G-20 SUMMIT: પીએમ નરેન્દ્ર મોદી અને અમેરિકી રાષ્ટ્રપતિ જો બાઈડન દિલ્હીમાં G-20 સમિટ પહેલા દ્વિપક્ષીય બેઠક યોજી,વડાપ્રધાનનું ટ્વિટ- અનેક મુદ્દાઓ પર ચર્ચા
G-20 સમિટ અંતર્ગત અમેરિકાના રાષ્ટ્રપતિ જો બાઇડેન પણ દિલ્હી પહોંચી ગયા છે. એરપોર્ટ પર ઉતરતાની સાથે જ બાઇડેન સીધા જ વડાપ્રધાન નિવાસસ્થાન એટલે કે લોક કલ્યાણ માર્ગ પહોંચ્યા.
- યુએસ પ્રમુખ જો બાઇડન G20 નવી દિલ્હી પહોંચ્યા
- નરેન્દ્ર મોદી અને બાયડનની G20 સમિટ વચ્ચે દ્વિપક્ષીય વાતચીત
- G20 સમિટ 2023નું આયોજન
Joe Biden meets PM Narendra Modi: G-20 સમિટ અંતર્ગત અમેરિકાના રાષ્ટ્રપતિ જો બાઇડેન પણ દિલ્હી પહોંચી ગયા છે. એરપોર્ટ પર ઉતરતાની સાથે જ બાઇડેન સીધા જ વડાપ્રધાન નિવાસસ્થાન એટલે કે લોક કલ્યાણ માર્ગ પહોંચ્યા હતા. PM આવાસ પર વડાપ્રધાન મોદી અને બાઇડેન વચ્ચે બેઠક ચાલી રહી છે. જે બાદ વડાપ્રધાન મોદીએ ટ્વીટ કર્યું કે- અમેરિકાના રાષ્ટ્રપતિની સાથે અનેક મુદ્દે ચર્ચા થઈ.
આ દરમિયાન બંને નેતા G-20 સમિટથી અલગ દ્વિપક્ષીય વાર્તા કરશે. વડાપ્રધાન મોદીએ પોતાના સત્તાવાર હેન્ડલ પર અમેરિકાના રાષ્ટ્રપતિ બાઇડેન, મોરેશિયસના વડાપ્રધાન પ્રવિંદ કુમાર જુગનૌથ અને બાંગ્લાદેશના વડાંપ્રધાન શેખ હસીનાની સાથે પોતાની બેઠકની પુષ્ટિ કરી છે. વડાપ્રધાન મોદી 8થી 10 સપ્ટેમ્બર વચ્ચે દુનિયાભરના નેતાઓની સાથે 15થી વધુ દ્વિપક્ષીય બેઠક કરશે. તેમણે કહ્યું કે દ્વિપક્ષીય બેઠક મિત્રતા અને સહયોગના બંધનને વધુ ગાઢ બનાવશે.
વડાપ્રધાન મોદીએ કહ્યું કે મને દિલ્હીના ભારત મંડપમમાં 18માં G-20 સમિટની યજમાની કરતા ખુશી થઈ રહી છે. તેમણે ટ્વીટમાં કહ્યું- હું આગામી બે દિવસમાં વિશ્વના નેતાઓ સાથે સાર્થક ચર્ચાની આશા રાખું છું. આ મારો દ્રઢ વિશ્વાસ છે કે નવી દિલ્હીમાં થનારી G-20 શિખર સંમેલન માનવ કેન્દ્રિત અને સમાવેશી વિકાસમાં એક નવો રસ્તો નક્કી કરશે.#WATCH | G-20 in India: Prime Minister Narendra Modi and US President Joe Biden hold a bilateral meeting on the sidelines of the G-20 Summit, in Delhi pic.twitter.com/O83JkS3DOQ
— ANI (@ANI) September 8, 2023
Prime Minister @narendramodi and @POTUS @JoeBiden are holding talks at 7, Lok Kalyan Marg in Delhi.
Their discussions include a wide range of issues and will further deepen the bond between India and USA. 🇮🇳 🇺🇸 pic.twitter.com/PWGBOZIwNT
— PMO India (@PMOIndia) September 8, 2023
વડાપ્રધાન નરેન્દ્ર મોદીએ ટ્વિટર હેન્ડલ પર અમેરિકી રાષ્ટ્રપતિ જો બાઈડન, મોરેશિયસના વડાપ્રધાન પ્રવિંદ કુમાર જુગનાથ અને બાંગ્લાદેશના વડાપ્રધાન શેખ હસીના સાથેના સાથેની મુલાકાતની માહિતી આપી હતી. તેઓએ કહ્યું કે દ્વિપક્ષીય બેઠકો મિત્રતા અને સહકારને વધુ મજબૂત બનાવશે. મિટિંગમાં બંને નેતાઓએ ભારત અને અમેરિકા વચ્ચેના સંબંધોને મજબૂત કરવાના મુદ્દે ધ્યાન કેન્દ્રિત કર્યું હોવા ઉપરાંત ઘણા મહત્વપૂર્ણ મુદ્દાઓ પર ચર્ચા કરવામાં હતી.
G-20 નેતા વન અર્થ વન ફેમિલી માટે દ્રષ્ટિકોણ શેર કરશે
વડાપ્રધાન મોદીએ કહ્યું કે વૈશ્વિક નેતા દિલ્હીના રાજઘાટ પર મહાત્મા ગાંધીને શ્રદ્ધાંજલિ આપશે. તેમણે કહ્યું કે જી-20 નેતા એક સ્વસ્થ વન અર્થ માટે વન ફેમિલીની જેમ મળીને એક સ્થાયી અને ન્યાયસંગત ભવિષ્ય માટે પોતાના સામૂહિક દ્રષ્ટિકોણને શેર કરશે. વડાપ્રધાન મોદીએ ત્રણ નેતાઓનો ઉલ્લેખ કરતા કહ્યું કે આજે સાંજે હું મારા નિવાસસ્થાને ત્રણ દ્વિપક્ષીય બેઠકની પ્રતિક્ષા કરી રહ્યો છું.
PHOTO | Joint statement of the US and India after the bilateral meeting between US President @JoeBiden and PM @narendramodi in Delhi. (n/2)#G20India2023 #G20SummitDelhi #G20Summit2023 pic.twitter.com/9yc5am7DLB
— Press Trust of India (@PTI_News) September 8, 2023
મીડિયા રિપોર્ટ અનુસાર મિટિંગ દરમિયાન બંને દેશો વચ્ચે સિવિલ ન્યુક્લિયર ટેક્નોલોજીમાં સહયોગ વધારવા અને નાના મોડ્યુલર ન્યુક્લિયર રિએક્ટર પર સમજૂતી થઈ શકે છે. આ સિવાય બંને દેશો વચ્ચે GE જેટ એન્જિન ડીલ પર વાતચીત સહિતના મુદ્દો ચર્ચા થઈ શકે છે.દિલ્હીમાં 9-10 સપ્ટેમ્બરે G20 સમિટ યોજાઇ રહી છે જેમાં 19 દેશોના વડાઓ તથા યુરોપિયન યુનિયન પણ આ કોન્ફરન્સમાં ભાગ લેશે. G20ના સભ્ય દેશો ઉપરાંત 9 અન્ય દેશોના રાષ્ટ્રાધ્યક્ષો આ બેઠકમાં મહેમાન બનશે.મહત્વનું છે કે એશિયન નાણાકીય કટોકટી પછી 1999 માં વિશ્વના 20 મોટા દેશોએ સાથે મળીને આર્થિક જૂથની રચના કરી હતી જે પાછળથી G20 તરીકે ઓળખાયું ત્યારે અત્યાર સુધીમાં 17 બેઠક યોજાઈ છે. જેની 18 મી બેઠક દિલ્હીમાં યોજાઈ રહી છે.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
