવી તથા દાદાના સિંહાસનને 200 મણ કેરીઓ દ્વારા શણગાર એવં ભવ્ય અન્નકૂટ કરવામાં આવ્યો હતો. બપોરના 11 વાગ્યે “ભવ્ય અમ્રોત્સવ” નિમિતે અન્નકૂટ આરતી પૂજારી સ્વામી (અથાણાવાળા) દ્વારા કરવામાં આવી હતી. દાદાના વિશેષ આમ્રોત્સવ દર્શનનો લાભ અનેક હરિભકતોએ લઈ ધન્યતા અનુભવી હતી.
આજે દાદાને કરાયેલા કેરીના શણગાર અંગે પૂજારી ધર્મ કિશોર સ્વામીએ જણાવ્યું કે, “આજે અખાત્રીજ અને પરશુરામ જયંતી નિમિત્તે શ્રીકષ્ટભંજન દેવ હનુમાનજીને 200 મણ કેરીનો અન્નકુટ ધરાવાયો છે. દાદાના સિંહાસને કેરીનો શણગાર કરતા 6 સંતો, પાર્ષદો અને હરિભક્તોને 6 કલાકનો સમય લાગ્યો હતો. તો દાદા સમક્ષ કેરીનો અન્નકુટ તૈયાર કરવામાં 2 કલાકનો સમય લાગ્યો હતો. આજે દાદાને તાલાલા ગીરની કેસર કેરી અને વલસાડની કેરીનો આમ્રોત્સવ કરાયો છે. આ કેરી ભક્તોને પ્રસાદમાં વહેંચવામાં આવશે.”
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
