અમદાવાદ-બગોદરા હાઈવે પર ગમખ્વાર અકસ્માત,અજાણ્યા વાહનચાલકે કારને અડફેટમાં લેતા 2નાં મોત, બે ઇજાગ્રસ્ત

એક બાજુ આજથી દિવાળીનો તહેવાર શરુ થઈ રહ્યો છે ત્યારે આ વચ્ચે અમદાવાદમાં ગમખ્વાર અકસ્માતની ઘટના સામે આવી છે. જેમાં અમદાવાદના બગોદરા હાઈવે પર જમવા બહાર નિકળેલા 4 મિત્રોને અકસ્માત નડ્યો હતો. જેમાં 2 લોકોના મોત થયા છે અને બે લોકો ગંભીર રીતે ઈજાગ્રસ્ત છે.

0 99

Ahmedabad-Bagodara Highway Accident: અમદાવાદમાં ફરી એકવાર ભયંકર અકસ્માતની ઘટના સામે આવી રહી છે. મળતી માહિતી અનુસાર,રાત્રે ચાર મિત્રો કાર લઈને જમવા નીકળ્યા પછી અકસ્માત સર્જાતાં બે યુવકના મોત થયા છે. વિગતો અનુસાર કારને અજાણ્યા વાહને અડફેટે લેતા આ અકસ્માત સર્જાયો હતો. અન્ય વાહનની ટક્કરથી સર્જાયેલ આ અકસ્માત એટલો ભયંકર હતો કે બે યુવકોના તો ઘટનાસ્થળે જ કમકમાટીભર્યા મોત નિપજ્યાં હતા. અને બીજી તરફ અન્ય બે યુવકોને સારવાર માટે ખસેડવામાં આવ્યા છે.

અમદાવાદ-બગોદરા હાઇવે પર ગમખ્વાર અકસ્માતની ઘટના સામે આવી છે. ગઈકાલે રાત્રિના સમયે બગોદરા હાઇવે પર રોયકા ચોકડી પર અકસ્માત સર્જાયો હતો. જેમાં કારને અજાણ્યા વાહને અડફેટે લેતા અકસ્માત થતાં 2 યુવકોના ઘટના સ્થળે જ મોત થયા હતા. આ તરફ અકસ્માતમાં અન્ય 2 યુવકો ઈજાગ્રસ્ત થતાં એકને સોલા સિવિલ અને એકને બાવળા સિવિલમાં ખસેડાયો છે.

રાત્રે જમવા નીકળ્યા અને મળ્યું મોત
પ્રાથમિક વિગતો મુજબ મૂળ બાવળા ગ્રામ્ય વિસ્તારના રહેવાસી ચાર મિત્રો કાર લઈને રાત્રિના સમયે જમવા નીકળ્યા હતા. આ દરમિયાન કોઈ અજાણ્યા વાહનને તેમની કારને અડફેટે લીધી હતી. જેમાં ગંભીર ઇજાઓને કારને બે યુવકનું ઘટનાસ્થળે જ કમકમાટીભર્યું મોત થયું હતું. જોકે અન્ય બે યુવકોને પણ ગંભીર ઇજાઓ પહોંચતા તાત્કાલિક સારવાર અર્થે ખસેડવામાં આવ્યા હતા. આ તરફ ઘટનાને લઈ બગોદરા પોલીસે અકસ્માતે મોત નોંધી વધુ તપાસ શરૂ કરી છે.

સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે..