BREAKING NEWS: કિરેન રિજિજુ હવે કાયદા પ્રધાન નથી, વિભાગ બદલ્યો, અર્જુનરામ મેઘવાલ કાયદા મંત્રી જાહેર કરાયા
- કેન્દ્રીય કેબિનેટમાં મોટો ફેરબદલ કરવામાં આવ્યો
- કિરેન રિજિજુને કાયદામંત્રીના પદ પરથી હટાવ્યા, રિજિજૂના સ્થાને અર્જુનરામ મેઘવાલ
- રિજિજૂના સ્થાને અર્જુનરામ મેઘવાલને કાયદામંત્રી બનાવાશે
Reshuffle in Modi cabinet: કેન્દ્રીય કેબિનેટમાં મોટો ફેરફાર કરવામાં આવ્યો છે. કિરેન રિજિજુ(Kiren Rijiju)ને કાયદા મંત્રી પદેથી હટાવી દેવામાં આવ્યા છે. તેમની જગ્યાએ અર્જુન રામ મેઘવાલ(Arjun Ram Meghwal)ને કાયદા મંત્રી બનાવવામાં આવ્યા છે.અહેવાલ અનુસાર કિરેન રિજિજુને બીજા કોઈ મંત્રાલયની જવાબદારી સોંપવામાં આવી શકે છે. માહિતી અનુસાર તેમને અર્થ સાયન્સ મંત્રાલય સોંપવામાં આવ્યાનો નિર્ણય થયો છે.
પીએમ નરેન્દ્ર મોદીની સલાહ પર રાષ્ટ્રપતિ દ્રૌપદી મુર્મુએ કેબિનેટમાં ફેરબદલને મંજૂરી આપી દીધી છે. હવે કિરેન રિજિજુને કાયદા મંત્રાલયમાંથી પૃથ્વી વિજ્ઞાન મંત્રાલયમાં ટ્રાન્સફર કરવામાં આવ્યા છે. તે જ સમયે, રિજિજુના સ્થાને, અર્જુન રામ મેઘવાલને તેમના વર્તમાન પોર્ટફોલિયો ઉપરાંત કાયદા અને ન્યાય મંત્રાલયમાં રાજ્ય પ્રધાન તરીકે સ્વતંત્ર હવાલો આપવામાં આવ્યો છે.
તાજેતરમાં, કિરેન રિજિજુએ સરકાર અને ન્યાયતંત્ર વચ્ચેના કોઈપણ સંઘર્ષને નકારી કાઢતા કહ્યું હતું કે લોકશાહીમાં મતભેદો અનિવાર્ય છે, પરંતુ તેને સંઘર્ષ તરીકે ન સમજવું જોઈએ.Arjun Ram Meghwal, Minister of State assigned the independent charge as Minister of State in the Ministry of Law and Justice in addition to his existing portfolios, in place of Kiren Rijiju. The portfolio of Ministry of Earth Sciences be assigned to Kiren Rijiju: Rashtrapati…
— ANI (@ANI) May 18, 2023
રિજિજુને પૃથ્વી વિજ્ઞાન મંત્રાલયમાં સ્થાનાંતરિત કરવામાં આવ્યા છે.
Arjun Ram Meghwal appointed as law minister, Kiren Rijiju shifted and assigned Ministry of Earth Sciences: Officials
— Press Trust of India (@PTI_News) May 18, 2023
રિજિજુ 2021માં કાયદા મંત્રી બન્યા હતા
રિજિજુ અરુણાચલ પશ્ચિમ લોકસભા સીટ પરથી ભાજપના સાંસદ છે. કિરેન રિજિજુનો જન્મ 19 નવેમ્બર 1971ના રોજ અરુણાચલ પ્રદેશના પશ્ચિમ કામેંગ જિલ્લામાં થયો હતો. તેમણે દિલ્હી યુનિવર્સિટીમાંથી કાયદાની ડિગ્રી મેળવી છે. તેમણે 2004 (અરુણાચલ પશ્ચિમ મતવિસ્તાર) માં પ્રથમ વખત લોકસભાની ચૂંટણી લડી અને જીત્યા. પરંતુ 2009ની લોકસભા ચૂંટણીમાં તેઓ હારી ગયા હતા. રિજિજુ 2014ની ચૂંટણીમાં ફરી જીત્યા અને વડા પ્રધાન નરેન્દ્ર મોદીની કેબિનેટમાં તેમને ગૃહ રાજ્ય પ્રધાન બનાવવામાં આવ્યા.
આ પછી, તેમને મોદી સરકારના બીજા કાર્યકાળમાં એટલે કે 2019 માં રમત પ્રધાન (સ્વતંત્ર પ્રભાર) બનાવવામાં આવ્યા હતા. જુલાઈ 2021 માં, જ્યારે તેમને કેબિનેટ વિસ્તરણ દરમિયાન કાયદા પ્રધાન બનાવવામાં આવ્યા હતા. તેમને રવિશંકર પ્રસાદની જગ્યાએ આ જવાબદારી સોંપવામાં આવી હતી.
કોણ છે અર્જુન રામ મેઘવાલ?
અર્જુન રામ મેઘવાલ 2009થી બિકાનેરથી સાંસદ છે. મેઘવાલનો જન્મ બિકાનેરના કિસ્મીદેસર ગામમાં થયો હતો. તેમણે બીકાનેરની ડુંગર કોલેજમાંથી બીએ અને એલએલબી કર્યું. આ પછી તેમણે આ જ કોલેજમાંથી માસ્ટર્સ ડિગ્રી (M.A) કર્યું. આ પછી, તેમણે ફિલિપાઈન્સની યુનિવર્સિટીમાંથી એમબીએ પણ કર્યું. તેઓ રાજસ્થાન કેડરના IAS અધિકારી રહી ચૂક્યા છે અને રાજસ્થાનમાં અનુસૂચિત જાતિના ચહેરા તરીકે જોવામાં આવે છે.
અર્જુન રામ મેઘવાલ ટૂંક સમયમાં પીએમ મોદી સાથે સ્ટેજ શેર કરશે
તે જ સમયે, રાજ્ય પ્રધાન અર્જુન રામ મેઘવાલને તેમના વર્તમાન પોર્ટફોલિયો ઉપરાંત કિરેન રિજિજુની જગ્યાએ કાયદા અને ન્યાય મંત્રાલયમાં રાજ્ય પ્રધાન તરીકે સ્વતંત્ર હવાલો સોંપવામાં આવ્યો હતો. સમાચાર છે કે અર્જુન રામ મેઘવાલ ટૂંક સમયમાં પ્રગતિ મેદાનમાં યોજાનારા સરકારી કાર્યક્રમમાં પીએમ સાથે મંચ પર હાજર રહેશે.
કલતક 24 ન્યૂઝ તમને સમાચારોથી હંમેશા અવગત રાખશે
ગુજરાતનું નંબર 1 ગુજરાતી ન્યૂઝ પોર્ટલ એટલે કલતક 24 ન્યૂઝ (KalTak 24 News) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો કલતક 24 ન્યૂઝ પર.લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ..
તમે અમને ફેસબુક , ઇન્સ્ટાગ્રામ , યુટ્યૂબ પર ફોલો કરીને સમાચાર મેળવી શકો છો
નવા નવા ન્યૂઝ અને માહિતી મેળવવા માટે નીચે આપેલ લિંક પર ક્લિક કરી અમારા કલતક 24 ના બ્રેકિંગ ગ્રુપમાં જોડાઓ
