February 13, 2025
KalTak 24 News
Gujarat

અમરેલી/ સૌરાષ્ટ્રના જિલ્લાઓમાં દીપડાનો આતંક યથાવત,અમરેલીમાં દીપડાના હુમલામાં 7 વર્ષના બાળકનું મોત,પરિવારમાં શોક

Amreli News: સૌરાષ્ટ્રના જિલ્લાઓમાં દીપડાનો આતંક યથાવત છે. મળતી જાણકારી અનુસાર,  અમરેલી જિલ્લાના તરકતળાવ ગામમાં દીપડાના હુમલામાં એક સાત વર્ષીય બાળકનું મોત થયુ હતું. મૃતક બાળકનો પરિવાર ખેતરમાં મજૂરી કરે છે.  દીપડાએ બાળક પર હુમલો કરતા પરિવારજનો દોડી આવ્યા અને બૂમાબૂમ કરી હતી. લોકો એકઠા થઇ જતા દીપડો ભાગી ગયો હતો પરંતુ પરિવારજનો બાળકને બચાવી શક્યા નહોતા.  ઘટનાની જાણ થતા વન વિભાગની ટીમ સ્થળ પર પહોંચી અને દીપડાને પકડવા કામગીરી શરૂ કરી હતી.

7 વર્ષના બાળકને લઈને ભાગ્યો દીપડો

મળતી માહિતી અનુસાર, અમરેલી તાલુકાના તળાવ ગામ નજીક આવેલા રમણીકભાઈ પોપટભાઈ દેવાણીના ખેતરમાં અચાનક દીપડો આવી ચડ્યો હતો અને ખેત મજૂર પરિવારના 7 વર્ષના બાળક અમિત જંગલાભાઈ માંડલીયાને દબોચી લીધો હતો. જે બાદ દીપડો બાળકને લઈને ભાગ્યો હતો. જોકે, બાળકના પરિવારજનો બૂમાબૂમ કરવા લાગતા દીપડો બાળકને લોહિયાળ હાલતમાં જ છોડીને નાસી છૂટ્યો હતો.

બાળકનું મોત થતાં પરિવારમાં શોક

આ અંગેની જાણ થતાં આસપાસના ખેતરમાંથી ખેડૂતો દોડી આવ્યા હતા અને બાળકને હોસ્પિટલમાં ખસેડ્યો હતો. જ્યાં ડોક્ટરે અમિતને મૃત જાહેર કર્યો હતો. રમણીકભાઈના ખેતરમાં ખેતમજૂરી કરતા મધ્ય પ્રદેશના પરિવારના બાળકનું મોત થતાં પરિવારમાં શોક છવાયો હતો.

પરિવારજનો પાછળ દોડતા દીપડો ભાગી ગયો
મૃતકના સગા સુનિલભાઈએ જણાવ્યું હતું કે, અમે ખેતરમાં ગયા હતા, ત્યારે આ બાળક પાણી ભરવા ગયો હતો. જે સમયે દીપડો આવી જતા બાળકને ફાડી નાખ્યો હતો. બાળક બૂમાબૂમ કરવા લાગ્યો હતો. તેમજ પરિવારજનો પાછળ દોડતા દીપડો બાળકને છોડીને ભાગી ગયો હતો. બાળકને હોસ્પિટલમાં લઈ આવ્યા હતા. જોકે, તેનું મોત થયું છે.

અમરેલી એસીએફ મુનાફ શેખે જણાવ્યું હતું કે મધ્યપ્રદેશથી ખેતીનુ કામ કરતા પરિવારના સાત વર્ષીય બાળક પર દીપડાએ હુમલો કર્યો હતો. દીપડો બાળકને પકડીને લઇ જતા તેના માતા પિતા તેની પાછળ દોડ્યા હતા. દીપડાએ 50 મીટર સુધી બાળકને ઢસડ્યો હતો. બાળકના મૃતદેહને પોસ્ટમોર્ટમ માટે લઇ જવાયો હતો.

A seven-year-old child was killed in a leopard attack in Amreli district Amreli: સૌરાષ્ટ્રના જિલ્લાઓમાં દીપડાનો આતંક યથાવત, અમરેલીમાં દીપડાના હુમલામાં બાળકનું મોત

વન વિભાગના અધિકારીઓ થયા દોડતા

આ અંગેની જાણ થતાં વન વિભાગની ટીમ પણ હોસ્પિટલ ખાતે દોડી આવી હતી અને પરિવારજનોના નિવેદનો લીધા હતા. જે બાદ અમરેલી ડિવિઝનના ઈન્ચાર્જ IFS સદીક મુંજવારની સૂચનાથી વન વિભાગના અધિકારીઓ અલગ-અલગ પાંજરાઓ ગોઠવી દીપડાને પકડવાની કવાયત હાથ ધરાઇ હતી.

 

 

 

Related posts

ઓખાના દરિયામાંથી 300 કરોડનું ડ્રગ્સ ઝડપાયું, ATS અને ઇન્ડિયન કોસ્ટ ગાર્ડે 10 પાકિસ્તાની નાગરીક પકડ્યા

KalTak24 News Team

બોટાદ/‌ મંગળવાર નિમિત્તે શ્રી કષ્ટભંજનદેવ હનુમાનજી દાદાને ઓર્કિડના ફુલનો દિવ્ય શણગાર અને સુખડીનો પ્રસાદ ધરાવાયો;હજારો ભક્તોએ કર્યો દર્શન

Sanskar Sojitra

BIG BREAKING: જીજ્ઞેશ મેવાણી સહિત 19ને કોર્ટ 6 માસની સજા ફટકારી, 2016 થી ચાલી રહ્યો હતો કેસ

KalTak24 News Team
રાશા દેશી લૂકમાં તેની માતા રવિના ટંડનની નકલ જેવી દેખાતી હતી, સલવાર સૂટ પહેરીને ટ્વિસ્ટેડ રીતે પોઝ આપ્યો હતો. Manasi Parekh : નેશનલ એવોર્ડ મેળવતી વખતે સ્ટેજ પર રડી પડી અભિનેત્રી, રાષ્ટ્રપતિએ તેને સાંત્વના આપી, કહ્યું- વિશ્વાસ નથી આવતો… (Copy) Manasi Parekh : નેશનલ એવોર્ડ મેળવતી વખતે સ્ટેજ પર રડી પડી અભિનેત્રી, રાષ્ટ્રપતિએ તેને સાંત્વના આપી, કહ્યું- વિશ્વાસ નથી આવતો… Paneer Korma Recipe: પનીર કોરમાની યુનિક રેસીપી ડિનરમાં ઘરે ટ્રાય કરો ખાલી પેટ કલોંજીનું પાણી પીવાના 5 ફાયદા દાંત જંતુઓ દ્વારા ચેપ લાગશે નહીં