ANDHRA PRADESH ના પૂર્વ CM ચંદ્રબાબુ નાયડુની ધરપકડ, CID એ ભ્રષ્ટાચાર સંબંધિત કેસમાં કાર્યવાહી કરી
આંધ્રપ્રદેશના પૂર્વ મુખ્યમંત્રી ચંદ્રબાબુ નાયડૂની ધરપકડ કરવામાં આવી છે. CID વિભાગે ભ્રષ્ટાચાર મામલે જે સવારે TDP પ્રમુખ ચંદ્રબાબુ નાયડૂની ધરપકડ કરી છે.
Former Andhra Pradesh CM Chandrababu Naidu Arrested: આંધ્રપ્રદેશ ક્રિમિનલ ઇન્વેસ્ટિગેશન ડિપાર્ટમેન્ટે TDP ચીફ અને આંધ્ર પ્રદેશના પૂર્વ સીએમ એન ચંદ્રબાબુ નાયડુની ધરપકડ કરી છે. તેમની ભ્રષ્ટાચારના કેસમાં ધરપકડ કરવામાં આવી છે. 2021માં નાયડુ વિરુદ્ધ કેસ નોંધવામાં આવ્યો હતો. આંધ્રપ્રદેશ પોલીસે પૂર્વ ગોદાવરી જિલ્લામાં TDP નેતા અને પાર્ટીના વડા એન ચંદ્રબાબુ નાયડુના પુત્ર નારા લોકેશની પણ અટકાયત કરી હતી.
CID આજે સવારે વોરંટ લઈને પહોંચી ગઈ હતી
ચંદ્રબાબુ નાયડૂએ કાલે નંદ્યાલ જિલ્લાના બનગનપલ્લીમાં જનસભાને સંબોધન કર્યું હતું. સાર્વજનિક સંબોધન પછી ચંદ્રબાબુ નાયડૂ વેનિટી વેનમાં આરામ કરી રહ્યા હતા. CID સવારે સાડા ત્રણ વાગ્યે ચંદ્રબાબુ નાયડૂની ધરપપકડ કરવા માટે વેનિટી વેનમાં ગઈ હતી. પાર્ટી કાર્યકર્તાઓ અને નેતાઓએ વેનિટી વેનને ઘેરી લીધી અને ચંદ્રબાબુ નાયડૂની ધરપકડ કરવા દીધી નહોતી.
સવારે 6 વાગ્યે ધરપકડ
જો કે, મોટી સંખ્યામાં ત્યાં એકઠા થયેલા ટીડીપી કાર્યકરો દ્વારા પોલીસને સખત પ્રતિકારનો સામનો કરવો પડ્યો હતો. નાયડુની સુરક્ષા કરતા એસપીજી દળોએ પણ પોલીસને મંજૂરી આપી ન હતી, એમ કહીને કે તેઓ નિયમો અનુસાર સવારે 5.30 વાગ્યા સુધી કોઈને નાયડુ સુધી પહોંચવા દેતા નથી. આખરે, સવારે 6 વાગ્યાની આસપાસ, પોલીસે નાયડુના વાહનનો દરવાજો ખટખટાવ્યો, તેમને નીચે લાવ્યા અને ધરપકડ કરી.
ડીઆઈજીએ તેને કહ્યું કે તેની એપી સ્કીલ ડેવલપમેન્ટ કોર્પોરેશન કૌભાંડમાં ધરપકડ કરવામાં આવી રહી છે, જેમાં તે આરોપી નંબર 1 છે. તે અંગેની નોટિસ તેને સોંપવામાં આવી હતી.પ્રારંભિક પ્રતિકાર પછી, નાયડુને વાહનમાં લઈ જવામાં આવ્યા હતા. તેને વિજયવાડા ખસેડવામાં આવી રહ્યો છે.
CID ધરપકડ વોરંટ
TDP કાર્યકર્તા અને પોલીસ વચ્ચે રકઝક
નેતાઓ અને આંધ્રપ્રદેશ CID પોલીસ વચ્ચે ગંભીર રકઝક થયા પછી ચંદ્રબાબુ નાયડૂએ વેનિટી વેનમાંથી બહાર આવીને પોલીસ સાથે ચર્ચા કરી હતી. 51 CRPC હેઠળ ધરપકડ કરવા માટે નોટીસ જાહેર કરવામાં આવી હતી. ચંદ્રબાબુ નાયડૂએ ડિટેઈલ્સ માંગી પરંતુ પોલીસે તે માહિતી આપવાની ના પાડી દીધી હતી. ચંદ્રબાબુ નાયડૂને પૂછપરછ કર્યા પછી વિસ્તૃત જાણકારી આપવામાં આવશે. ચંદ્રબાબુ નાયડૂ પોલીસને સહયોગ કરવા માટે સહમત થયા હતા.
STORY | TDP chief Chandrababu Naidu arrested in corruption case
READ: https://t.co/rKUE8rG2iw
(PTI File Photo) pic.twitter.com/ok3sITOJy9
— Press Trust of India (@PTI_News) September 9, 2023
શા માટે ધરપકડ કરવામાં આવી?
ચંદ્રબાબુ નાયડૂ કૌશલ વિકાસ ગોટાળામાં આરોપી હોવાનું કહેવામાં આવ્યું છે, જેમાં 250 કરોડથી વધુનો સ્કેમ કર્યો હોવાનો આરોપ છે. ચંદ્રબાબુ નાયડૂ અને તેમના અધિવક્તાઓએ તપાસ અધિકારીઓને સાક્ષી પ્રદાન કરવા માટેનું કહ્યું હતું. ચંદ્રબાબુ નાયડૂએ CID અધિકારીઓને સવાલ કર્યો છે કે, તેમની સંલિપ્તતા વિશે જાણકારી આપ્યા વગર કેવી રીતે ધરપકડ કરવામાં આવી શકે? જેના જવાબમાં પોલીસે જણાવ્યું છે કે, 24 કલાકમાં રિમાન્ડ રિપોર્ટ પ્રદાન કરવામાં આવશે.
માહિતી અનુસાર, ફોજદારી કાર્યવાહી સંહિતાની કલમ 50(1)(2) હેઠળ જારી કરાયેલી નોટિસ મુજબ, નાયડુ પર ભ્રષ્ટાચાર નિવારણ અધિનિયમ, 1988 અને કલમ 120(8), 166, 167, 418, હેઠળ કેસ દાખલ કરવામાં આવ્યો છે. ભારતીય દંડ સંહિતાની 420, 465. 468, 471, 409, 201, 109RW અને 37ની ધરપકડ કરવામાં આવી છે. આ સાથે એવું પણ કહેવામાં આવ્યું છે કે આ બિનજામીનપાત્ર ગુનો છે. આ કેસમાં હવે કોર્ટ દ્વારા જ જામીન મળી શકશે.સીઆઈડીના નાયબ પોલીસ અધિક્ષક એમ ધનંજાયડુ દ્વારા આપવામાં આવેલી નોટિસમાં જણાવ્યું હતું.
- ગુગલ ન્યુઝમાં KalTak24 News ની અપડેટ મેળવવા ક્લિક કરો: KalTak24 News
- નીચે આપેલી લીંક પર ક્લિક કરીને જોડાઓ કલતક 24 ન્યૂઝ KalTak24 News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: KalTak24 News YouTube
