વૈદિક મંત્રોચ્ચાર સાથે ભક્તો માટે ખુલ્યા બદ્રીનાથ ધામના દ્વાર,હેલિકોપ્ટરથી ફુલ વર્ષા કરાઈ,મોટી સંખ્યામાં ભક્તો કરશે દર્શન
Badrinath Dham 2023: ઉત્તરાખંડમાં યમનોત્રી, ગંગોત્રી અને કેદારનાથ ધામના કપાટ ખુલી ચૂક્યા છે. ચાર ધામમાંથી એક અને મુખ્ય ગણાતા બદ્રીનાથ ધામ(Badrinath Dham)ના કપાટ આજે ભક્તો માટે ખોલવામાં આવ્યા છે. બદ્રીનાથ ધામના કપાટ આજે સવારે 7.10 કલાકે સાથે ખોલવામાં આવ્યા છે.આજે સવારે વૈદિક મંત્રોચ્ચાર અને ફૂલોની વરસાદ સાથે બદ્રીનાથ ધામના દ્વાર શ્રદ્ધાળુઓ માટે ખોલવામાં આવ્યા છે. આ સાથે જ ચારધામ યાત્રા 2023નો વિધિ વિધાનથી પ્રારંભ થયો છે.દરવાજા ખોલવાના આ શુભ અવસર પર સેંકડો શ્રદ્ધાળુઓ અખંડ જ્યોતિના દર્શન કરવા માટે ધામમાં પહોંચ્યા હતા અને યાત્રાના સ્થળોએ અવરજવર પણ શરૂ થઈ ગઈ છે.
#WATCH उत्तराखंड: बदरीनाथ धाम के कपाट खुल गए हैं। आर्मी बैंड की मधुर धुनों और भक्तों द्वारा जय बद्री विशाल के नारों के बीच कपाट खोले गए। pic.twitter.com/tGxCtHocBJ
— ANI_HindiNews (@AHindinews) April 27, 2023
દરવાજા ખોલવા દરમિયાન, હેલિકોપ્ટરમાંથી ફૂલોની વર્ષા કરવામાં આવી હતી, જ્યારે મુસાફરોએ પરિસરમાં સેનાની મધુર ધૂન પર નૃત્ય પણ કર્યું હતું. બદ્રીનાથના સિંહ દ્વારથી તીર્થયાત્રીઓના દર્શન શરૂ થયા છે. દરવાજો ખોલવા દરમિયાન લગભગ 20 હજાર શ્રદ્ધાળુઓ ધામમાં પહોંચ્યા હતા. દરવાજાના ઉદ્ઘાટન માટે માધવ પ્રસાદ નૌટિયાલ પણ તેહરી રાજાના પ્રતિનિધિ તરીકે ધામમાં હાજર હતા.
#WATCH | Devotees rejoice as portals of Uttarakhand Shri Badrinath temple open pic.twitter.com/1PDl5EvwYg— ANI UP/Uttarakhand (@ANINewsUP) April 27, 2023
તે જ સમયે, બદ્રીનાથ યાત્રાને લઈને શ્રદ્ધાળુઓમાં ઉત્સાહ અને ઉલ્લાસનો માહોલ છે. યાત્રાધામો પર વિવિધ સ્થળોએ યાત્રાળુઓ એકત્ર થવા લાગ્યા છે. તીર્થયાત્રીઓ અને સ્થાનિક શ્રદ્ધાળુઓના લગભગ 400 વાહનો બદ્રીનાથ પહોંચ્યા છે. બદ્રીનાથની સાથે ધામમાં સ્થિત પ્રાચીન મઠો અને મંદિરોને પણ મેરીગોલ્ડ ફૂલોથી શણગારવામાં આવ્યા છે.
બદ્રીનાથ યાત્રા વિશે ચમોલી જિલ્લાના એસપી ડોભાલે જણાવ્યું હતું કે, આ વર્ષની યાત્રા પોલીસ તંત્ર માટે પણ પડકાર સમાન છે. કેદારનાથ ધામમાં જે રીતે શ્રદ્ધાળુઓની ભારે ભીડ જોવા મળી રહી છે તેવામાં બદલી નાથ ધામમાં પણ ભક્તોની ભારે ભીડ જોવા મળે તેવી સંભાવના છે. યાત્રા પહેલા તમામ પોલીસ કર્મચારીઓને બ્રીફ કરી દેવામાં આવ્યા છે કે શ્રદ્ધાળુઓ સાથે કેવું વર્તન કરવું અને યાત્રા માટે તેમને કેવી રીતે ગાઈડ કરવા. જેથી બદ્રીનાથ આવનાર શ્રદ્ધાળુઓને કોઈ સમસ્યા ન થાય.
મહત્વનું છે કે યમનોત્રી અને ગંગોત્રી ધામના કપાટ અક્ષય તૃતીયાના દિવસે એટલે કે 22 એપ્રિલ 2023 ના રોજ ખોલવામાં આવ્યા છે. જ્યારે કેદારનાથ ધામના કપાટ 25 એપ્રિલે ખુલ્યા છે. ચાર ધામમાંથી આ ત્રણ ધામના કપાટ ખુલવા પર શ્રદ્ધાળુઓની ભારે ભીડ જોવા મળી હતી. તેવામાં આજે બદ્રીનાથ ધામમાં પણ દર્શન ખુલી રહ્યા છે તેવામાં અહીં પણ મોટી સંખ્યામાં ભક્તો જોવા મળે તેવી સંભાવના છે.
તમે અમને ફેસબુક , ઇન્સ્ટાગ્રામ , યુટ્યૂબ પર ફોલો કરીને સમાચાર મેળવી શકો છો
નવા નવા ન્યૂઝ અને માહિતી મેળવવા માટે નીચે આપેલ લિંક પર ક્લિક કરી અમારા કલતક 24 ના બ્રેકિંગ ગ્રુપમાં જોડાઓ
