Hina Khan Breast Cancer: ટીવીની લોકપ્રિય અભિનેત્રી હિના ખાનના ચાહકો માટે એક આઘાતજનક સમાચાર છે. અભિનેત્રીને સ્તન કેન્સર થયું છે. હિના ખાનનું કેન્સર ત્રીજા તબક્કા પર છે અને તેમની સારવાર શરૂ થઈ ગઈ છે. અભિનેત્રીએ પોસ્ટ કરીને આ માહિતી આપી. તેમણે સોશિયલ મીડિયા પર એક લાંબી પોસ્ટ કરી છે અને ચાહકો પાસે ગોપનીયતાની વિનંતી કરી છે.
હિનાએ પોસ્ટ કરીને લખ્યું ‘હું બધી અફવાઓને સંબોધિત કરવા માંગું છું. હું મારા ચાહકો અને જેઓ મને પ્રેમ કરે છે અને કાળજી રાખે છે તેમને કેટલાક મહત્વપૂર્ણ સમાચાર જણાવવા માંગું છું કે મને ત્રીજા તબક્કાનું સ્તન કેન્સર થયું છે. આ પડકારજનક બીમારી હોવા છતાં, હું બધાને જણાવવા માંગું છું કે હું સારી થઈ રહી છું. હું મજબૂત, દૃઢ નિશ્ચયી અને આ બીમારી સામે લડવા માટે તૈયાર છું. મારી સારવાર શરૂ થઈ ગઈ છે. હું આની સામે લડવા માટે જે જરૂરી છે તે બધું કરવા તૈયાર છું.’
ચાહકોને વિનંતી
આગળ હિનાએ લખ્યું ‘હું મારા ચાહકોને આ સમયે ગોપનીયતા અને આદરની વિનંતી કરી રહી છું. હું તમારા પ્રેમની કદર કરું છું. આ નકારાત્મક યાત્રામાં તમારા વ્યક્તિગત અનુભવો અને સહાયક સૂચનો મારા માટે આખી દુનિયા છે.
View this post on Instagram
ઠીક થવાનો વિશ્વાસ
હું મારા પ્રિયજનો અને પરિવાર સાથે ફોકસ્ડ, દ્રઢનિશ્ચયી અને પોઝિટીવ રહીશ. ભગવાનની કૃપાથી, અમને બધાને ખાતરી છે કે હું આ પડકારને પાર કરીશ અને સંપૂર્ણ સ્વસ્થ થઈ જઈશ. કૃપા કરીને તમારી પ્રાર્થના, આશીર્વાદ અને પ્રેમ મોકલો.
ઈન્ડસ્ટ્રીનાં મિત્રોએ કરી ઠીક થવાની દુઆ
હિનાની પોસ્ટ પર ટીવી ઈન્ડસ્ટ્રીની ઘણી અભિનેત્રીઓની કોમેન્ટ્સ જોવા મળી રહી છે. અંકિતા લોખંડેએ લખ્યું છે કે, હિના તું હંમેશા આનાથી વધુ મજબૂત રહી છે. આ પણ પસાર થઈ જશે. તમારા માટે પ્રેમ, તમે મજબૂત બનો. રશ્મિ દેસાઈએ લખ્યું છે કે, તમે હંમેશા મજબુત રહ્યા છો, પ્રાર્થના અને હિલીંગ મોકલી રહી છું. આશકા ગોરાડિયા, ગૌહર ખાન, શ્રદ્ધા આર્ય સહિત અનેક સેલિબ્રિટીઓએ હિના ખાનના ઝડપથી સાજા થવા માટે પ્રાર્થના કરી છે.
View this post on Instagram
હિના ખાનના કારકિર્દીની વાત કરીએ તો અભિનેત્રીએ રાજન શાહીના લોકપ્રિય શો ‘યે રિશ્તા ક્યા કહલાતા હૈ’થી પોતાની સફર શરૂ કરી હતી. આ શોએ તેમને ખૂબ નામના અને પ્રસિદ્ધિ આપી. સિરિયલમાં તે અક્ષરાના પાત્રમાં હતી. આજે પણ લોકો તેમને અક્ષરાના નામથી ઓળખે છે. આ શો પછી તે બિગ બોસમાં દેખાઈ. બિગ બોસે તેમની સીધી સાદી વહુની છબીને સંપૂર્ણપણે તોડી નાખી. અહીંથી હિના ખાન ફેશન ઇન્ફ્લુએન્સર બની ગઈ.
હિનાએ નાગિન જેવો સુપરનેચરલ શો પણ કર્યો છે. તેણે ફિલ્મ ‘હેક્ડ’થી બોલીવુડ ડેબ્યૂ પણ કર્યું હતું. થોડા સમય પહેલા તેમની ‘શિંદા શિંદા નો પાપા’ રિલીઝ થઈ હતી.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
