June 22, 2024
KalTak 24 News
Gujarat

સુરત/ જીવતા જીવ રક્તદાન,મૃત્યુ બાદ અંગદાન ને સાર્થક કરતું સૂત્ર આજે ખરું બન્યું; જીવનદીપ ઓર્ગન ડોનેશન ફાઉન્ડેશન થકી પટેલ સમાજના સખીયા પરિવાર દ્વારા 41 વર્ષીય પુરુષના અંગોનું કરાયું અંગદાન…

Surat Organ Donation Today

“સેવા યુથ ફાઉન્ડેશન ત્રીસ વર્ષથી રક્તદાનની સેવાનું કામ કરી રહ્યું છે સેવાભાવી પિતાએ પોતાના દીકરાના અંગદાનનો નિર્ણય કરીને સમાજ ને નવી રાહ ચીંધી”

Organ Donation in Surat: ટેકસ્ટાઈલ અને ડાયમંડ સિટી સુરત હવે ઓર્ગન ડોનર સિટી તરીકે ઓળખવા લાગ્યું છે.પટેલ સમાજના સખીયા પરિવાર દ્વારા 41 વર્ષીય પુરુષના અંગોનું દાન કરીને ઉત્તમ ઉદાહરણ પૂરું પાડ્યું છે. મુળ વોરા કોટડા ગામ,રાજકોટના વતની હાલ નાનાવરાછા વિસ્તાર રહેતા આશિષભાઈ વિનુભાઈ સખીયા બે દિવસ પહેલા મિત્ર સાથે બેઠા હતા અને વાતો કરતા હતા એ દરમિયાન પોતાની જીભ લથડતા મિત્રોઓ તેમને તત્કાલિક સુરતની વિનસ હોસ્પિટલ ખાતે સારવાર માટે લઈ ગયા હતા.જ્યા આશિષભાઈની પરિસ્થિતિ જોતા રીપોર્ટની તપાસ કરતા બ્રેઈન નો પ્રોબલમ જણતા તેઓની સર્જરી કરવામાં આવી.ત્યારે સારવાર કર્યા બાદ દર્દીને તેઓને બ્રેઇનડેડ જાહેર કરાયા હતા.ત્યારે જીનવદીપ ઓર્ગન ડોનેશન ફાઉન્ડેશનના માધ્યમથી પટેલ સમાજના અગ્રણીઓ અને સખીયા પરિવારના સભ્યોએ આશિષભાઈના અંગોનું દાન કરવાનો નિર્ણય લીધો હતો.આશિષભાઈના બંને કિડની,હદય,લીવર, ચક્ષુઓ ના અંગોના દાન કરવામાં આવ્યુ છે. આ અંગોના દાન થકી અન્ય વ્યક્તિને નવ જીવન બક્ષ્યું છે.વધુમાં,આશિષભાઈને સંતાનમાં બે બાળકો છે દીકરો વત્સલ(ઉ. 13 વર્ષ) અને દીકરી વૈદી (ઉ.17 વર્ષ).

WhatsApp Image 2024 05 27 at 20.38.56 08683bf2

આશિષભાઈ અને તેમનો સમગ્ર પરિવાર સહીત સેવા યુથ ક્લબ ગોંડલ ગ્રુપ,સુરત અને સાર્થક ગ્રુપ, સુરતના સભ્ય હોય જેઓ ૩૦ વર્ષોથી રક્તદાન માટે આયોજન કરતા આવેલ હોઈ.સેવા યુદ્ધ ક્લબ ગોંડલ ગ્રુપે હમણાંજ 30 મો રક્તદાન કેમ્પ યોજાયો હતો જેમાં 725 રક્ત યુનિટ એકત્રિત કર્યું હતું. આશિષભાઈ સેવા યુદ્ધ ક્લબ ગોંડલ ગ્રુપ અને સાર્થક ગ્રુપ ગોંડલના સભ્ય હતા જે સેવા ભાવિ સંસ્થા છે જે સંસ્થાના પ્રમુખ ટી.કે. પટેલ અને કે.ડી. પટેલ છે. 42 સભ્યોથી આ ગ્રુપ ચાલે છે, આ ગ્રુપ આર્થિક રીતે જરૂરિયાત મંદ લોકોને મદદ પૂરી પાડે છે આ ગ્રુપના સભ્યોને આર્થિક ભારે નહીં આવે એ માટે પોતાના પાસે થયેલ બચતને એની પાછળ વાપરે છે.

WhatsApp Image 2024 05 27 at 20.38.57 ac29209c

સારવાર દરમિયાન બ્રેઈનડેડ જાહેર કર્યા

આશિષભાઈ બે દિવસ પહેલા મિત્ર સાથે બેઠા હતા અને વાતો કરતા હતા એ દરમિયાન પોતાની જીભ લથડતા મિત્રોઓ તેમને સુરતની વિનસ હોસ્પિટલ ખાતે લઈ ગયા હતા. જ્યાં તેમના રીપોર્ટની તપાસ કરતા બ્રેઈન નો પ્રોબલમ જણતા તેઓની સર્જરી કરવામાં આવી, દર્દીની ઘણી સારવાર બાદ ડો. સંજય ખુંટ, ડો. આકાશ બારડ, ડો. જીગ્નેશ ગેંગડીયા, ડો. પ્રેક્ષા ગોયલ દ્વારા તેઓને બ્રેન્ડેડ જાહેર કરવામાં આવ્યા હતા.

WhatsApp Image 2024 05 27 at 20.38.55 3c7ff07d 1

અંગદાન માટે પરિવારની હિંમત

પોતાનું સ્વજન બ્રેઈન ડેડ ના સમાચાર મળતા જીવનદીપ ઓર્ગન ડોનેશન ફાઉન્ડેશન ટ્રસ્ટના પી.એમ.ગોંડલિયા , વિપુલ તળાવીયા અને ડો. નિલેશ કાછડિયા નો સંપર્ક કરવામાં આવ્યો હતો, તેમના પરિવારના તમામ સભ્યોને અંગદાનનું મહત્વ સમજાવવામાં આવ્યું હતું અને પ્રક્રિયા સમજાવી માહિતી આપવામાં આવી હતી. આ પરિવારના મોભી અને દર્દીના પિતા વિનુભાઈ અને નાનાભાઈ એ અંગદાન માટે સંકલ્પ કર્યો, પિતા વિનુભાઈ, પત્ની સેજલબેન, આનંદભાઈ સેવાયુથ ગ્રુપ સભ્ય ટી.કે.પટેલ ડી.કે.પટેલ, ભાવેશભાઈ ભુવા, મનીષભાઈ રૈયાણી, રાકેશભાઈ રૂપારેલીયા દ્વારા સંમતિ મળતા આ અંગદાન માટેની પ્રક્રિયા સોટોમાં રજીસ્ટ્રેશન સાથે શરૂ કરવામાં આવી હતી.

WhatsApp Image 2024 05 27 at 20.38.56 2ebc895c

અંગદાનનું ટ્રાન્સપ્લાન્ટ

પરિવારજનોની સંમતી મળતા સ્ટેટ ઓર્ગન એન્ડ ટીસ્યુ ટ્રાન્સપ્લાન્ટ(સોટો) અને નોટો નો સંપર્ક કરી હદય, લિવર, કીડની અને ચક્ષુઓના દાન માટે જણાવ્યું હતું. ગુજરાત સરકારની સોટો સંસ્થા દ્વારા ડો. પ્રાંજલ મોદી, પ્રિયાબેન શાહ, યુ. એન. મહેતા હોસ્પિટલના ડો. કાર્તિક પટેલ, ડો. પ્રતિક માણેક, ડો. હિરેન દ્વારા હદયનું દાન સ્વીકારવામાં આવ્યું હતું, તેમજ ઝાયડ્સ હોસ્પિટલ ટિમ દ્વારા બે કીડની અને લિવર નું દાન સ્વીકારવામાં આવ્યું હતું, અને બંને આંખનું દાન લોક્દ્રષ્ટિ ચક્ષુ બેંક સુરતના ડૉ. પ્રફુલભાઈ શિરોયાના માધ્યમથી સ્વીકારવામાં આવ્યું હતું.

WhatsApp Image 2024 05 27 at 20.38.57 cce9f4df

અંગદાન પહોંચાડવા ગ્રીન કોરીડોર

સુરતની વિનસ હોસ્પિટલ થી સુરત એરપોટ સુધી ગ્રીન કોરીડોર બનાવી સમય સર,અમદાવાદ એરપોર્ટ પહોંચીને યુ.એન.મહેતા હોસ્પિટલ, સિવિલ અને ઝાયડ્સ હોસ્પિટલ સુધી ગ્રીન કોરીડોર બનાવવા માટે ગુજરાત પોલીસનો સહકાર મળ્યો હતો.

અંગદાન કરવાની સમગ્ર પ્રકિયામાં વિનસ હોસ્પિટલના એડમીન ડો. અંકિત દેસાઈ, ડો.વીરેન પટેલ, શૈલેશ થીગડે, જીવનદીપ ઓર્ગનડોનેશન ફાઉન્ડેશન ટ્રસ્ટના ફાઉન્ડર પી.એમ.ગોંડલિયા,ડો.નીલેશ કાછડિયા, વિપુલ તળાવીયા, પાર્થ ગઢિયા, નીતિનભાઈ ધામેલીયા, સાગર કોરાટ, ચિરાગ કુકડિયા, ભાવેશ દેસાઈ, નિકુંજ મુલાણી, અલ્પેશ દુધાત, હર્ષ પાઠક, મિલન રાખોલિયા, મિલન તળાવીયા અને સમગ્ર વિનસ હોસ્પિટલ હોસ્પિટલ સ્ટાફ પરિવાર તેમજ જીવનદીપ ઓર્ગન ડોનેશન ફાઉન્ડેશન ટ્રસ્ટના સંકલનથી આ સફળ ઓર્ગન ડોનેશન સુરત ખાતેથી કરવામાં આવ્યું હતું.

WhatsApp Image 2024 05 27 at 20.38.56 205173bf

અંગદાન માટે જાગૃતિ લાવવા તમામ પ્રેસ,ઈલેક્ટ્રોનિક મીડિયા, OTT પ્લેટફોર્મ અને વિવિધ સોશ્યલ મીડિયાનો ખુબજ સહયોગ પ્રાપ્ત થઇ રહ્યો છે જેથી આ સંસ્થાના માધ્યમથી ૧૫મું ઓર્ગન ડોનેશન કરાવવામાં આવ્યું હતું.

 

 

Group 69

 

 

Related posts

સુરતમાં 5 વર્ષની બાળકીની ઘાતકી હત્યા, મેદાનમાંથી મૃતદેહ મળ્યો, દુષ્કર્મની આશંકા

KalTak24 News Team

પી.પી સવાણી અને જાનવી ગ્રુપ આયોજિત દ્વિ-દિવસીય ‘દીકરી જગત જનની’ લગ્નોત્સવના પ્રથમ દિવસે ૧૫૦ નવદંપતિઓ લગ્નના બંધનથી બંધાયા

Sanskar Sojitra

સુરત માં લોકલ વોકલ બિઝનેસ ગ્રુપ દ્વારા 9માં “વોલકેનો” ગ્રુપ નું કર્યું લોન્ચિંગ..

KalTak24 News Team
શિયાળામાં ગોળની ચા પીવાથી ઘણા ફાયદા થાય છે. ઈન્ટરનેટ વગર પણ મોકલી શકાય છે UPIથી પૈસા,જાણો સમગ્ર માહિતી પાયલની આ લેટેસ્ટ ડીઝાઈન કરવા ચોથ પર તમારા પગની સુંદરતા વધારશે, એકવાર જરૂર ટ્રાય,જુઓ અહી ડિઝાઇન.. મોબાઈલનું કવર ગંદુ થઈ ગયું છે?, આવો જાણીએ તેને સાફ કરવા માટેની સરળ રીત રોજ સવારે ખાલી પેટ આ 6 પાંદડા ચાવો, જાણો ઘણા ફાયદા અંજીર ખાવાના 5 જબરદસ્ત ફાયદા,જાણો ઘણા ફાયદા