KalTak 24 News
ગુજરાત

સુરત/ ડોર ટૂ ડોર ગાર્બેજ કલેક્શન કરતી ટીમની માનવતા,સ્વચ્છતામિત્રોએ સોનાના દાગીના ભરેલું બોક્સ ઓફિસમાં કરાવ્યુ જમા

Door to door Garbage Collection Team Surat

Door to door Garbage Collection Team Surat: સુરતમાં ઈમાનદારી અને પ્રમાણિકતાનું ઉતમ ઉદાહરણ સામે આવ્યું છે. ત્યારે મનપાના ડોર ટૂ ડોર ગાર્બેજ કલેકશન વાહનના સ્વછતા મિત્રોની એક ટીમને પુણા વિસ્તારમાં ડોર ટૂ ડોર ગાર્બેજ કલેક્શનની કામગીરી દરમિયાન સ્વચ્છતા મિત્રોને ઘરેણા ભરેલું બોક્સ મળ્યું હતું. આ બોક્સ લઈને માલિકની શોધખોળ પણ કરી હતી પરંતુ આખરે માલિક નહી મળતા પુણા પોલીસ મથકમાં ઘરેણા જમા કરાવ્યા છે. આ પ્રમાણિકતા બદલ સ્વચ્છતા મિત્રોનું સન્માન પણ કરાયું હતું.

બે પાટલા, બુટ્ટી અને હારનો સેટ મળી આવ્યો

મળતી માહિતી મુજબ ઈસ્ટ ઝોન-એ (વરાછા)ના વિસ્તારમાં ડોર ટૂ ડોર ગાર્બેજ કલેક્શન દરમિયાન પુણા ગામના નિશાળ ફળિયા, મકનજી પાર્ક વિગેરે વિસ્તાર મા ડોર ટૂ ડોર ગાર્બેજ કલેક્શન કરે છે. આ વાહનના સ્વચ્છતા મિત્ર ગણેશ કુમાર મુરલીધર અને શીલાબેન સંજયભાઇ વાંનખેડે તથા ડ્રાઇવર સલમાન શેખની ટીમને હાથમાં પેહરવાના પાટલા નંગ-01, કાનમાં પેહરવાની બુટ્ટી નંગ-02, તથા ગળામા પેહરવાનો હાર નંગ-01નું ભરેલ બોક્ષ ડોર ટૂ ડોર ગાર્બેજ કલેક્શનની ગાડીમાં ગાર્બેજ સાથે મળી આવ્યું હતું. જેથી તેઓએ પુણા-એની વોર્ડ ઓફીસના સ્ટાફને સાથે રાખી વિસ્તારમાં માલિકની શોધખોળ માટે પુછપરછ કરી હતી પરંતુ માલીક નહીં મળતા પુણા પોલીસ સ્ટેશનમાં હકીકતલક્ષી વિગત આપી જમા કરાવ્યું હતું.

Door to door Garbage Collection Team Surat

જમા કરાવનાર સ્વચ્છતા મિત્રોનું શાસકો દ્વારા સન્માન

આ પ્રેરણાદાયી કાર્ય બદલ સુરત મહાનગરપાલિકા મેયર ઓફિસ ખાતે મેયર દક્ષેશભાઇ માવાણી, ડેપ્યુટી મેયર ડોક્ટર નરેન્દ્રભાઈ પાટીલ, સ્થાયી સમિતિ અધ્યક્ષ રાજનભાઈ પટેલ, નેતા શાસક પક્ષ શશીબેન ત્રિપાઠી, આરોગ્ય સમિતિ અધ્યક્ષ નેન્સીબેન શાહ, કોર્પોરેટર વિપુલભાઇ મોવલિયા, કોર્પોરેટર ધનશ્યામભાઇ મકવાણા એ કર્તવ્યવીરોને સન્માનિત કર્યા હતા.

મેયર દક્ષેશભાઈ માવાણીએ જણાવ્યું હતું કે, સુરત શહેરને આ વર્ષે સ્વચ્છતામાં પ્રથમક્રમ સ્વચ્છતા કર્મીઓ અને સુરતીઓએ અપાવ્યો છે. ત્યારે આજે સ્વચ્છતાકર્મીઓ દ્વારા ડોર ટૂ ડોર ગાર્બેજ કલેક્શન દરમિયાન કચરામાંથી 50 ગ્રામ સોનું મળી આવ્યું હતું. સોનું મળી આવ્યા બાદ ઉપલી અધિકારીઓને તેઓએ જાણ કરી હતી અને જે વિસ્તારમાં ડોર ટૂ ડોર ગાર્બેજ કલેક્શન કરે છે. તે વિસ્તારમાં બધાની પૂછપરછ પણ કરી હતી પણ એના મૂળ માલિક મળ્યા ન હતા જેથી તે સોનું પોલીસ પાસે જમા કરાવ્યું છે. આજે સ્વચ્છતા કર્મીઓએ સુરત શહેરને સ્વચ્છતામાં પહેલો નબર તો અપાવ્યો છે પણ માનવતા પણ મહેકાવી છે. આજે સુરતની મેયર ઓફિસે આ સ્વચ્છતામિત્રોનું સન્માન કરીને પ્રોત્સાહિત કર્યા છે. હું તેઓના આ કાર્યને નતમસ્તક વંદન કરું છું.

 

 

Group 69

 

 

Related posts

Ahmedabad/ અમદાવાદની એક કન્સ્ટ્રક્શન સાઈટ પર મોટી દુર્ઘટના,12માં માળથી પટકાતા 3 શ્રમિકોના મોત

KalTak24 News Team

AAPના પક્ષપલટુ કોર્પોરેટરે આપ્યું મોટું નિવેદન,અઠવાડિયામાં વધુ આટલા કોર્પોરેટર ભાજપમાં જોડાશે?

Sanskar Sojitra

વડાપ્રધાન ફરી એકવાર બનશે અમદાવાદ-કચ્છના મહેમાન,ભવ્ય કાર્યક્રમો માં આપશે હાજરી

KalTak24 News Team
શિયાળામાં ગોળની ચા પીવાથી ઘણા ફાયદા થાય છે. ઈન્ટરનેટ વગર પણ મોકલી શકાય છે UPIથી પૈસા,જાણો સમગ્ર માહિતી પાયલની આ લેટેસ્ટ ડીઝાઈન કરવા ચોથ પર તમારા પગની સુંદરતા વધારશે, એકવાર જરૂર ટ્રાય,જુઓ અહી ડિઝાઇન.. મોબાઈલનું કવર ગંદુ થઈ ગયું છે?, આવો જાણીએ તેને સાફ કરવા માટેની સરળ રીત રોજ સવારે ખાલી પેટ આ 6 પાંદડા ચાવો, જાણો ઘણા ફાયદા અંજીર ખાવાના 5 જબરદસ્ત ફાયદા,જાણો ઘણા ફાયદા