Tamannaah Bhatia Gets Summons: હાલ દેશભરમાં આઈપીએલ 2024 (IPL 2024)નો ક્રેઝ જોવા મળી રહ્યો છે. ત્યારે ફરી એકવાર IPLની ગેરકાયદેસર સ્ટ્રીમિંગનો મામલો સામે આવ્યો છે. અગાઉ, આ કેસમાં બોલિવૂડ અભિનેતા સંજય દત્ત (Sanjay Dutt)ને પૂછપરછ માટે બોલાવવામાં આવ્યો હતો. ત્યારે હવે મહારાષ્ટ્ર સાયબર સેલે ખૂબસૂરત અભિનેત્રી તમન્ના ભાટિયા (Tamannaah Bhatia)ને સમન્સ પાઠવ્યું છે.રિલાયન્સ ઇન્ડસ્ટ્રીઝ લિમિટેડની પેટાકંપની વાયાકૉમ 18 ને IPL 2023 ના ગેરકાયદેસર સ્ટ્રીમિંગને કારણે ભારે નુકસાન સહન કરવું પડ્યું હતું. હવે આ કેસમાં તમન્ના ભાટિયાએ 29મી એપ્રિલે સાયબર બ્રાન્ચ સમક્ષ હાજર થવું પડશે.
ન્યૂઝ એજન્સી ANIના જણાવ્યા પ્રમાણે, મહારાષ્ટ્ર સાયબરે ફેયરપ્લે એપ પર આઈપીએલ 2023 (IPL 2023)ની ગેરકાયદેસર સ્ટ્રીમિંગ સાથે સંબંધમાં અભિનેત્રી તમન્ના ભાટિયાને પૂછપરછ માટે બોલાવ્યો છે. સમાચાર અનુસાર, તેને કારણે વાયકૉમને કરોડો રૂપિયાનું નુકસાન થયું હતું. મહારાષ્ટ્ર સાયબરે અભિનેત્રીને 29 એપ્રિલના રોજ હાજર થવા માટે કહ્યું છે.
Maharashtra Cyber summons actor Tamannaah Bhatia for questioning in connection with the illegal streaming of IPL 2023 on Fairplay App that caused loss of Crores of Rupees to Viacom. She has been asked to appear before Maharashtra Cyber on 29th April.
Actor Sanjay Dutt was also… pic.twitter.com/3Y4TvPHayh
— ANI (@ANI) April 25, 2024
લોકોમાં IPL 2024નો જબરદસ્ત ક્રેઝ છે. દરમિયાન IPL ના ગેરકાયદેસર સ્ટ્રીમિંગને લગતા નવા અપડેટ્સ ઘણી વેબસાઇટ્સ પર સપાટી પર આવ્યા છે. ગેરકાયદે સ્ટ્રીમિંગનો મામલો દિલ્હી હાઈકોર્ટમાં ચાલી રહ્યો છે. વધુ માહિતી માટે તમને જણાવી દઈએ કે આ સ્ટ્રીમિંગને કારણે વાયકોમને કરોડો રૂપિયાનું નુકસાન થયું હતું. અભિનેતા સંજય દત્તને પણ 23 એપ્રિલે આ સંબંધમાં સમન્સ મોકલવામાં આવ્યું હતું, પરંતુ તે દેશની બહાર હોવાથી હાજર થયો ન હતો. સંજય દત્તે સાયબર સેલ પાસે માંગણી કરી હતી કે તેનું નિવેદન નોંધવા માટે તેને આગામી તારીખ અને સમય આપવામાં આવે.
કરોડો રૂપિયાનું નુકસાન
એક માહિતી અનુસાર ફેરપ્લે એપ પર IPL 2023 ની ગેરકાયદેસર સ્ટ્રીમિંગ સંબંધિત કેસમાં તમન્નાની પૂછપરછ કરવામાં આવશે. જેના કારણે વાયાકોમને કરોડો રૂપિયાનું નુકસાન સહન કરવાનો વારો આવ્યો હતો. કહેવામાં આવી રહ્યું છે કે તેની સાક્ષી તરીકે બોલાવવામાં આવી રહી છે. પૂછપરછ દરમિયાન તેને આ કેસ સાથે જોડાયેલ તમામ સવાલો કરવામાં આવશે.અભિનેત્રીને પૂછવામાં આવશે કે ફેરપ્લે માટે તેનો કોણે સંપર્ક કર્યો હતો અને તેના માટે તેને કેટલા પૈસા આપવામાં આવ્યા હતા. તમને જણાવી દઈએ કે, તમન્ના ભાટિયાએ ફેરપ્લેનું પ્રમોશન કર્યું હતું.
તમન્ના ભાટિયાનું વર્કફ્રન્ટ
આ દિવસોમાં તમન્ના ભાટિયા પોતાની પર્સનલ અને પ્રોફેશનલ લાઈફને લઈને ચર્ચામાં છે. તમન્ના ભાટિયાના વર્ક ફ્રન્ટની વાત કરીએ તો, તે ટૂંક સમયમાં જ ફિલ્મ ‘અરનમનાઈ 4’, નિખિલ અડવાણીની ‘વેદા’, નીરજ પાંડેની ‘ઓડેલા 2’માં જોવા મળશે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
